விரைவில் பல்கலைக்கழகங்கள் திறப்பு!

 

பல்கலைக்கழகங்களை விரைவில் திறப்பதற்கு திட்டமிட்டுள்ளதாக பல்கலைக்கழக மானியங்கள் ஆணைக்குழுவின் தலைவர் பேராசிரியர் சம்பத் அமரதுங்க நேற்று(17) தெரிவித்துள்ளார். 

 

இது தொடர்பில் அவர் மேலும் தெரிவித்ததாவது, 

 

இதற்காக சுகாதாரத் துறையுடன் சேர்ந்து விரிவான திட்டம் செயல்படுத்தப்பட இருக்கிறது. விரைவில் பல்கலைக்கழக கல்விசார் மற்றும் கல்விசாரா ஊழியர்களுக்கு தடுப்பூசி வழங்கி நிறைவு செய்யப்படும். 

 

பல்கலைக்கழகங்களில் 30 வயதுக்குட்பட்ட ஊழியர்கள் மற்றும் மாணவர்களுக்கான தடுப்பூசி திட்டத்தின் முன்னேற்றத்திற்கான கண்காணிப்பு அமைப்பு பல்கலைக்கழக மானியங்கள் ஆணைக்குழுவின் நேரடி மேற்பார்வையில் செயல்படுத்தப்படும். இதன் முன்னேற்றத்தை கருத்தில் கொண்டு சுகாதாரத்துறை மற்றும் பல்கலைக்கழக துணைவேந்தர்கள் மற்றும் பிற தொடர்புடைய தரப்பினருடன் கலந்துரையாடிய பின்னர் விரைவில் பல்கலைக்கழகங்களை திறக்கலாம் என அவர் மேலும் தெரிவித்தார்.