மத்திய மாகாண அரசாங்க சேவையில் தொழில்நுட்ப சேவையில் பின்வரும் பதவிகளுக்கான விண்ணப்பங்கள் கோரப்படுகின்றன.

 விவசாய போதனாசிரியர் 

கால்நடை வள அபிவிருத்தி அலோசகர் 

குடியேற்ற உத்தியோகத்தர் 

விண்ணப்ப முடிவு திகதி: 

04-10-2019 

மேற்படி பதவிகள் தொடர்பான பூரண விபரங்கள் மற்றும் விண்ணப்பங்கள் என்பவற்றைப் பார்வையிட கீழுள்ள லிங்கை கிளிக் செய்க.

Job details

பத்து வருடங்களுக்கு முன்பதாக முடிவுற்ற 5013 வழக்கு கோவைகள் எதிர்வரும் 

2019-12-18 அன்று நீதிமன்ற வளாகத்தில் வைத்து தீ வைத்து அழிக்கப்படவுள்ளது. எனவே இதன் பிரதிகள் தேவைப்பட்டவர்கள் அழிக்கப்படும் தினத்திற்கு 3 வாரங்களுக்கு முன் விண்ணப்பிக்க வேண்டும். 

இந்த அறிவித்தலை திருகோணமலை நீதவான் நீதிமன்றம் விடுத்துள்ளது. எனவே குறித்த நீதிமன்றில் தாக்கல் செய்யப்பட்டு 10 வருடங்களுக்கு முன் முடிவுற்ற வழக்கு கோவைகள் அழிக்கப்படவுள்ளன. 

குறித்த நீதிமன்ற அறிவித்தலையும் 5013 கோவைகளின் இலக்கங்களையும் பார்வையிட கீழுள்ள லிங்கை கிளிக் செய்க.

Details

மத்திய மாகாண அரச முகாமைத்துவ உதவியாளர் சேவையின் தரம் 111 ற்கு ஆட்சேர்ப்பு செய்வதற்கான திறந்த போட்டிப் பரீட்சைக்கான விண்ணப்ப முடிவு திகதி நீடிக்கப்பட்டுள்ளது. 27-09-2019 ஆக இருந்த விண்ணப்ப முடிவு திகதி 

04-10-2019 ஆக நீடிக்கப்பட்டுள்ளது. எனவே இதவரை விண்ணப்பிக்காதவர்கள் விரைவாக விண்ணப்பிக்கவும். 

குறித்த விபரங்கள் அடங்கிய அறிவித்தலையும் விண்ணப்பத்தையும் தமிழில்  பெற கீழுள்ள லிங்கை கிளிக் செய்க.

Management assistant - Tamil

ஆங்கிலத்தில் பெற கீழுள்ள லிங்கை கிளிக் செய்க.

MA- English

சிங்களத்தில் பெற கீழுள்ள லிங்கை கிளிக் செய்க.

MA- Sinhala

சட்ட விரோதமாக கருத்தடை சத்திரசிகிச்சை மேற்கொண்டமை, முறையற்ற வகையில் நிதி சேகரித்தமை உள்ளிட்ட பல்வேறு குற்றச்சாட்டுகளின் கீழ் கைது செய்யப்பட்டு குற்றப்புலனாய்வுப் பிரிவினரால் தாம் தடுத்து வைத்திருந்தமையை 

ஆட்சேபித்து, வைத்தியர் ஷாபி அடிப்படை மனித உரிமை மனுவை தாக்கல் செய்துள்ளமை குறிப்பிடத்தக்கது. இந்த மனு ஜனவரி மாதம் 24 ஆம் திகதி உயர் நீதிமன்றத்தினால் விசாரணைக்கு எடுத்துக்கொள்ளப்படவுள்ளது.

