29.10.2019 அன்று நடைபெற்ற அமைச்சரவைக் கூட்ட தீர்மானங்களை இங்கு தருகிறோம். இதில், 

யூரியாவை மேலதிகமாக இறக்குமதி செய்தல், 

முதியோர்களின் புகையிலை பாவணை தொடர்பான சர்வதேச ஆய்வு, 

'சிலோன் டி' மேம்படுத்தும் வேலைத்திட்டம், 

காணாமல் ஆக்கப்பட்டோர் தொடர்பான விதிகள் மாற்றம், 

போன்ற பல முக்கிய தீர்மானங்கள் அடங்கிய அமைச்சரவைக் கூட்டம். 

இதன் முழு விபரத்தைப் பார்வையிட கீழுள்ள லிங்கை கிளிக் செய்க.

cab. decission

இம்முறை ஜனாதிபதி தேர்தலில் வாக்களிக்கும் முறை தொடர்பில் தேர்தல் ஆணைக் குழுவின் தலைவர் மஹிந்த தேசப்பிரிய விளக்கமளித்துள்ளார். வாக்களிக்கும் போது இலக்கம் ஒன்றினை பயன்படுத்துமாறு தயவுடன் கேட்டுக்கொண்டுள்ளார். 

இது தொடர்பான மேலதிக விளக்கத்தைப் பார்வையிட கீழுள்ள லிங்கை கிளிக் செய்க.

election

தற்போது நிலவும் சீரற்ற காலநிலை காரணமாக ஹம்பாந்தோட்டை மாவட்டத்தில்  உள்ள சகல பாடசாலைகளும் மாத்தறை மாவட்டத்தின் முலட்டியன வலயத்தில் உள்ள பாடசாலைகளும் நாளையும் மூடுவதற்கு தீர்மானம் மேற்கொள்ளப்ட்டதாக 

தென் மாகாண ஆளுநர் ஹேமால் குணசேகர தெரிவித்துள்ளார். இப்பிதேசத்தில் தற்போது நிலவும் சீரற்ற காலநிலையை கருத்திற்கொண்டு இந்த தீர்மானம் மேற்கொள்ளப்பட்ட தாக ஆளுநர் தெரிவித்துள்ளார். சீரற்ற காலநிலை காரணமாக இன்றைய தினமும் குறித்த பாடசாலைகளுக்கு விடுமுறை வழங்கப்பட்டிருந்தமை குறிப்பிடத்தக்கது.

(அ.த.தி)

எதிர்வரும் 16ஆம்திகதி நடைபெறவுள்ள எட்டாவது ஜனாதிபதித் தேர்தலில் வாக்களிப்பதற்கான நேரத்தை ஒரு மணித்தியாலத்தால் நீடிப்பதற்கு தீர்மானிக்கப்பட்டுள்ளது. வாக்காளர்கள் காலை 7 மணிமுதல் 

மாலை 5 மணிவரை வாக்களிக்க முடியும். தேர்தல் ஆணைக்குழுவின் பிரதிநிதிகளுக்கும், கட்சிப் பிரதிநிதிகளுக்கும் இடையில் இடம்பெற்ற கலந்துரையாடலில் இத்தீர்மானம் மேற்கொள்ளப்பட்டதாக, தேர்தல்கள் ஆணையாளர் நாயகம் சமன் ரத்நாயக்க தெரிவித்துள்ளார். இம்முறை ஜனாதிபதித் தேர்தலில் 35 வேட்பாளர்கள் போட்டியிடுவதனால், அவர்கள் அனைவரினதும் பெயர்கள் அடங்கிய வாக்குச்சீட்டின் நீளம் 

2 அடி 26 அங்குலமாக அமைந்துள்ளதால் வாக்காளர்களுக்கு உரிய முறையில் வாக்களிப்பதற்கான காலஅவகாசம் வழங்கும் பொருட்டு இந்தத் தீர்மானம் மேற்கொள்ளப்பட்டுள்ளமை குறிப்பிடத்தக்கது. இது தொடர்பான வர்த்தமானி அறிவித்தலும் வெளியிடப்பட்டுள்ளமை குறிப்பிடத்தக்கது.

(அ.த.தி)

சுற்றுலாத்துறையை மேம்படுத்தும் நோக்கில்இலங்கை சுற்றுலா மற்றும் நலன்புரிமுகாமைத்துவ நிறுவனம் 

யாழ்ப்பாணதில்  ஹோட்டல் கற்கை நெறியை ஆரம்பிக்கவுள்ளது. யாழ்ப்பாணத்தில் சர்வதேச விமான நிலையம் திறக்கப்பட்டுள்ள நிலையில், சுற்றுலாத்துறையை மேம்படுத்தும் நோக்கில் ஹோட்டல் கற்கை நெறி தொடர்பான தமது கிளை ஒன்றை யாழ்ப்பாணத்தில் திறக்கவுள்ளதாக, இலங்கை சுற்றுலா மற்றும் நலன்புரிமுகாமைத்துவ நிறுவனம் தெரிவித்துள்ளது. இதனூடாக, வட மாகாணத்தில் சுற்றுலாத்துறைதொடர்பில் பயிற்றப்பட்ட பணியாளர்களின் எண்ணிக்கை அதிகரிக்க நடவடிக்கைஎடுக்கப்பட்டுள்ளமை குறிப்பிடத்தக்கது.

