அமைச்சர் மங்கள சமரவீர நேற்று பாராளுமன்றத்தில் 2020 ஆம் ஆண்டு ஜனவரி மாதம் முதலாம் திகதி முதல் ஏப்ரல் மாதம் 30 ஆம் திகதி வரையான அரசாங்கத்தின் செலவினத்தை சமாளிப்பதற்காக ஆயிரத்து 474 பில்லியன் ரூபா பெறுமதியான இடைக்கால கணக்கீட்டு அறிக்கையை  சமர்ப்பித்தார். இதில் அரச ஊழியர்களுக்கான சலுகைகள் முன்மொழியப்பட்டுள்ளன. இதன்படி, 

பொலிஸ் உத்தியோகத்தர்களுக்கு செலுத்தப்படும் 14 நாள் விசேட கொடுப்பனவு டிசெம்பர் மாதம் 14 ஆம் திகதி முதல் புதிய கொடுப்பனவாக வழங்கப்படுகிறது. 

அரச ஊழியர்களின் அனர்த்த கடனை உயர்ந்தபட்ச தொகையாக 2 லட்சத்து 50 ஆயிரம் ரூபாவிலிருந்து மூன்று லட்சத்து 50 ரூபா வரை அதிகரிக்கப்பட்டுள்ளது. இதற்கான வட்டி வீதம் மூன்று சதவீதம் வரை குறைக்கப்பட்டுள்ளது.

இதுபோன்ற இன்னும் பல சலுகைகள் அறிவிக்கப்பட்டுள்ளன. அதன் முழு விபரத்தை அறிய கீழுள்ள லிங்கை கிளிக் செய்க.

Details

 நாடு முழுவதிலும் உள்ள 1,295 மத்திய நிலையங்களில் நடைபெறும் இப் பரீட்சையில் 174,778 பரீட்சார்த்திகள் தோற்றவுள்ளனர். மேற்படி செயன்முறைப் பரீட்சை எதிர்வரும் 28 ஆம் திகதி தொடக்கம் அடுத்த மாதம் 8 ஆம் திகதி வரையில் நடைபெறவுள்ளது. சங்கீதம் (மேற்கத்தேய) பரீட்சை அடுத்த மாதம் 

3 ஆம் திகதி நடைபெறவுள்ளது. இது தொடர்பாக பாடசாலை அதிபர்கள் மற்றும் தனிப்பட்ட பரீட்சார்த்திகளுக்கான முக்கிய அறிவித்தல்கள் பரீட்சைத் திணைக்களத்தால் வழங்கப்பட்டுள்ளன. அது தொடர்பான விபரத்தை அறிய கீழுள்ள லிங்கை கிளிக் செய்க.

Details

உயிர்த்த ஞாயிறு தாக்குதலை தடுப்பதற்கு நடவடிக்கைகளை மேற்கொள்ள தவறிய சில தரப்பினர் தொடர்பில் கண்டறிவதற்காக நியமிக்கப்பட்ட பாராளுமன்ற தெரிவுக்குழுவின் இறுதி அறிக்கை இன்று பாராளுமன்றத்தில் சமர்ப்பிக்கப்பட்டது.  தாக்குதலை தடுப்பதற்கு தவறியவர்களின் பெயர்கள் இந்த அறிக்கையில் பின்வருமாறு உள்ளடக்கப்பட்டுள்ளது. 

அரச புலனாய்வு பிரிவின் பணிப்பாளர், 

கட்டாய விடுமுறையில் அனுப்பப்பட்டுள்ள பொலிஸ்மா அதிபர், 

பாதுகாப்பு அமைச்சின் முன்னாள் செயலாளர் 

ஆகியோர் இதில் இடம்பெற்றிருப்பதாக தெரிவுக்குழு குறிப்பிட்டுள்ளது. தேவைப்படும் பட்சத்தில் இந்த அறிக்கையை சபாநாயகர் மூலம் சட்டமா அதிபரிடம் சமர்ப்பிக்க முடியும். 

இதுமட்டுமன்றி உலகில் நிலவும் பயங்கரவாத்ததுடன் நமது நாட்டில் நிலவும் சட்ட விதிகள் அதற்கு ஏற்ற வகையில் தயாரிக்கபட வேண்டும் என்றும் இந்த குழுவின் தலைவரும் பிரதி சபாநாயகருமான ஆனந்த குமாரசிறி தெரிவித்தார். எமது மக்கள் இது தொடர்பில் அறிந்துகொள்ள வேண்டும் என்பதனால் இந்த விசேட தெரிவுக்குழு அதற்கான நடவடிக்கை மேற்கொண்டது. எவருக்கும் தண்டனை விதிப்பது குழுவின் நோக்கமல்ல என்றும் அவர் தெரிவித்தார். 