(அ.த.தி)

மீண்டும் யோர்தான் நாட்டில்  2 மாத காலத்திற்கு பொது மன்னிப்புக் காலம் அறிவிக்கப்பட்டுள்ளது. செப்டெம்பர் மாதம் 22 ஆம் திகதி ஆரம்பமான இந்த பொது மன்னிப்புக் காலம் எதிர்வரும் நவம்பர் மாதம் 29 ஆம் திகதி வரையில் நடைமுறையில் இருக்கும் என்று யோர்தான் தூதரக அலுவலகம் அறிவித்திருப்பதாக வெளிநாட்டு வேலைவாய்ப்புப் பணியகம் தெரிவித்துள்ளது. 

தொழில் விசாவுடன் யோர்தானுக்கு சென்று குறிப்பிட்ட காலத்திற்கு அப்பால் விசா இன்றி தங்கியிருக்கும் வெளிநாட்டு பணியாளர்கள் இந்த பொது மன்னிப்புக் காலத்தில் 

எந்தவித தண்டப்பணமும் செலுத்தாமல் நாட்டிற்கு திரும் பமுடியும். 

இருப்பினும் சுற்றுலா விசாவில் அங்கு சென்று விசா அனுமதிக்காலம் முடிவடைந்த பின்னர் சட்ட விரோதமாக தங்கியிருக்கும் வெளிநாட்டவர்கள் தண்டப்பணத்தை செலுத்திய பின்னர் அங்கிருந்து வெளியேற முடியும் என்று யோர்தான் தூதரகம் தெரிவித்துள்ளது. யோர்தானில் கடந்த பெப்ரவரி மாத்திலும் சட்ட விரோதமாக அங்கு தங்கியிருக்கும் வெளிநாட்டவர்களுக்கு அங்கிருந்து வெளியேறுவதற்கு இவ்வாறான பொது மன்னிப்புக்காலம் அறிவிக்கப்பட்டிருந்தமை குறிப்பிடத்தக்கது.

(அ.த.தி)

இலங்கை மாற்று அறுவைச்சிகிச்சை துறையில் துரிதமான முன்னேற்றங்களை கண்டிருப்பதாகவும் நுரையீரல் மாற்று சத்திர சிகிச்சை விரைவில் ஆரம்பிக்கப்படும் என்றும் 

சகாதார போசாக்கு மற்றும் சுதேசிய வைத்தியத் துறை அமைச்சர் டொக்டர் ராஜித சேனாரத்ண தெரிவித்துள்ளார். 

இந்தியாவில் சென்னை நகரில் அமைந்துள்ள வைத்தியர் ரீலா நிறுவனம் மற்றும் வைத்திய மத்திய நிலையத்திற்கும் இலங்கைக்கும் இடையில் புரிந்துணர்வின் 10 ஆவது ஆண்டு நிறைவை முன்னிட்டு இடம்பெற்ற நிகழ்வில் கலந்து உரையாற்றும்போதே அமைச்சர் இவ்வாறு தெரிவித்தார். 

இந்திய நிறுவனத்தின் தலைவர் பேராசிரியர் முஹம்மட் ரீலா உள்ளிட்ட பலர் கலந்து கொண்டனர். முஹம்மத் ரீலா கண் மாற்று சத்திரசிகிச்சை துறையில் பிரபல்யம் மிக்கவர். இவர் 4,000 இற்கும் மேற்பட்ட 

மாற்று சத்திர சிகிச்சைகளை மேற்கொண்டுள்ளார். 10 வருட காலப்பகுதியில் இவர் இலங்கை நோயாளர்கள் 200 பேருக்கு மாற்று சத்திர சிகிச்சைகளை மேற்கொண்டுள்ளார் என்பது குறிப்பிடத்தக்கது.

(அ.த.தி)

நாட்டிலுள்ள மாகாணப் பாடசாலைகளுக்கு விரைவில் ஆசிரியர் நியமனம் வழங்கப்படவிருக்கிறது. அதாவது மாகாணப் பாடசாலைகளிலுள்ள விஷேட கல்வி அலகில் நிலவும் ஆசிரியர் வெற்றிடங்களுக்கு கல்வி மாணிப் பட்டதாரிகள் இணைத்துக்கொள்ளப்படவுள்ளனர். இதற்கு நாட்டிலுள்ள 9 மாகாணங்களிலும் வெற்றிடம் காணப்படுகின்றமை குறிப்பிடத்தக்கது.

