கண்டுபிடிக்கப்பட்டது மாயமான விமானம்!

இந்தோனேசியாவின் ஜகார்த்தா விமான நிலையத்தில் இருந்து நேற்று 62 பேருடன் புறப்பட்டுச் சென்ற போயிங் விமானம் புறப்பட்டு நான்கே 

நிமிடங்களில் தொடர்பையிழந்தது. பின்னர் அது விபத்துக்குள்ளானதாக தெரிவிக்கப்பட்டது. 

இந்தநிலையில் இந்தோனேசியாவின் ஜாவா கடற்பகுதியில் தொடர்ந்து தேடும் பணி நடைபெற்று வரும் நிலையில், இன்று (10) மனித உடல்களின் பாகங்கள் மற்றும் உடைகளை மீட்புக் குழுவினர் மீட்டுள்ளனர். எனவே, விமானம் ஜாவா கடற்பகுதியில் விழுந்து விபத்துக்குள்ளானது உறுதியாகியுள்ளது. விமானத்தில் பயணித்த பயணிகளில் யாரும் உயிர்பிழைத்திருக்க வாய்ப்பு இல்லை என்று தெரியவருகின்றது.