மின்னல் படைத்த உலக சாதனை!

மின்னலின் நீளம் மற்றும் அதன் கால அளவுகளை கண்டறிய பயன்படுத்தப்படும் தொழில்நுட்பமானது அண்மைய ஆண்டுகளில் வியத்தகு முறையில் முன்னேற்றம் கண்டுள்ளதாக ஐ.நா. வானிலை மற்றும் காலநிலை அதிகாரி ராண்டால் செர்வனி தெரிவித்துள்ளார். 

 

அந்தவகையில் கடந்த 2020ஆம் வருடம் ஏப்ரல் மாதம் 29ஆம் திகதி அமெரிக்காவின் தெற்கு பகுதியில் வெளிப்பட்ட மின்னலானது புதிய உலக சாதனை படைத்திருப்பதாக ஐக்கிய நாடுகள் சபையின் உலக வானிலை அமைப்பு தெரிவித்துள்ளது. 

 

அதாவது இந்த மின்னலானது இங்கிலாந்தின் லண்டன் நகரிலிருந்து ஜெர்மனியின் ஹாம்பர்க் நகரம் வரையான தூரத்திற்கு சமமானது என அளவிடப்பட்டுள்ளது. அதாவது 770 கிலோ மீட்டர் தூரம் வரை இது வானில் தெரிந்துள்ளது. 

 

இந்த நீளமானது 2018-10-31 அன்று பிரேசிலில் பதிவான மின்னலின் தூரத்தை விட 60 கிலோமீட்டர் அதிகமானது என தெரிவிக்கப்பட்டுள்ளது.