விண்ணப்ப முடிவுத் திகதி: 

31-10-2019.

இது தொடர்பான வர்த்தமானி அறிவித்தலை ஆங்கிலத்தில் பெற கீழுள்ள லிங்கை கிளிக் செய்க.

Teaching details-English

இது தொடர்பான வர்த்தமானி அறிவித்தலை தமிழில் பெற கீழுள்ள லிங்கை கிளிக் செய்க.

Teaching details-Tamil

27-09-2019 அன்று வெளியான அரச வர்த்தமானியை இங்கு தருகிறோம். இதில், 

நாட்டிலுள்ள மாகாணப் பாடசாலைகளுக்கு கல்விமாணிப் பட்டதாரிகளை ஆசிரியர் சேவையில் இணைத்துக்கொள்ளல், 

இலங்கை கட்டடக் கலைஞர் சேவையின் பதவி வெற்றிடம், பதிவாளர் நாயகம் திணைக்களத்தில் பதவி வெற்றிடம், 

இலங்கை அஞ்சல் திணைக்களத்திற்கு ஆட்சேர்ப்பு செய்வதற்கான போட்டிப்பரீட்சை உட்பட பல முக்கிய விடையங்கள் அடங்கிய வர்த்தமானி... 

குறித்த வர்த்தமானிய முழுமையாகப் பார்வையிட கீழுள்ள லிங்கை கிளிக் செய்க.

Gazette-Tamil

ஐக்கிய தேசியக் கட்சியின் தலைவர் பிரதமர் ரணில் விக்ரமசிங்கவினால் ஜனாதிபதி வேட்பாளராக அறிவிக்கப்பட்ட சஜித் பிரேமதாச தான் அன்னம் சின்னத்தில் போட்டியிடுவதாக தெரிவித்துள்ளார். இது தொடர்பான முக்கிய தகவல்கள் இதோ.. 

இலங்கையின் இரண்டாவது நிறைவேற்று அதிகார ஜனாதிபதி ரணசிங்க பிரேமதாஸவிற்கும், ஏமா பிரேமதாஸவிற்கும் புதல்வராக 1967ஆம் ஆண்டு ஜனவரி மாதம் 12ஆம் தேதி சஜித் பிரேமதாஸ பிறந்தார். 

ஆரம்ப கல்வியை கொழும்பிலுள்ள பிரபல பாடசாலைகளில் தொடர்ந்த சஜித் பிரேமதாஸ, தனது மேல்நிலை கல்வியை லண்டனில் படித்தார்.

சஜித பிரேமதாஸ, ஜலனி பிரேமதாஸவை திருமணம் செய்துள்ளார்.

ஹம்பாந்தோட்டை மாவட்டத்தில் பொதுத் தேர்தலில் 2001ஆம் ஆண்டு களமிறங்கிய சஜித் பிரேமதாஸ, நாடாளுமன்ற பிரதிநிதித்துவத்தை ஐக்கிய தேசியக் கட்சி சார்பில் பெற்றுக்கொண்டார். 

ஐக்கிய தேசியக் கட்சியின் பிரதித் தலைவராக சஜித் பிரேமதாஸ, 2014ஆம் ஆண்டு நியமிக்கப்பட்டார். 

சஜித் பிரேமதாஸ, எதிர்வரும் நவம்பர் மாதம் 16ஆம் தேதி நடைபெறவுள்ள ஜனாதிபதித் தேர்தலில் ஐக்கிய தேசியக் கட்சி சார்பில் களமிறங்குவதற்கு அந்த கட்சியின் செயற்குழு அங்கீகாரம் வழங்கியுள்ளது. 

