ஆசிரியர்களுக்கு Smartphone களை கொள்வனவு செய்ய விசேட கடன்

அரச பாடசாலை ஆசிரியர்களுக்கு டெப் அல்லது ஸ்மார்ட் கையடக்கத் தொலைபேசியை (Tab / Smart Phone) கொள்வனவு செய்ய கடன் ஒன்றை பெற்றுக்கொடுக்க தீர்மானித்துள்ளதாகவும் இதற்காக சலுகை கடன் ஒன்றை வழங்குவது தொடர்பாக அரச வங்கிகளுடன் பேச்சுவார்த்தை நடத்தப்போவதாகவும் கல்வி இராஜாங்க அமைச்சர் பியல் நிசாந்த தெரிவித்துள்ளார். 

இந்த சூழ்நிலையில் பெரும் அர்ப்பணிப்புடன் செயல்படும் ஆசிரியர்கள் தொடர்பிலும் கவனம் செலுத்த வேண்டியுள்ளது. அதனைக் கருத்திற்கொண்டே இத்தகைய விடயம் ஒன்று தீர்மானிக்கப்பட்டுள்ளது. 

இதேவேளை, இக்காலங்களில் ஒன்லைன் (Online) மூலமான கல்வி செயற்பாடுகளில் பயன்பெற முடியாத நிலையிலுள்ள மாணவர்களுக்காக விசேட செயற்திட்டம் ஒன்றை நடைமுறைப்படுத்த கல்வியமைச்சு நடவடிக்கை எடுத்துள்ளது என்றும் ராஜாங்க அமைச்சர் மேலும் தெரிவித்தார்.