பல்கலைக்கழகத்திற்கு விண்ணப்பித்தல் தொடர்பான புதிய அறிவித்தல்

தற்போது பயணக் கட்டுப்பாடு விதிக்கப்பட்டுள்ள காரணத்தினாலும் பாடசாலைகள் மூடப்பட்டுள்ளதாலும் பல்கலைக்கழக அனுமதிக்காக விண்ணப்பிக்கும் பொழுது பாடசாலையில் இருந்து பெற்றுக் கொள்ளவேண்டிய சான்றிதழ்கள் இல்லாமல் இணையதளத்தின் ஊடாக 

மாத்திரம் விண்ணப்பங்களை சமர்பிக்குமாறு பல்கலைகழக மானியங்கள் ஆணைக்குழுவின் தலைவர் பேராசிரியர் சம்பத் அமரதுங்க தெரிவித்துள்ளார். 

இன்று இடம்பெற்ற ஊடகவியலாளர் சந்திப்பின் போதே அவர் இவ்வாறு தெரிவித்துள்ளார். 

பயணக் கட்டுபாடு நீக்கப்பட்டதன் பின்னர் சான்றிதழ்களை சமர்பிப்பதற்கு வாய்ப்பு வழங்கப்படும் எனவும் அவர் மேலும் தெரிவித்துள்ளார். 

இதேவேளை பல்கலைக்கழக அனுமதிக்காக மாணவர்கள் மே 21 முதல் ஜூன் 11 வரை Online மூலம் விண்ணப்பிக்கலாம் என்பது குறிப்பிடத்தக்கது.