முதன் முறையாக Zoom முறையில் ஊடக சந்திப்பு

ஒவ்வொரு வாரமும் செய்வாய்க்கிழமைகளில் அரசாங்க தகவல் திணைக்களத்தில் நடைபெறும் அமைச்சரவைத் தீர்மானங்களை அறிவிக்கும் ஊடக கலந்துரையாடல் கொரோனா வைரஸ் பரவலை கருத்திற்கொண்டு நாளை (20) இணைய (Online) வழியில் நடத்துதப்படவுள்ளது. 

ஊடகவியலாளர்கள் பெரும் எண்ணிக்கையில் ஒரு இடத்தில் ஒன்று கூடுவது சுகாதார அடிப்படையில் ஆபத்தானதாக அமையலாம் என்பதினால் இம்முறை அமைச்சரவைத் தீர்மானங்களை அறிவிக்கும் ஊடக 

கலந்துரையாடலை இணைய (Online) வழி முறையில் நடத்துவதற்கு அரசாங்க தகவல் திணைக்களம் தீர்மானித்துள்ளது. 

இந்த ஊடக சந்திப்பில் கலந்து கொள்ளும் அமைச்சர்களிடம் பொருத்தமான கேள்வி மற்றும் அறிந்துகொள்ள விரும்பும் விடயங்களை முன்வைக்கவிரும்பும் ஊடகவியலாளர்களுக்கு அதற்கான சந்தர்ப்பத்தை வழங்குவதற்காக இதை Zoom தொழில் நுட்பத்தின் ஊடாக நடத்துவதற்கு எதிர்பார்க்கப்படுகின்றது. 

இதற்கமைவாக இந்த ஊடக கலந்துரையாடல் மற்றும் இதில் ஒன்றிணைய எதிர்பார்க்கும் ஊடக நிறுவனத்தின் ஊடகவியலாளரின் பெயர், ஊடக நிறுவனம் ,கையடக்கத் தொலைபேசி இலக்கம் மற்றும் மின்னஞ்சல் முகவரி முதலான தகவல்களை 076 9736 357 என்ற இலக்கத்திற்கு குறுஞ் செய்தி யொன்றின் SMS ) மூலம் இன்று சமர்ப்பிக்குமாறு வேண்டப்பட்டது. 

 இதில் Zoom தொழில் நுட்பத்தின் ஊடாக ஊடக கலந்துரையாடல் மற்றும் தொடர்புபடுவதற்குத் தேவையான லிங்க் (Link) தொடர்புகளை ஒவ்வொரு ஊடகவியலாளர்களினதும் மின்னஞ்சல் முகவரிக்கு அனுப்பப்படும். 

சம்பந்தப்பட்ட ஊடகவியலாளருடன் தொடர்பாடல்களை மேற்கொள்வதற்காக Cabinet Briefing என்ற பெயரில் WhatsApp group ஒன்றை உருவாக்குவதற்கு நடவடிக்கை மேற்கொள்ளப்படும். 

இதற்கு மேலதிகமாக இந்த ஊடகவியலாளர் கலந்துரையாடல் www.news.lk என்ற இணையதளம் மற்றும் அரசாங்க தகவல் திணைக்களத்தின் முகப்புத்தக பக்கத்திலும் (Facebook page) நேரடியாக ஒளிபரப்பு செய்யப்படும் என்றும் அரசாங்க தகவல் திணைக்களப் பணிப்பாளர் தெரிவித்துள்ளார்.

அ.த.தி.