Annual Teacher Transfer (Central Province) / வருடாந்த ஆசிரியர் இடமாற்றம் (மத்திய மாகாணம்) - 2022 (முழுமையான விளக்கங்களுடன்)

மத்திய மாகாண பாடசாலைகளில் கடமை புரியும் ஆசிரியர்களிடமிருந்து 2022 ஆம் வருடத்திற்கான இடமாற்ற விண்ணப்பங்கள் கோரப்பட்டுள்ளன.

விண்ணப்ப முடிவு திகதி: 15-07-2021.

வலயத்தினுள் அல்லது வலயங்களுக்கிடையில் இடமாற்றம் பெற விரும்புவோர் Online முறையில் விண்ணப்பிக்க வேண்டும். Online விண்ணப்பத்தை பெற கீழே உள்ள லிங்கை கிளிக் செய்க.

Online Application

(குறிப்பு:- 2022 ற்குரிய விண்ணப்பம் காட்சிப்படுத்தப்பட்டவுடன் விண்ணப்பிக்கவும்)

மாகாணங்களுக்கு இடையில் அல்லது தேசிய பாடசாலைக்கு விண்ணப்பிப்போர் 15-07-2021ற்கு முன் அதிபர் ஊடாக வலயக் கல்விப் பணிப்பாளருக்கு விண்ணப்பங்களை சமர்ப்பிக்க வேண்டும். (இதற்காக மத்திய மாகாண கல்வித் திணைக்களத்தால் அறிமுகப்படுத்தியுள்ள புதிய விண்ணப்ப படிவத்தை மட்டும் பயன்படுத்தவும். இதை வலயக்கல்வி காரியாலயத்திலிருந்து பெறலாம்.)

மாகாணங்களுக்கு இடையிலான விண்ணப்பங்கள் - 05

மாகாணத்திலிருந்து தேசிய பாடசாலைக்கான விண்ணப்பங்கள் - 05

ஒழுக்காற்று நடவடிக்கை காரணமாக இடமாற்றம் பெற்ற ஆசிரியர்கள்

இடமாற்றம் தொடர்பாக விண்ணப்பிக்க தகுதியற்றவர்கள்.

வேறு மாகாணத்திற்கு விண்ணப்பிப்பவர்கள் மத்திய மாகாணத்தில் குறைந்தபட்சம் 05 வருடங்கள் சேவையை பூர்த்தி செய்திருத்தலுடன் நியமனம் நிரந்தரமாக்கப்பட்டிருத்தல் அவசியம்.

பாடசாலையில் மேலதிக ஆசிரியராகவோ அல்லது அந்தப் பாடசாலையில் 08 வருடங்கள் சேவையாற்றியிருந்தாலோ விண்ணப்பிக்காமலே இடமாற்றத்திற்கு உள்ளாக நேரிடலாம்.

விண்ணப்பங்கள் இணைய தளத்திற்கு உட்படுத்தப்பட்டவுடன் விண்ணப்பதாரருக்கு பதிவிலக்கம் வழங்கப்படும். மேலதிக செயற்பாடுகளின் போது அந்த இலக்கத்தை விண்ணப்பதாரிகள் பயன்படுத்திக்கொள்ள வேண்டும்.

இது தொடர்பாக மாகாண கல்விப் பணிப்பாளரால் வெளியிடப்பட்ட அறிவித்தலை கீழே காணலாம்.