மாணவர்களே வீடியோ அனுப்புங்கள்: சுத்தத்திற்கு பரிசு 5000 ரூபா:

இன்று (05) உலக சுற்றாடல் தினம் என்பதனால், சகல வீடுகளிலும் இன்று (05) மற்றும் நாளை(06) டெங்கு ஒழிப்பு வேலைத் திட்டங்களை மேற்கொள்ளுமாறு சுற்றாடல் துறை அமைச்சர் மஹிந்த அமரவீர பொதுமக்களிடம் வேண்டுகோள் விடுத்துள்ளார். 

தற்போது நிலவுகின்ற கொரோனோ தொற்று பரவல் நிலைமை காரணமாக, சுற்றாடல் தின நிகழ்வுகள் கொண்டாடப்பட மாட்டாது என்றும் தெரிவித்தார். 

இதேவேளை 5ம் மற்றும் 6ம் திகதிகளில் தமது வீட்டுச் சூழலை சுத்தப்படுத்தும் முறையை வீடியோ செய்து 

சுற்றாடல் அமைச்சுக்கு அனுப்புமாறு பாடசாலை மாணவர்களைக் கேட்டுக் கொள்வதாகவும், இந்த இரு நாட்களிலும் ஒவ்வொரு மணித்தியாலத்திற்கு ஒருமுறை 3 குடும்பங்களை தெரிவுசெய்து தலா ரூ. 5000 வீதம் வழங்குவதற்கு நடவடிக்கை எடுப்பதாகவும் அவர் மேலும் தெரிவித்துள்ளார்.