Results for Sports

LPL கிண்ணம் செய்யப்பட்ட விதம்: வரலாற்றில் முதற் தடவை எனவும் அறிவிப்பு!

July 30, 2023


உள்நாட்டு மற்றும் வெளிநாட்டு கிரிக்கெட் நட்சத்திரங்கள் பங்குபற்றும் 4வது லங்கா பிரிமியர் லீக் (LPL) கிரிக்கெட் தொடர் இன்று (30) கொழும்பு ஆர். பிரேமதாச மைதானத்தில் ஆரம்பமாகவுள்ளது. 


இன்றைய முதலாவது போட்டி, கடந்த சீசனில் செம்பியனான ஜப்னா கிங்ஸ் மற்றும் கொழும்பு ஸ்டிரைக்கர்ஸ் (JK Vs CS) இடையில் இடம்பெறவுள்ளது. 


நான்கவாது LPL கிரிக்கெட் தொடரின் போட்டிகள் இன்று முதல் எதிர்வரும் ஆகஸ்ட் 20 ஆம் திகதி வரை நடைபெறவுள்ளது. மொத்தம் 24 போட்டிகள். 12 ஆரம்ப சுற்று போட்டிகள் கொழும்பு ஆர் பிரேமதாச மைதானத்திலும், மேலும் 8 ஆரம்ப சுற்று போட்டிகள் கண்டி பல்லேகலை மைதானத்திலும் நடைபெறவுள்ளன. இறுதி சுற்றின் மூன்று போட்டிகள் மற்றும் இறுதிப் போட்டியும் கொழும்பு ஆர் பிரேமதாச மைதானத்தில் நடைபெறவுள்ளமை குறிப்பிடத்தக்கது .


இவ்வருட செம்பியனுக்கான வெற்றிக்கிண்ணம் நேற்று முன்தினம் (28)கொழும்பை சுற்றியுள்ள பகுதிகளில் காட்சிப்படுத்தப்பட்டது. 


இது மாத்திரமன்றி இவ்வருட செம்பியனுக்கு வழங்கப்படும் LPL கிண்ணம் மீள்சுழற்சி செய்யப்பட்ட அலுமினிய கேன்களினால் தயாரிக்கப்பட்டமை விசேட அம்சமாகும். மறுசுழற்சி முறையில் கிரிக்கெட் கிண்ணம் உருவாக்கப்பட்டது வரலாற்றில்  இதுவே முதல் முறையாகும். கடற்கரையில் சேகரிக்கப்பட்ட 2,523 அலுமினிய கேன்களைப் பயன்படுத்தி இந்த கிண்ணம் உருவாக்கப்பட்டுள்ளது. 

 
LPL போட்டியின் பிரமாண்டமான ஆரம்ப விழா இன்று மாலை 5.30 மணிக்கு கொழும்பு R.பிரேமதாச மைதானத்தில் ஆரம்பமாகவுள்ள நிலையில், மைதானத்தின் வாயிற் கதவுகள் பிற்பகல் 3.30 மணி முதல் திறக்கப்படும் என போட்டி ஏற்பாட்டாளர்கள் தெரிவித்துள்ளமை குறிப்பிடத்தக்கது.


Click the link below for LPL match schedule:




Previous:


LPL கிண்ணம் செய்யப்பட்ட விதம்: வரலாற்றில் முதற் தடவை எனவும் அறிவிப்பு! LPL கிண்ணம் செய்யப்பட்ட விதம்: வரலாற்றில் முதற் தடவை எனவும் அறிவிப்பு! Reviewed by Irumbu Thirai News on July 30, 2023 Rating: 5

கின்னஸ் சாதனையுடன் ஆரம்பமான IPL இறுதிப் போட்டி! அறிமுகமான முதல் சீசனிலேயே சம்பியன் பட்டத்தை வென்ற அணி!

May 30, 2022


15ஆவது ஐபிஎல் கிரிக்கெட் போட்டிகள் நேற்றைய தினம் நிறைவடைந்தன. நேற்றைய இறுதி போட்டியில் குஜராத் டைட்டன்ஸ் அணியும் ராஜஸ்தான் ராயல்ஸ் அணியும் பங்குபற்றின. 

இறுதிப் போட்டியானது கின்னஸ் உலக சாதனையுடனே ஆரம்பமானது. அதாவது போட்டிக்கு முன்னர் உலகின் மிகப்பெரிய கிரிக்கெட் சீருடையான ஜேர்சி மைதானத்தில் காட்சிப்படுத்தப்பட்டது. இது 66 மீட்டர் நீளமும் 42 மீட்டர் அகலமும் கொண்டதாகும்.  

