தேர்தல்கள் ஆணைக்குழு கூடாமல் தேர்தல் தினம் அறிவிக்கப்பட்டதுடன், 2017ஆம் ஆண்டு தாக்கல் செய்யப்பட்ட வேட்பு மனுக்களின் அடிப்படையில் தேர்தல் நடத்தப்படுவதாகவும் மனுதாரர்கள் தரப்பில் சுட்டிக்காட்டப்பட்டிருந்தது. நீண்ட விசாரணையின் பின் அது நிராகரிக்கப்பட்டது. 

இது தொடர்பான முழு விபரத்தைப் பெற கீழுள்ள லிங்கை கிளிக் செய்க.

Elections

அரச ஊழியர்களின் சம்பளத்தில் மாற்றம் கொண்டுவரப்படவிருக்கிறது. எதிர்வரும் ஜனவரி முதல் இம்மாற்றம் ஏற்படவிருக்கிறது. அதாவது ஆகக்குறைந்த சம்பளத்தை அதிகரிப்பதற்கான தீர்மானம் அமைச்சரவையில் நிறைவேற்றப்பட்டுள்ளது. இது தொடர்பான மேலதிக விபரம் வருமாறு:

 தற்போதைய ஆகக் குறைந்த தேசிய சம்பளத்தை அதிகரிக்கும் வகையில் 2016ஆம் ஆண்டு இல 3 இன் கீழான ஊழியர்களின் ஆகக் குறைந்த கொடுப்பனவு சட்டத்தில் திருத்தத்தை மேற்கொள்ளல் 

2016ஆம் ஆண்டு இல 3இன் கீழான ஊழியர்களின் ஆகக் குறைந்த கொடுப்பனவு சட்டத்திற்கு அமைவாக 2016ஆம் ஆண்டு ஜனவரி மாதம் 1ஆம் திகதி தொடக்கம் நடைமுறைப்படுத்தும் வகையில் ரூபா 10,000 (ரூபா 400*25) தேசிய ஆகக் குறைந்த மாதாந்த சம்பளம் மற்றும் ரூபா 400 (50*8) தேசிய ஆகக் குறைந்த நாளாந்த ஊதியம் நிர்ணயிக்கப்பட்டுள்ளது. வாழ்க்கைச் செலவை கவனத்தில் கொண்டு அதில் தேசிய ஆகக் குறைந்த மாதாந்த சம்பளமாக தற்பொழுது உள்ள ரூபா 10,000 தொடக்கம் ரூபா 12,500 வரையிலும் ரூபா 2,500 இனாலும் தேசிய ஆகக் குறைந்த நாளாந்த சம்பளம் ரூபா 400 தொடக்கம் ரூபா 500 வரையிலும் 100 ரூபாவினாலும் அதிகரிக்கக்கூடிய வகையில் குறிப்பிட்ட சட்டத்தில் 3ஆவது சரத்தை திருத்துவதற்கு அமைச்சரவையினால் இதற்கு முன்னர் அங்கீகாரம் வழங்கப்பட்டிருந்தது. 

இதற்கமைவாக 2016ஆம் ஆண்டு இலக்கம் 03 இன் கீழான ஊழியர்களின் ஆகக் குறைந்த சம்பள சட்டத்தின் 3ஆவது சரத்தில் திருத்தத்தை மேற்கொண்டு சட்டத்திருத்த வரைவினால் தயாரிக்கப்பட்ட திருத்த சட்டமூலத்தை அரசாங்கத்தின் வர்த்தமானியில் வெளியிடுவதற்கும் அதனைத் தொடர்ந்து திருத்த சட்ட மூலத்தை பாராளுமன்றத்தின் அங்கீகாரத்திற்காக சமர்ப்பிப்பதற்குமான அமைச்சரவை அந்தஸ்து அற்ற தொழில் மற்றும் தொழில் சங்க தொடர்புகள் அமைச்சர் அவர்களின் கோரிக்கைக்கு அமைவாக அதிமேதகு ஜனாதிபதி அவர்கள் சமர்ப்பித்த பரிந்துரைக்கு அமைச்சரவை அங்கீகாரம் வழங்கியுள்ளது.

(அ.த.தி)

உயர்தரத்தில் கல்வி கற்றும் சகல மாணவர்களுக்கும் கல்வி கற்பிக்கும் ஆசிரியர்களுக்கும் டெப் வழங்கப்படவுள்ளதாக கல்வி அமைச்சர் அகில விராஜ் காரியவசம் தெரிவித்துள்ளார். தேசிய பாடசாலைகளில் 

உயர் தரத்தில் கற்கும் மாணவர்களுக்கும் கற்பிக்கும் ஆசிரியர்களுக்குமே முதற் கட்டமாக இது வழங்கப்படவிருக்கிறது. 

நேற்றைய தினம் கல்வி அமைச்சில் நடைபெற்ற ஊடகவியலாளர் சந்திப்பின் போதே அமைச்சர் இவ்வாறு தெரிவித்தார். இந்த திட்டத்திற்கு அமைவாக ஒரு இலட்சம் 

டெப்கள் வழங்குவதற்கான நடவடிக்கை மேற்கொள்ளப்பட்டுள்ளது. இதன் இரண்டாம் கட்டமாக ஏனைய பாடசாலைகளில் உயர்தரம் கற்கும் மாணவர்களுக்கும் கற்பிக்கும் ஆசிரியர்களுக்கும் டெப் வழங்கப்படவுள்ளதாகவும் அமைச்சர் கூறினார். 

இந்த நடைமுறையானது நாட்டில் இலவசக் கல்வி ஏற்படுத்தப்பட்ட பின்னர் அறிமுகப்படுத்தப்படும் யுகமாற்றம் என்றும் கல்வி அமைச்சர் மேலும் தெரிவித்துள்ளார்.