(அ.த.தி)

2019 ஜனாதிபதித் தேர்தலில் வாக்களிப்பதற்காக அடையாள அட்டை இல்லாதவர்கள் தற்காலிக அடையாள அட்டையை பெறுவதற்கான, விண்ணப்பங்கள் எதிர்வரும் 

9 ஆம் திகதி வரை ஏற்றுக்கொள்ளப்படும் என்று தேர்தல்கள் ஆணைக்குழு தெரிவித்துள்ளது. இந்த தற்காலிக அடையாள அட்டைகளை பொற்றுக்கொள்வதற்கு கிராம உத்தியோகத்தர் அல்லது தோட்டத்தில் வேலை செய்பவராயின் தோட்ட அதிகாரியிடம் பெற்றுக் கொள்ளப்படும் இதற்கான உறுதிச் சான்றிதழை 

மாவட்ட தேர்தல் அலுவலகத்திடம் ஒப்படைத்து வாக்களிப்பதற்கான தற்காலிக அடையாள அட்டையை பெற்றுக்கொள்ளமுடியும். ஜனாதிபதி தேர்தலுக்கு வாக்களிக்கும் போது இந்த தற்காலிக அடையாள அட்டை, வாக்காளர் வாக்களிகத்த பின்னர் வாக்களிப்பு மத்திய நிலையத்தின் அதிகாரியினால் திரும்ப பெற்றுக் கொள்ளப்படும் என்று மேலதிக ஆணையாளர் தெரிவித்தார். 

(அ.த.தி)

2019 கல்வி பொதுத்தரதார சாதாரணதரப் பரீட்சைக்குத் தோற்றும் மாணவர்களின் செயல்முறைப் பரீட்சைகள் இன்று ஆரம்பமாவதாக,பரீட்சைத் திணைக்களம் தெரிவித்துள்ளது. இன்று முதல் செயல்முறை பரீட்சைகள் எதிர்வரும் 

எட்டாம் திகதி வரை நடைபெறும். செயல்முறைபரீட்சைக்காக ஒரு இலட்சத்து 74 ஆயிரம் விண்ணப்பதாரிகள் விண்ணப்பித்துள்ளதாக பரீட்சைத் திணைக்கள ஆணையாளர் நாயகம் பி.சனத் பூஜித்த தெரிவித்துள்ளமை குறிப்பிடத்தக்கது.

(அ.த.தி)

இம்மாதம் 28 ஆம் திகதி திங்கட்கிழமை முஸ்லிம் பாடசாலைகள் தவிர்ந்த அனைத்து 

தமிழ் மொழி மூல பாடசாலைகளுக்கும் விடுமுறை தினம் அறிவிக்கப்பட்டுள்ளது. இம்முறை தீபாவளி பண்டிகை நாளை மறுதினம் (27) என்பதினால் தீபாவளி பண்டிகையை கொண்டாடும் இந்து மாணவர்கள், ஆசிரியர்களின் வசதிக்காக இந்த விடுமுறை அறிவிக்கப்பட்டிருப்பதாக கல்வி அமைச்சு தெரிவித்துள்ளது. கல்வி அமைச்சர், சட்டத்தரணி அகிலவிராஜ் காரியவசத்தின் ஆலோசனைக்கு அமைவாக இந்த நடவடிக்கை மேற்கொள்ளப்பட்டுள்ளது. இந்த விடுமுறை தினத்திற்கு பதிலாக 

வேறொரு பொருத்தமான தினத்தில் பாடசாலையை நடத்துவதற்கு பாடசாலை அதிபர்கள் நடவடிக்கை மேற்கொள்ள வேண்டும் என்று கல்வி அமைச்சின் செயலாளர் என். எம். ரணசிங்க மேலும் தெரிவித்துள்ளார்.

(அ.த.தி)

தரம் 5 புலமைப்பரிசில் பரீட்சையில் இம்முறை  தோற்றிய விசேட தேவைகளைக் கொண்ட 250 மாணவர்களுக்கு புலமைப்பரிசில் வழங்க கல்வி அமைச்சு நடவடிக்கை மேற்கொண்டுள்ளது. இது தொடர்பாக கல்வி அமைச்சு வெளியிட்டுள்ள அறிக்கையில் 

தரம் 13 வரை இந்தப் புலமைப்பரிசில் வழங்கப்படும் என்றும் தெரிவிக்கப்பட்டுள்ளது. கடந்த வருடம் வரை 15,000 மாணவர்கள் மாத்திரம் இந்தப் புலமைப்பரிசிலைப் பெற்றனர். இந்த வருடம் முதல் இந்த எண்ணிக்கையை 20,000 வரை அதிகரிக்க அமைச்சரவை அனுமதியளித்துள்ளது. இவர்களில் 19,750 மாணவர்களுக்கு 

அவர்கள் பரீட்சையில் பெற்றுக் கொண்ட புள்ளியின் அடிப்படையில் புலமைப்பரிசில் வழங்கப்படும். எனினும், விசேட தேவையுள்ள மாணவர்களுக்கு இந்தப் பரீட்சையில் தோற்றியதை அடிப்படையாகக் கொண்டு புலமைப்பரிசிலை வழங்க அமைச்சரவை தீர்மானித்துள்ளது. புலமைப்பரிசில் கொடுப்பனவை 500 ரூபா முதல் 750 ரூபா வரை அதிகரிக்கப்பட்டுள்ளதாகவும் அந்த அறிக்கையில் மேலும் தெரிவிக்கப்பட்டுள்ளமை குறிப்பிடத்தக்கது.

(அ.த.தி)