இந்த ஜேர்சியில் 15வது ஐபிஎல் தொடர் என குறிக்கப்பட்டதுடன் விளையாடிய 10 அணிகளின் இலச்சினைகளும் அதில் பொறிக்கப்பட்டிருந்தன. 

இசைப்புயல் ஏ ஆர் ரஹ்மானின் இசை நிகழ்ச்சியும் நிறைவு விழாவில் இடம்பெற்றிருந்தது. 

இறுதிப்போட்டி நடைபெற்றது உலகின் மிகப்பெரிய கிரிக்கெட் மைதானமான நரேந்திரமோடி மைதானத்திலாகும். 132,000 பேருக்கான இருக்கை வசதிகள் இதில் உள்ளன.

இம்முறை ஐபிஎல் சாம்பியன் பட்டத்தை வென்ற குஜராத் டைட்டன்ஸ் அணியானது இந்த சீசனில்தான் அறிமுகமான அணி என்பது குறிப்பிடத்தக்கது. 


கின்னஸ் சாதனையுடன் ஆரம்பமான IPL இறுதிப் போட்டி! அறிமுகமான முதல் சீசனிலேயே சம்பியன் பட்டத்தை வென்ற அணி! கின்னஸ் சாதனையுடன் ஆரம்பமான IPL இறுதிப் போட்டி! அறிமுகமான முதல் சீசனிலேயே சம்பியன் பட்டத்தை வென்ற அணி! Reviewed by Irumbu Thirai News on May 30, 2022 Rating: 5

நடுவராக கடமையாற்றும் ரஞ்சன் மடுகல்ல செய்த சாதனை

November 21, 2021

200 டெஸ்ட் கிரிக்கெட் போட்டிகளில் ஐசிசி யின் போட்டி நடுவராக கடமையாற்றிய முதல் நபர் என்ற சாதனையை இலங்கையைச் சேர்ந்த ரஞ்சன் மடுகல்ல படைத்துள்ளார். 
 
இலங்கை கிரிக்கெட் அணியின் முன்னாள் 

தலைவரான இவர் தற்போது ஐசிசியின் போட்டி நடுவராக கடமையாற்றி வருகின்றார். 
 
இலங்கை மற்றும் மேற்கிந்திய தீவுகள் அணிகளுக்கிடையில் நடைபெற்று வரும் டெஸ்ட் போட்டியே அவர் நடுவராக கடமையாற்றும் 200 ஆவது டெஸ்ட் போட்டியாகும்.
நடுவராக கடமையாற்றும் ரஞ்சன் மடுகல்ல செய்த சாதனை நடுவராக கடமையாற்றும் ரஞ்சன் மடுகல்ல செய்த சாதனை Reviewed by Irumbu Thirai News on November 21, 2021 Rating: 5

தேசிய ரீதியில் Volleyball மற்றும் Netball வீரர்களைத் தெரிவு செய்தல்

August 07, 2021

கரப்பந்து (Volleyball) மற்றும் வலைப்பந்து (Netball) என்பவற்றுக்கு தேசிய ரீதியில் வீர, வீராங்கனைகளை தெரிவுசெய்வதற்கான செயற்திட்டம் ஒன்றை விளையாட்டு அமைச்சும் தேசிய இளைஞர் படையணியும் சேர்ந்து ஆரம்பித்துள்ளது. 

வயதெல்லை: 24 ற்கு குறைவானவர்கள். 

ஆண்கள் உயரம்: 6 அடி அல்லது அதற்கு மேல். 

பெண்கள் உயரம்: 5.11 அடி அல்லது அதற்கு மேல். 

விபரங்களை அனுப்பும் முறை: 
உங்கள் பெயர், தேசிய அடையாள அட்டை இலக்கம், வயது, தொலைபேசி இலக்கம் மற்றும் முகவரி என்பவற்றை 0703965016 என்ற இலக்கத்திற்கு Whatsapp செய்யவும். 

மேலதிக விபரங்களுக்கு அழைக்கவும்: 0710377377.
தேசிய ரீதியில் Volleyball மற்றும் Netball வீரர்களைத் தெரிவு செய்தல் தேசிய ரீதியில் Volleyball மற்றும் Netball வீரர்களைத் தெரிவு செய்தல் Reviewed by irumbuthirai on August 07, 2021 Rating: 5

புதிய ஒலிம்பிக் சாதனை படைத்த ஜமைக்கா!