(அ.த.தி)

பாராளுமன்றத்தின் செயற்பாடுகள் இடம்பெறுவதற்கு இடமளிக்காமை தவறாகும் என்று உயர் நீதிமன்றத்தின் தீர்ப்பில் குறிப்பிடப்பட்டிருக்கிறது. இந்தத் தீர்ப்பு வரலாற்று முக்கியத்துவம் வாய்ந்ததாகும்.  

இந்த நடவடிக்கையினால் ஜனநாயகத்தின் அடிப்படைகளுக்கு ஏற்படும் தாக்கம் பயங்கரமானவை என பிரித்தானிய உயர் நீதிமன்றத்தின் தலைவர் சுட்டிக்காட்டியுள்ளார். காரணம் இன்றி, பாராளுமன்றத்தின் செயற்பாடுகள் இடைநிறுத்தப்பட்டிருப்பதாகவும் நீதிமன்றம் சுட்டிக்காட்டியுள்ளது. பிரிட்டன் பாராளுமன்றத்தின் நடவடிக்கைகளை ஒத்திவைக்க பிரதமர் மேற்கொண்ட தீர்மானம் சட்டவிரோதமானதாகும் என்று பிரித்தானியாவின் உயர் நீதிமன்றம் தீர்ப்பளித்திருக்கிறது. அக்டோபர் 31ம் தேதி 

ஐரோப்பிய ஒன்றியத்தில் இருந்து பிரிட்டன் வெளியேறும் காலக்கெடு இருக்கையில், பாராளுமன்றத்தை அதனுடைய கடமைகளை செய்யவிடாமல் தடுப்பது தவறு' என்றும் நீதிமன்றம் சுட்டிக்காட்டியுள்ளது. இந்த தீர்ப்பு குறித்து ஆராய்ந்து வருவதாக பிரிட்டன் பிரதமர் அலுவலகம் தெரிவித்துள்ளது. 'பாராளுமன்ற நடவடிக்கை ஒத்திவைப்படுவதால் நமது ஜனநாயகத்தின் அடிப்படைகளில் ஏற்படும் பாதிப்பு மிகவும் தீவிரமாக இருக்கும்' என்று உயர் நீதிமன்ற தலைமை நீதிபதி லேடி ஹலே தனது தீர்ப்பில் தெரிவித்திருக்கிறார். 'சரியான காரணமின்றி பிரிட்டன் பாராளுமன்றம் ஆற்ற வேண்டிய அரசமைப்பு கடமைகளை நிறைவேற்றுவதை தடுக்கிற அல்லது திறனைத் தடுக்கிற பாதிப்பு இதனால் ஏற்படும் என்பதால் பாராளுமன்றத்தை ஒத்தி வைத்திருப்பது சட்ட விரேதமானது' என்று அவர் இந்த தீர்ப்பில் குறிப்பிட்டுள்ளார்.11 நீதிபதிகளின் 

ஒருமித்த கருத்தாக போரிஸ் ஜான்சனின் இந்த முடிவு செல்லாது என்று அறிவித்த லேடி ஹலே, அடுத்து செய்ய வேண்டியதை முடிவு செய்யும் பொறுப்பு பிரிட்டன் பாராளுமன்ற அவைகளின் சபாநாயகர்களிடம் உள்ளது என்று கூறியுள்ளார். இந்த தீர்ப்பை வரவேற்றுள்ள பாராளுமன்ற கீழவையின் சபாநாயகர், பாராளுமன்றத்தை உடனடியாக கூட்ட வேண்டுமென்றும், இது பற்றி அவசரமாக கட்சி தலைவர்களிடம் கலந்துரையாடப் போவதாகவும் தெரிவித்துள்ளார்.

(அ.த.தி)

சுற்றுலா இலங்கை மற்றும் பாகிஸ்தான் அணிகளுக்கிடையிலான ஒருநாள் மற்றும் டி-20 கிரிக்கெட் போட்டித் தொடர்களுக்கான போட்டி மத்தியஸ்தர் மற்றும் நடுவர்களை ஐ.சி.சி அறிவித்துள்ளது. இதன்படி, 

அவுஸ்ரேலியாவின் டேவிட் பூன் இந்தத் தொடரின் போட்டி மத்தியஸ்தராக செயற்படவுள்ளதுடன், இங்கிலாந்து நாட்டைச் சேர்ந்த மைக்கல் அன்ட்ரூ கோப் மற்றும் மேற்கிந்திய தீவுகளின் ஜொயல் வில்சன் ஆகியோர் போட்டி நடுவர்களாகவும் நியமிக்கப்பட்டுள்ளமை குறிப்பிடத்தக்கது. 

பாகிஸ்தானுக்கு சுற்றுப்பயணம் மேற்கொள்ளும் இலங்கை கிரிக்கெட் அணி, பாகிஸ்தான் அணியுடன் மூன்று போட்டிகள் கொண்ட ஒருநாள் தொடர் மற்றும் மூன்று போட்டிகள் கொண்ட டி-20 தொடர் ஆகியவற்றில் விளையாடவுள்ளது.

ஐ.சி.சியின் அனுமதியுடன் சுமார் 10 வருடங்களுக்குப் பின்பு போட்டி மத்தியஸ்தர் மற்றும் போட்டி நடுவர்கள் பாகிஸ்தான் வரவுள்ளமை சிறப்பம்சமாகும். இந்த சுற்றுப்பயணத்தின் முதற்கட்டமாக இரண்டு அணிகளுக்குமிடையிலான ஒருநாள் தொடர் இம்மாதம் 27 ஆம் திகதி நடைபெறவுள்ளமை குறிப்பிடத்தக்கது.  

(அ.த.தி)