வைத்தியர்களின் ஓய்வுபெறும் வயதெல்லை மேலும் நீடிப்பு! விஷேட வர்த்தமானியும் வெளியானது!

அரச வைத்தியர்கள் ஓய்வு பெற வேண்டிய கட்டாய வயதெல்லை மேலும் நீடிக்கப்பட்டு பொது சேவைகள், மாகாண சபைகள் மற்றும் உள்ளாட்சி அமைச்சால் நேற்றைய தினம் (30) அதிவிசேட வர்த்தமானியும் வெளியிடப்பட்டுள்ளது. 

அந்த வகையில் இந்த வயதெல்லை 63 ஆக நீடிக்கப்பட்டுள்ளது. 

 அரச மருத்துவ அதிகாரிகளின் ஓய்வு பெறும் வயதை 63 ஆக நீட்டிக்க ஓய்வூதிய சட்டத்தில் திருத்தம் செய்ய கடந்த ஏப்ரல் 20ஆம் திகதி அமைச்சரவை அனுமதி வழங்கியிருந்தது. 

இதேவேளை ஏற்கனவே 60 ஆக இருந்த ஓய்வு பெறும் வயதெல்லை கடந்த வருடம் 61 வரை நீிடிக்கப்பட்டமை குறிப்பிடத்தக்கது.