ஜப்பானில் தொழில்வாய்ப்பு மற்றும் கல்வி தொடர்பான வழிகாட்டல் செயற்றிட்டம்:

சுபீட்சத்தின் நோக்கு கொள்கைக்கிணங்க ஜப்பானில் உள்ள இலங்கை தூதுவர் சஞ்சீவ குணசேகர வின் ஆலோசனையின் கீழ் "ஜப்பான் கல்வி மற்றும் புலமைப் பரிசில் வாய்ப்பு" என்ற தலைப்பிலான மூன்றாவது வழிகாட்டல் செயற்றிட்டம் கடந்த 6ஆம் திகதி நடைபெற்றது. 

ஜப்பானில் கல்வி மற்றும் தொழில் வாய்ப்புகளை பெற்றுக் கொள்வதற்கு விரும்பும் இலங்கை மாணவர்களை இலக்காகக் கொண்டு 

இந்த வழிகாட்டல் செயல்திட்டம் நடைபெற்றது. 

ஜப்பானிய மொழி பாடசாலை, தொழிற்பயிற்சி பாடசாலை, பல்கலைக்கழகம் மற்றும் பட்டப்பின் படிப்பு பாடசாலையுடன் இணைந்து இவ்வேலைத்திட்டம் ஏற்பாடு செய்யப்பட்டுள்ளது. 

முகநூல் (FB) மற்றும் யூடியூப் (youtube) மூலம் 5000க்கும் மேற்பட்ட மாணவர்கள் இந்த நிகழ்வில் இணைந்து கொண்டிருந்தனர். 

இதில் உரையாற்றிய தூதுவர் சஞ்சீவ குணசேகர , ஜப்பான் பல்கலைக்கழகம் மற்றும் பாடசாலைகளில் கற்பதன் முக்கியத்துவம் விசேடத்துவம் தொடர்பிலும் அதன் எதிர்கால பிரதிபலன்கள் தொடர்பிலும் கருத்துக்களை முன்வைத்தார்.