பிரதமர் ரணில் விக்ரமசிங்க 2005ஆம் ஆண்டு ஜனாதிபதி வேட்பாளராக ஐக்கிய தேசியக் கட்சி சார்பில் களமிறங்கிய பின்னர், இந்த கட்சி சார்பில் முதல் முறையாக ஜனாதிபதி வேட்பாளராக சஜித் பிரேமதாஸவே களமிறங்குகின்றார் என்பது குறிப்பிடத்தக்கது.

ஐக்கிய நாடுகள் அமைதி காக்கும் படையணியில் பணியாற்றும் இலங்கை இராணுவப் பிரிவு மற்றும் குறிப்பிட்ட சில அதிகாரிகளை திருப்பி அனுப்புவது தொடர்பில் வெளிநாட்டு அலுவல்கள் அமைச்சு வெளியிட்டுள்ள ஊடக அறிக்கை வருமாறு 

ஊடக அறிக்கை 

லெப்டினன்ட் ஜெனரல் ஷவேந்திர சில்வாவை இலங்கை இராணுவத்தின் தளபதியாக நியமித்தமைக்காக, ஐக்கிய நாடுகள் அமைதி நடவடிக்கைத் திணைக்களமானது, தற்போது ஐக்கிய நாடுகள் அமைதி காக்கும் படையணியில் பணியாற்றும் இலங்கை இராணுவப் பிரிவொன்றையும், குறிப்பிட்ட சில அதிகாரிகளையும் திருப்பி அனுப்ப முடிவு செய்துள்ளதாக தெரிவிக்கும் அறிக்கையை, ஐக்கிய நாடுகள் செயலாளர் நாயகத்தின் பிரதிப் பேச்சாளர் நேற்று (2019 செப்டம்பர் 25) வெளியிட்டதைத் தொடர்ந்து, இலங்கை அரசு ஐ.நா. வுடன் இந்த விவகாரம் குறித்து கலந்துரையாடி வருகின்றது. 74 வது பொதுச் சபை அமர்வில் 

இலங்கைத் தூதுக்குழுவிற்கு தலைமை தாங்கும் வெளிநாட்டு அலுவல்கள் அமைச்சின் செயலாளர், இந்த விடயம் குறித்து ஐக்கிய நாடுகள் அமைதி நடவடிக்கைத் திணைக்களத்தின் கீழ்நிலைச்செயலாளர் நாயகத்துடன் 2019 செப்டம்பர் 27 வெள்ளிக்கிழமை கலந்துரையாடல்களில் ஈடுபடவுள்ளார்.

(அ.த.தி)

ஆசிரியர்கள் மற்றும் அதிபர்களின் தொழிற்சங்க நடவடிக்கை தொடர்பாக கல்வி அமைச்சு ஊடக அறிக்கையொன்றை வெளியிட்டுள்ளது. 

ஆசிரியர்கள் மற்றும் அதிபர்கள் உள்ளிட்ட அரசாங்கத்தின் அனைத்து ஊழியர்களின் சம்பளத்தை அதிகரிப்பதற்கு அரச சேவைகள் சம்பள முரண்பாட்டை நீக்கும் குழுவின் சிபாரிசை அடுத்த வருடம் ஜனவரி மாதம் முதலாம் திகதியில் இருந்து நடைமுறைப்படுத்துவதற்கு தயாராக உள்ள நிலையில் 

தமது சம்பள முரண்பாட்டை அடிப்படையாக கொண்ட ஆசிரியர்களும் அதிபர்களும் சுகயீன விடுமுறையில் சேவைக்கு சமூகமளிக்காமை பெரும் அநீதியான செயற்பாடாகும் என்று கல்வி அமைச்சு தெரிவித்துள்ளது. 

