102 பேரின் உறுப்புரிமையை ரத்து செய்த ஐ.தே.க?

கட்சி யாப்பை மீறி செயற்பட்டு 'சமகி ஜனபல வேகய (Samagi jana balavegaya)' மூலமாக வேட்புமனு தாக்கல் செய்த 102 உறுப்பினர்களின் உறுப்புரிமை இடைநிறுத்தம் செய்யப்படுவதாக ஐக்கிய தேசிய கட்சி தெரிவித்துள்ளது. 

ஐக்கிய தேசியக் கட்சியின் பொதுச் செயலாளர் அகில விராஜ் காரியவசம் இன்று (27) வெளியிட்டுள்ள ஊடக அறிக்கையிலேயே இவ்வாறு தெரிவிக்கப்பட்டுள்ளது. 

உள்ளூராட்சி மன்ற உறுப்பினர்கள் முன்னாள் மாகாணசபை உறுப்பினர்கள் முன்னாள் பாராளுமன்ற உறுப்பினர்கள் ஆகியோரை இவ்வாறு இடைநிறுத்தப்பட்டுள்ளனர். 

ஏற்கனவே இவர்களிடமிருந்து விளக்கம் கோரப்பட்டுள்ளதாகவும் எதிர்வரும் செயற்குழு கூட்டத்தில் இது தொடர்பாக பேசி நடவடிக்கை எடுக்கப்படும் எனவும் அந்த அறிக்கையில் மேலும் தெரிவிக்கப்பட்டுள்ளது.

(நிவ்ஸ்வய)