July 31, 2021

ஒலிம்பிக் 100M ஓட்டப்போட்டியில் ஜமைக்கா பல்வேறு சாதனைகளை படைப்பது வழமை. 
இதற்கு முன்னர் நடைபெற்ற ஒலிம்பிக் போட்டிகளிலும் ஆண்களுக்கான 100 மீட்டர் ஓட்டப் போட்டியில் உசைன் போல்ட் சாதனைகளை நிகழ்த்தியது அறிந்ததே. 
அந்தவகையில் இம்முறை நடைபெற்ற ஒலிம்பிக் போட்டியில் 
பெண்களுக்கான 100 மீட்டர் ஓட்டப் போட்டியில் ஜமைக்கா மீண்டும் சாதனை படைத்துள்ளது. 
இன்று நடைபெற்ற பெண்களுக்கான 100 மீட்டர் ஓட்டப் போட்டியில் ஜமைக்கா வீராங்கனை எலைன் தாம்சன்-ஹெரா 10.61 வினாடிகளில் ஓடி முடித்து தங்கம் வென்றார். 
இதற்கு முன்னர் 10.62 வினாடிகளே இந்த போட்டிக்கு சாதனையாக இருந்தது. அது அமெரிக்க வீராங்கனை பிளோரன்ஸ் நிகழ்த்திய சாதனையாகும். அதனை தற்போது ஜமைக்கா முறியடித்துள்ளது.
புதிய ஒலிம்பிக் சாதனை படைத்த ஜமைக்கா! புதிய ஒலிம்பிக் சாதனை படைத்த ஜமைக்கா! Reviewed by irumbuthirai on July 31, 2021 Rating: 5

எதிர்ப்புகளுக்கும் எதிர்பார்ப்புகளுக்கும் மத்தியில் ஆரம்பமான ஒலிம்பிக் போட்டிகள்: முக்கிய தகவல்கள்...

July 24, 2021

உலகின் மிகப்பெரும் விளையாட்டு போட்டி நிகழ்வான ஒலிம்பிக் போட்டிகள் 04 வருடங்களுக்கு ஒருமுறை நடக்கிறது. 

அந்த வகையில் கடந்த வருடம் (2020) ஜப்பான் டோக்கியோவில் நடைபெறவிருந்த ஒலிம்பிக் போட்டிகள் பரவல் காரணமாக இந்த வருடம் நடைபெறுகிறது. 

இந்த வருடமும் அங்கு போட்டிகளை நடத்த வேண்டாம் என பொதுமக்கள் மற்றும் பல்வேறு அமைப்புகள் பல போராட்டங்களை நடத்தினர். ஆனால் ஜப்பான் அரசும் ஒலிம்பிக் கமிட்டியும் உறுதியாக இருந்து பல்வேறு கட்டுப்பாடுகளையும் விதித்து இந்த போட்டிகளை நடத்துகிறது. 

இதன் தொடக்க விழா நேற்று(23) ஜப்பான், டோக்கியோ தேசிய விளையாட்டு அரங்கில் இலங்கை நேரப்படி மாலை 04:30 மணிக்கு (ஜப்பான் நேரம் இரவு 08.00மணி) ஆரம்பமானது. 

தொடக்க விழாவானது உலக தலைவர்கள், முக்கிய பிரமுகர்கள் என சுமார் 1000 பேருக்கு மாத்திரமே மட்டுப்படுத்தப்பட்டிருந்தது. 

இலங்கை சார்பாக விளையாட்டு துறை அமைச்சர் நாமல் ராஜபக்ச கலந்து கொண்டிருந்தார். 

இம்முறை ஒலிம்பிக் போட்டிகள் தொடர்பான சில முக்கிய தகவல்களை இங்கு தருகிறோம். 
இது 32வது ஒலிம்பிக். 

 

ஜப்பானில் நடைபெறும் இரண்டாவது சந்தர்ப்பம். இதற்கு முன்னர் 1964இல் முதல்முறையாக ஜப்பான் ஒலிம்பிக் போட்டிகளை நடத்தியிருந்தது. 

 

33 வகையான விளையாட்டுகளில் 339 போட்டிகள் நடைபெறுகின்றன. 

 

205 நாடுகளை சேர்ந்த 11,326 வீர, வீராங்கனைகள் பங்கேற்கின்றனர்.

 

 
ஜூலை 23 தொடங்கி ஆகஸ்ட் 8 நிறைவு பெறுகிறது. 

 

உணர்வுகளால் ஒன்றிணைவோம் (United by Emotions) என்பது இம்முறை ஒலிம்பிக் போட்டிகளுக்கான குறிக்கோள் வாசகம் (Motto) ஆகும்.