தொழிற்சங்க நடவடிக்கைகளில் ஈடுபடுவது ஊழியர்களுக்குள்ள உரிமையாகும். அதற்கு சவால் விடுக்கப்படவில்லை இருப்பினும் இடம்பெறக்கூடிய சம்பள அதிகரிப்பு குறித்து அறிந்து கொண்ட பின்னரும் தமது நடவடிக்கையின் காரணமாக பெறப்பட்ட வெற்றியாக சுட்டிக்காட்டி அங்கத்தவர்களை 

ஏமாற்றுவதற்கான மூலோபாயமாக பயன்படுத்தப்படும் தொழிற்சங்கங்களின் சந்தர்ப்பவாத செயற்பாடுகளில் ஏமாறுகின்றமை ஆசிரியர் அதிபர்கள் போன்ற புத்திசாலிமிக்க கௌரவமான தொழிலுக்கு ஏற்புடைய செயற்பாடு அல்ல என்று அமைச்சு தெரிவித்துள்ளது. 

2015 ஆம் ஆண்டுக்கு அமைவாக ஆசிரியர்கள் மற்றும் அதிபர்களின் சம்பளம் பாரியளவில் அதிகரிக்கப்பட்டதுடன் இத்தொகை 106 சதவீதத்தால் அதிகரிக்கப்பட்டதாகவும் இவ்வாறு சம்பளம் அதிகரிக்கப்பட்டமை எந்தவொரு அரசாங்கத்தினாலும் மேற்கொள்ளப்படாத நவடிக்கையாகும் என்று கல்வி அமைச்சர் சட்டத்தரணி அகிலவிராஜ் காரியவசம் பாராளுமன்றத்தில் கடந்த ஜுலை மாதம் தெரிவித்துள்ளார். 

அரச சேவைக்குள் பொதுவாக நிலவும் சம்பள முரண்பாடு குறித்து நியமிக்கப்பட்ட றனுக்கெ குழுவிடம் ஆசிரியர்கள் அதிபர்களின் சம்பள முரண்பாடு தொடர்பாக கல்வி அமைச்சு ஆலோசனைகளையும் சிபாரிசுகளையும் சமர்ப்பித்திருந்ததாகவும் அமைச்சர் பாராளுமன்றத்தில் கடந்த ஜுன் மாதம் 7 ஆம் திகதி தெரிவித்திருந்தார். அதிபர்களுக்கான கொடுப்பனவு 650 ரூபாவில் இருந்து 

6,500 ரூபா வரையில் அதிகரிக்கப்பட்டுள்ளது. 2015 ஆம் அண்டு தொடக்கம் தாமதப்பட்டிருந்த பதவி உயர்வு பணிகள் தற்பொழுது முறையாக முன்னெடுக்கப்பட்டுள்ளது. 

ஓய்வூதியத்தை பெற்றுக்கொள்வதற்கு இடம்பெறவேண்டிய முறையை தயாரித்து நடைமுறைப்படுத்தப்பட்டுள்ளது. 

அதிபர் சேவையை அரசியலில் இருந்து மீட்டெடுத்து அந்த சேவையில் அதிபர் தரத்தில் நிலவிய குறைபாடுகளை தீர்ப்பதற்காக போட்டிப்பரீட்சை நடத்தப்பட்டு சுமார் 6,000 பேர் சேவையில் இணைத்துக்கொள்ளப்பட்டனர். 

ஆசிரியர் மற்றும் அதிபர்களுக்கு வெளிநாடுகளில் பயிற்சிக்கான சந்தர்ப்பம் பெற்றுக்கொடுக்கப்பட்டமை, ஆசிரியர் சேவையில் 25,000 பேர் இணைத்துக்கொள்ளப்பட்டமை முதலான நடவடிக்கைகள் கடந்த நான்கரை வருட காலப்பகுதியில் அதாவது குறுகிய காலப்பகுயில் நிறைவேற்றப்பட்டன. இவை கல்வித்துறையில் மனிதவள அபிவிருத்தியின் நோக்கமாக முன்னெடுக்கப்பட்ன என்றும் கல்வி அமைச்சு இன்று வெளியிட்டுள்ள ஊடக அறிக்கையில் மேலும் தெரிவிக்கப்பட்டுள்ளது.

(அ.த.தி)