டீ மட்டும் அருந்தி 33 வருடங்கள் வாழ்ந்த பெண்

இந்தியாவின் சத்தீஸ்கர் மாவட்ட பாராடியா கிராமத்தைச் சேர்ந்தவர் பில்லி தேவி. 

தற்போது 44 வயதாகும் இவர் 11 வயதிலிருந்தே  டீ மட்டுமே குடித்து வருகிறார்.

இது தொடர்பில் அவரின் தந்தையிடம் கேட்ட போது தனது மகள் 6-ம்  படிக்கும்போது பாட்னா பள்ளி சார்பாக மாவட்ட அளவிலான விளையாட்டுப் போட்டியில் கலந்து கொண்ட பிறகு உணவு, தண்ணீர் அருந்துவதை நிறுத்திவிட்டாள்.

முதலில் டீயுடன் பால் சேர்த்து பிஸ்கட் சாப்பிட்டு வந்தார். அதன் பிறகு பிளாக் டீக்கு மாறிவிட்டார்.

 அவள் ஒவ்வொரு நாளும் சூரிய அஸ்தமனத்துக்குப் பின்னர் ஒரு டம்ளர் அருந்துகிறாள் என்று கூறியுள்ளார்.

பில்லியில் சகோதரர் பிஹாரி லால் ராஜ்வாடே கூறுகையில், இவளின் இந்த பழக்கத்தால், அவளுக்கு ஏதேனும் ஆகிவிடுமோ என்ற பயத்தில் பல வைத்தியர்களிடம் அழைத்துச் சென்றுவிட்டோம்.

இதுவரை எந்த வைத்தியரும் அவரது வினோத பழக்கத்தின் பின் ஏதும் உடல் நலக் குறைபாடு இல்லை என்று கூறிவிட்டனர்.

இது மட்டுமல்ல பில்லி எப்போதாவதுதான் வீட்டை விட்டு வெளியே வருவார். 

மற்ற நேரங்களில் அவர் சிவனை வணங்கிக் கொண்டு வீட்டினுள்ளேயே இருந்துவிடுவார் என்று சற்று வேதனையுடன் கூறியுள்ளார்.

இது தொடர்பாக கோரியா மாவட்ட மருத்துவமனை வைத்தியர் எஸ்.கே.குப்தா தெரிவிக்கையில் இது  ஆச்சரியமாகவே உள்ளது ஒரு நபரால் 33 ஆண்டுகள் வெறும் டீ மட்டும் குடித்து உயிர் வாழ முடியும் என்பதை நம்ப முடியவில்லை, அதுவும் முடியாது.