 

 
இம்முறை புதிதாக 5 விளையாட்டுக்கள் இணைக்கப்பட்டுள்ளன. (Baseball / Softball, Karate, Skateboarding, Sport Climbing & Surfing) 

ஜப்பானில் அவசரநிலை பிரகடனம் செய்து பார்வையாளர்கள் அனுமதியின்றி இம்முறை போட்டிகள் நடைபெறுவது முக்கிய விடயமாகும்.

 

 
இலங்கையில் இருந்து இம்முறை 9 வீர வீராங்கனைகள் பங்குபற்றுகின்றனர். 

 

இம்முறை போட்டிகளில் முதலாவது தங்கப் பதக்கத்தை சீனா வென்றுள்ளது குறிப்பிடத்தக்கது.

 

இம்முறை போட்டிகளில் பட்மின்டன் தொழில்நுட்ப அதிகாரியாக கடமையாற்ற பசறை தமிழ் மகா வித்தியாலய (தேசிய பாடசாலை) உடற்கல்வி ஆசிரியை மாரிமுத்து அகல்யா ஜப்பானுக்கு சென்றுள்ளமை குறிப்பிடத்தக்கது. ஒலிம்பிக் வரலாற்றிலேயே தொழில்நுட்ப அதிகாரியாக கடமையாற்ற தெரிவான முதல் இலங்கைத் தமிழர் இவராவார். 

 

அதேபோல் குத்துச்சண்டை போட்டிகளுக்கான பெண் நடுவராக இலங்கையைச் சேர்ந்த நெல்கா ஷிரோமலாவும் தெரிவானமை குறிப்பிடத்தக்கது. 
இலங்கை மெய்வல்லுனர்கள் ஒலிம்பிக் போட்டிகளில் பங்குபெறுவது 1928ல் ஆரம்பமானது. 

1948 இல் லண்டனில் நடைபெற்ற ஒலிம்பிக் போட்டியின் போது இலங்கைக்கு முதலாவது பதக்கம் கிடைத்தது. 400M தடைதாண்டலில் Duncan White என்பவர் இரண்டாம் இடத்தைப் பெற்று வெள்ளி பதக்கத்தை பெற்றுக் கொடுத்தார். 

அதன்பின்னர் 2000 ம் ஆண்டு சிட்னியில் நடைபெற்ற ஒலிம்பிக் போட்டியில் 200 M ஓட்டப் போட்டியில் இரண்டாமிடம் பெற்று சுசந்திகா மீண்டும் ஒரு வெள்ளிப் பதக்கத்தை பெற்றுக்கொடுத்தார். 





எதிர்ப்புகளுக்கும் எதிர்பார்ப்புகளுக்கும் மத்தியில் ஆரம்பமான ஒலிம்பிக் போட்டிகள்: முக்கிய தகவல்கள்... எதிர்ப்புகளுக்கும் எதிர்பார்ப்புகளுக்கும் மத்தியில் ஆரம்பமான ஒலிம்பிக் போட்டிகள்: முக்கிய தகவல்கள்... Reviewed by irumbuthirai on July 24, 2021 Rating: 5

குமார் சங்கக்காரவிற்கு ICC வழங்கிய கௌரம்:

June 13, 2021

சர்வதேச கிரிக்கெட் கவுன்சில் (ICC) குமார் சங்கக்காரவை ஐசிசி ஹால் ஆஃப் ஃபேம் (ICC Hall of Fame) என்ற பட்டியலில் சேர்த்து கௌரவித்துள்ளது. 
சர்வதேச கிரிக்கெட்டில் தலைசிறந்து விளங்கிய வீரர்களை ICC இந்த பட்டியலில் சேர்த்து கௌரவிப்பது வழக்கம். அந்த வகையில் 1996 - 2015 க்கு இடைப்பட்ட காலப்பகுதியில் கிரிக்கெட் விளையாட்டுக்கு பெரும் பங்களிப்பை செய்த வீரர்களுக்கான ICC Hall of Fame பட்டியலில் இலங்கை கிரிக்கெட் அணியின் முன்னாள் அணித் தலைவர் குமார் சங்கக்காரவை சேர்த்துள்ளது. இத்தகைய கௌரவத்தை பெறும் 2வது இலங்கை வீரர் இவராவார். 
 இதற்கு முன்னர் சுழற்பந்து வீச்சாளர் முத்தையா முரளிதரன் இந்தப் பட்டியலில் இடம் பிடித்திருந்தமை குறிப்பிடத்தக்கது.
குமார் சங்கக்காரவிற்கு ICC வழங்கிய கௌரம்: குமார் சங்கக்காரவிற்கு ICC வழங்கிய கௌரம்: Reviewed by irumbuthirai on June 13, 2021 Rating: 5
Subscribe to: Posts ( Atom )
Powered by Blogger.