உயிர்த்த ஞாயிறு தினத்தன்று இடம்பெற்ற தாக்குதல் தொடர்பில் சம்பந்தப்பட்ட பிரிவுகள் பிரதமர் ரணில் விக்கிரமசிங்கவிற்கு அறிவிக்கவில்லை. இந்த அறிக்கையின் ஊடாக எட்டு சிபார்சுகளை முன்வைத்துள்ளதாக பிரதி சபாநாயகர் ஆனந்த குமாரசிறி குறிப்பிட்டார். அவையாவன,

பாதுகாப்பு மற்றும் இராணுவ சேவைகளை மீளமைத்தல், 

நிதித் துறையை கண்காணிக்கும் வலுவான முறைமையை ஸ்தாபித்தல், 

மத ரீதியான கடும்போக்குவாதத்தைக் கண்காணித்து கட்டுப்படுத்தல், ஊடகங்களைக் கட்டுப்படுத்தி போலிச் செய்திகள் பரவுவதற்கு எதிராக நடவடிக்கை எடுத்தல் 

மக்கள் பிரதிநிதிகள் பொறுப்புக் கூறுவதை உறுதிப்படுத்தல், அடிப்படைவாத்ததை கட்டுப்படுத்தும் வகையில் கல்வி முறைமையை மீளமைத்தல் என்பன அந்த எட்டு சிபார்சுகளாகும். 

ஒரு குழுவென்ற வகையில் எவரையும் நீதிமன்றத்தில் நிறுத்த முடியாததன் காரணமாக சிபார்சுகளையும் ஆலோசனைகளையும் முன்வைத்ததாக பிரதி சபாநாயகர் மேலும் தெரிவித்தார். இந்த குழுவின் உறுப்பினரான அமைச்சர் ரவூப் ஹக்கீம் கருத்து தெரிவிக்கையில் 

இந்த அறிக்கையை தயாரிக்கும் பொழுது எந்தவொரு விடயத்தையும் மறைப்பதற்கோ அல்லது அழுத்தத்தை மேற்கொள்வதற்கோ தாம் முயற்சிக்க வில்லை என்றும் அவர் தெரிவித்தமை குறிப்பிடத்தக்கது.

(அ.த.தி)

சினிமா அரங்கு மற்றும் டிஜிற்றல் (LED) திரைகளில் ஜனாதிபதி தேர்தலுக்கான வர்த்தக அறிவிப்புக்கள் பிரச்சாரம் செய்யப்படுவதை தடுப்பதற்காக தேர்தல் ஆணைக்குழு மேற்கொண்டுள்ள தீர்மானத்தை 

சவாலுக்குட்படுத்தி உயர் நீதி மன்றத்தில் இன்று (23) ரிட் மனு தாக்கல் செய்யப்பட்டது. இந்த ரிட் மனுவை தனியார் நிறுவனம் ஒன்று தாக்கல் செய்துள்ளது. தேர்தல் ஆணைக்குழுவினால் மேற்கொள்ளப்பட்டுள்ள இந்த தீர்மானத்தினால் சட்ட ரீதியில் மேற்கொள்ளப்படும் வர்த்தக நடவடிக்கைகளுக்கு தாக்கத்தை ஏற்படுத்தியிருப்பதாக மனுதாரான நிறுவனம் சுட்டிக்காட்டியுள்ளமை குறிப்பிடத்தக்கது. இதனால் 

தேர்தல் ஆணைக்குழுவினால் மேற்கொள்ளப்பட்டுள்ள தீர்மானத்தை இடைநிறுத்துவதற்கு இடைக்கால தடை உத்தரவை பிறப்பிக்கக் கோரி மனுதாரரான நிறுவனம் கோட்டுக்கொண்டுள்ளது. இந்த மனுவில் பிரதிவாதிகளான தேர்தல் ஆணைக்கழுவின் தலைவர் உள்ளிட்ட ஆணைக்குழுவின் உறுப்பினர்களின் பெயர்கள் குறிப்பிடப்பட்டுள்ளன. தேர்தல் ஆணைக்குழுவின் தீர்மானம் அரசியல் யாப்பில் குறிப்பிடப்பட்டுள்ள அடிப்படை உரமைகளை மீறுவதாக மனுதாரர் மனுவில் குறிப்பிட்டுள்ளார்.

