பல்கலைக்கழக உபவேந்தர்கள் கல்வி அமைச்சரிடம் முன்வைத்த கோரிக்கைகள்

கல்வி அமைச்சில் நடைபெற்ற கலந்துரையாடலின் போது பல்கலைக்கழக உபவேந்தர்கள் கல்வி அமைச்சர் பேராசிரியர் ஜி.எல். பீரிஸிடம் சில கோரிக்கைகளை முன்வைத்துள்ளனர்.

அதாவது பல்கலைக்கழக மாணவர்கள் சகலருக்கும் கொரோனா தடுப்பூசியை பெற்றுக் கொடுக்குமாறு கோரியுள்ளனர். இது மாத்திரமன்றி பல்கலைக்கழக கல்விசார் மற்றும் கல்விசாரா ஊழியர்களுக்கும் இந்த தடுப்பூசியை பெற்றுக் கொடுக்க வேண்டும். மேலும் சுகாதார பரிந்துரைகளுக்கமைய விரைவாக பல்கலைக்கழக கல்வியை ஆரம்பிப்பதற்கான 

நடவடிக்கைகளை முன்னெடுக்குமாறும் கோரிக்கை விடுத்துள்ளனர். 

இந்த கலந்துரையாடலின்போது, பல்கலைக்கழக மாணவர்களுக்கு தற்போது முன்னெடுக்கப்படும் ஒழுங்குபடுத்தப்பட்ட கற்பித்தல் செயற்பாடுகளில் காணப்படும் சிக்கல்கள் மற்றும் எதிர்காலத்தில் நடத்தப்படவுள்ள பரீட்சைகளை சுகாதார முறையில் முன்னெடுப்பது உள்ளிட்ட பல விடயங்கள் தொடர்பாகவும் பேசப்பட்டது.