அடுத்த வருடம் முதல் பாடசாலை மாணவர்களுக்கு ஒரு தவணைப் பரீட்சை மாத்திரமே - கல்வி அமைச்சர்

2024ஆம் ஆண்டு முதல் அனைத்துப் பாடசாலைகளிலும் ஆண்டுக்கு ஒருமுறை மட்டுமே தவணைப் பரீட்சை நடத்த முடிவு செய்யப்பட்டுள்ளது. 

கல்வி அமைச்சர் சுசில் பிரேமஜயந்த இந்த தீர்மானத்தை எடுத்துள்ளார். இத்தீர்மானம் தரம் 01 முதல் உயர்தரம் வரை அதாவது தரம் 13 வரை ஒவ்வொரு பாடசாலையிலும் நடைமுறைப்படுத்தப்பட உள்ளது. 

இதுவரை ஒவ்வொரு பாடசாலையிலும் ஒரு வருடத்தில் மூன்று தவணைப் பரீட்சைகள் நடத்தப்பட்டு வந்தன. ஒவ்வொரு பாடத்திலும் கற்பிக்கப்படும் பாடத்திட்டத்தின் அடிப்படையில் ஒவ்வொரு தவணை முடிவிலும் ஒரு பரீட்சை நடத்தப்பட்டது. 

மேலும் ஒவ்வொரு பாடத்திலும் மாணவர்கள் பெற்ற மதிப்பெண்கள் மற்றும் அந்தந்த தரத்தில் அவர்களின் நிலையும் அறியப்பட்டது. ஒரு தவணை பரீட்சை முடிவில் மாணவர்களுக்கு விடுமுறை கிடைத்தது. அந்த விடுமுறையின் போது மாணவர்கள் தங்கள் தவறுகளைத் திருத்திக்கொள்ளும் வாய்ப்பும் கிடைத்தது. 

மூன்றாம் தவணை பரீட்சையின் பின் பள்ளி விடுமுறைக்குப் பிறகு மாணவர்களை புதிய தரத்திற்கு உயர்த்தும் பணியை பாடசாலை அமைப்பு இதுவரை செய்து வருகிறது. 

பாடசாலை மாணவர்களுக்கான பாடத்திட்டம் மற்றும் பாடசாலையின் சுமையை குறைக்கும் வகையில் வருடத்திற்கு ஒரு முறை தவணைப் பரீட்சை நடத்துவதற்கு கல்வி அமைச்சர் தீர்மானித்துள்ளதாக தெரிவிக்கப்படுகிறது.

Previous:

இங்கிலாந்தில் பரவும் புதிய வகை கொரோனா! 7 பேரில் ஒருவருக்கு பாதிப்பு!

Special announcement from Examinations Department (Online forwarding of Examination Certificates)