(அ.த.தி)

ஆயுத அனுமதிப் பத்திரத்தை புதுப்பித்தல் தொடர்பான அறிவித்தலை பாதுகாப்பு அமைச்சு விடுத்துள்ளது. ஆயுதங்களுக்கான அனுமதிப்பத்திரங்களை கொண்டுள்ள நபர்கள், நிறுவனங்கள் 2020 ஆம் ஆண்டுக்கான ஆயுத அனுமதிப்பத்திரத்தை 

டிசம்பர் மாதம் 31 ஆம் திகதிக்கு முன்னர் புதுப்பித்துக்கொள்ள வேண்டும் என்று பாதுகாப்பு அமைச்சு அறிவித்துள்ளது. 2019 ஆம் அண்டு டிசம்பர் மாதம் 31 ஆம் திகதிக்கு பின்னர் 2020 ஆம் ஆண்டுக்கான 

ஆயுத அனுமதிப்பத்திரம் புதுப்பிக்கப்படமாட்டாது என்று பாதுக்காப்பு அமைச்சு தெரிவித்துள்ளது. கட்டளைச்சட்டத்தின் 22 ஆவது சரத்தின் விதிகளுக்கு அமைவாக அனுமதிப்பத்திரம் இன்றி ஆயுதங்களை வைத்திருப்பது தண்டணைக்குரிய குற்றமாகும் என்று பாதுகாப்பு அமைச்சு சுட்டிக்காட்டியுள்ளமை குறிப்பிடத்தக்கது.

கடுமையான மந்தநிலையை  இந்தியாவின் பொருளாதார வளர்ச்சி எதிர்கொள்கிறது. 2019 ஆம் ஆண்டிற்கான இந்தியாவின் வளர்ச்சி விகிதம் 

6 சதவீதமாக குறைய வாய்ப்புள்ளது என்று உலக வங்கி தெரிவித்துள்ளது. சர்வதேச நாண நிதியத்துடனான ஆண்டுக் கூட்டத்தை முன்னிட்டு, நாடுகளின் பொருளாதார வளர்ச்சி குறித்த முன்னறிவிப்புக்கான அறிக்கையை உலக வங்கி வெளியிட்டுள்ளது. இந்த அறிக்கையில் , 2017 - 2018 நிதியாண்டில் 7.2 சதவீதமாக இருந்த இந்திய பொருளாதார வளர்ச்சி, 2018 - 19 நிதியாண்டில் 6.9 சதவீதமாக குறைந்துள்ளது. நடப்பு நிதி ஆண்டான 2019 - 2020-இல் இது மேலும் 0.9 சதவீதம் குறைந்து, 6 சதவீதமாக சரியும் நிலையை அடைந்துள்ளதாக உலக வங்கி மதிப்பிட்டுள்ளது. 

கடந்த நிதியாண்டின் நடப்பு கணக்கு பற்றாக்குறை, மொத்த உள்நாட்டு உற்பத்தியில் 2.1 சதவீதமாக அதிகரித்து இருந்ததாகவும், நடப்பு நிதியாண்டின் முதல் காலாண்டில் நுகர்வு மந்தமாக இருந்ததாகவும், தொழில் மற்றும் சேவைகள் வழங்கல் துறையின் வளர்ச்சி வேகம் குறைந்துள்ளது என்றும் அந்த அறிக்கையில் குறிப்பிடப்பட்டுள்ளது. தொழில் நிறுவன வளர்ச்சி 6.9 சதவீதமாகவும், விவசாயம், சேவை துறைகளின் வளர்ச்சி 2.9 சதவீதமாகவும் மற்றும்
7.5 சதவீதமாக இருக்கும் என்று கணிக்கப்பட்டுள்ளது. இந்த துறைகளில் ஏற்பட்ட தொடர் விழ்ச்சி இந்தியாவின் வளர்ச்சி சதவிகிதம் சரியவும் காரணம் என தெரிவித்துள்ளது. இந்தியா தொடர்ந்து ஜிஎஸ்டி, உயர் பணமதிப்பிழப்பு நடவடிக்கை, தவறான பொருளாதார கொள்கை, அதிகபட்ச தனியார்மயமாக்கம் என்று நிறைய முடிவுகளை எடுத்து வருகிறது. இதனால் வரிசையாக இந்தியாவின் பொருளாதாரம் நாளுக்கு நாள் பாதிக்கப்பட்டு வருகிறது. கடுமையான பொருளாதார 

மந்த நிலையால், இந்தியாவின் வளர்ச்சியில் பெரிய பாதிப்பு ஏற்பட்டுள்ளது. அதேசமயம் இந்தியா தீவிரமான பொருளாதார நடவடிக்கைகளை மேற்கொண்டு வரிச்சலுகைகள், கடன் வழங்கல் அதிகரிப்பு போன்று அதிரடியாக பொருளாதார சீர்திருத்தங்களை செய்தால் இந்தியாவின் வளர்ச்சி விகிதம் 2020-21 நிதியாண்டில் 6.9 சதவீதமாகவும் மற்றும் 2021-22 நிதியாண்டில் 7.2 சதவீதமாக இருக்கலாம் என எதிர்பார்க்கப்படுவதாக உலக வங்கி தெரிவித்துள்ளமை குறிப்பிடத்தக்கது.

(அ.த.தி)