பாடசாலைகளில் தரம் ஒன்றுக்கு மாணவர்களை உள்வாங்குவதற்கு சகல நடவடிக்கைகளும் பூர்த்தி செய்யப்பட்டிருப்பதாக கல்வி அமைச்சு தெரிவித்துள்ளது. மேன்முறையீடு தொடர்பான பணிகளும் பூர்த்தி செய்யப்பட்டிருப்பதாக அமைச்சின் மேலதிக செயலாளர் ஆர். எம்.எம்.ரத்நாயக்க தெரிவித்துள்ளார். 2021 ஆம் ஆண்டுக்காக 

தரம் ஒன்றில் மாணவர்களை உள்வாங்குவதற்காக சுற்றுநிரூபத்தில் பல திருத்தங்கள் மேற்கொள்ளப்படும் என்றும் அவர் கூறினார். இந்த சுற்றறிக்கை ஜுன் மாதம் அளவில் வெளியிட வேண்டும். வெற்றிடங்கள் நிலவும் பாடசாலைகளின் வகுப்புக்களிலும் மாணவர்களை சேர்த்துக்கொள்ள முடியும். இதற்காக பெற்றோர் கோரிக்கைகளை முன்வைப்பது அவசியமாகும்.

(அ.த.தி)

பாராளுமன்ற பொதுத் தேர்தல் நிறைவடையும் வரையில் ஆசிரியர், அதிபர் இடமாற்றங்களும் நியமனங்களும் இடைநிறுத்தப்பட்டிருப்பதாக கல்வி அமைச்சின் மேலதிக செயலாளர் ஆர். எம்.எம்.ரத்நாயக்க தெரிவித்துள்ளார்.
(அ.த.தி.)

மலையக பல்கலைக்கழகம் அமையவுள்ள இடத்தை தெரிவுசெய்வதற்காக இன்று ஹட்டனுக்கு (09.03.2020) அமைச்சர் பந்துல குணவர்தன விஜயம் செய்துள்ளார். சமூக வலுவூட்டல், தோட்ட உட்கட்டமைப்பு அமைச்சர் ஆறுமுகம் தொண்டமானும் அமைச்சருடன் இந்த நடவடிக்கையில் ஈடுபட்டார். இதனைத் தொடர்ந்து அமைச்சர் ஊடகங்கள் மத்தியில் கருத்து தெரிவிக்கையில் ஸ்ரீபாத கல்வியற் கல்லூரியும் மலையக மக்களின் கல்வி தரத்தை மேம்படுத்துவதற்காக மேலும் அபிவிருத்தி செய்யப்படுவதுடன் அடுத்த ஆண்டு முதல் பட்டம் வழங்கப்படும் என்றும் அமைச்சர் தெரிவித்தார். 

மலையக பெருந்தோட்டத் தொழிலாளர்களின் பிள்ளைகளுக்கு உயர்கல்வியை தொடரக்கூடிய வகையில் பல்கலைக்கழகமொன்று அமைக்கப்படும் என ஜனாதிபதி தேர்தலின்போது 

ஜனாதிபதி கோட்டாபய ராஜபக்ச உறுதியளித்திருந்தார். அமைச்சர் ஆறுமுகன் தொண்டமானின் கோரிக்கைக்கு அமைவாக இந்த உறுதிமொழியை நிறைவேற்றுவதற்கு நடவடிக்கை எடுக்கப்படவுள்ளது. பல்கலைக்கழகம் அமையவுள்ள இடத்தை பார்வையிடுவதற்காகவே இன்று நான் இங்கு விஜயம் செய்தேன் என்றும் அமைச்சர் தெரிவித்தார். 

கொட்டகலையிலுள்ள தொண்டமான் தொழிற்பயிற்சி நிலையமும் பல்கலைக்கழக கல்லூரியாக தரமுயர்த்தப்படும். அதேபோல் கொட்டகலையில் அனைத்து வசதிகளையும் கொண்ட பல்கலைக்கழகமொன்றும் அமைக்கப்படும். அதற்கு அமைச்சரவையின் அங்கீகாரமும் கிடைத்துள்ளது. 

பொறியியல் தொழில்நுட்பம், தகவல் தொழில்நுட்பம் உள்ளிட்ட முக்கிய துறைகளில் பயின்று பெருந்தோட்டத்துறை மாணவர்கள் முன்னேறுவதற்கு வழிவகை செய்யப்படும். சுதந்திரத்துக்கு பின்னர் மலையக மக்களுக்கு கிடைக்கும் சிறப்பானதொரு வரப்பிரசாதம் இதுவாகும் என்றும் அமைச்சர் பந்துல குணவர்தன சுட்டிக்காட்டினார். 

(அ.த.தி)

தேர்தல்கள் ஆணைக்குழுவின் கோரிக்கைக்கு அமைய அரச சேவைகளுக்காக புதிதாக இணைத்துக் கொள்ளப்பட்டுள்ள பட்டதாரிகளுக்கான பயிற்சி வேலைத்திட்டம் மே மாதம் 11ஆம் திகதி ஆரம்பமாவதாக அரச நிர்வாக உள்நாட்டு அலுவல்கள், மாகாண மற்றும் உள்ளுராட்சி மன்ற அமைச்சின் செயலாளர் சிறிபால ஹெட்டியாராச்சி தெரிவித்துள்ளார்.  

பட்டதாரிகள் அரச சேவையில் இணைத்துக் கொள்ளப்படுவார்கள் என ஜனாதிபதி கோட்டாபய ராஜபக்ஷ தமது தேர்தல் விஞ்ஞாபனத்தில் அறிவித்திருந்தார். அதன்படியே பட்டதாரிகள் சேவையில் இணைத்துக் கொள்ளப்பட்டுள்ளனர். தெரிவு செய்யப்பட்ட பட்டதாரிகளின் பெயர் விபரம் 

நாளை மறுதினம் இணையதளத்தில் வெளியிடப்படும் என தெரிவிக்கப்பட்டுள்ளது.

(அ.த.தி)

06-03-2020 அன்று வெளியான அரச வர்த்தமானியை தமிழ், சிங்களம் ஆகிய மொழிகளில் இங்கு தருகிறோம். 

இதில், 

அரச பதவி வெற்றிடங்கள், 

ஆட்சேர்ப்புக்கான போட்டிப் பரீட்சை, 

தடை தாண்டல் பரீட்சை, 

உட்பட பல அறிவித்தல்கள் காணப்படுகின்றன. 

கீழுள்ள லிங்கை கிளிக் செய்து உரிய மொழியை (தமிழ், சிங்களம்) கிளிக் செய்து இதன் முழு வடிவத்தைப் பார்வையிடுக.

Gazette

குவைத்திற்கு செல்லும் இலங்கையர்களுக்கு கொரோனா (கொவிட்-19) வைரஸ் இல்லை என்பதனை உறுதிப்படுத்த சமர்ப்பிக்கப்பட வேண்டியிருந்த மருத்துவ சான்றிதழ் சமர்ப்பிப்பது இம்மாதம் 8ஆம் திகதி தொடக்கம் இரத்து செய்யப்பட்டுள்ளது. குவைத் அரசாங்கத்தின் சிவில் விமான சேவை பிரதிப்பணிப்பாளர் நாயகத்தினால் இதற்கான அறிவிப்பு விடுக்கப்பட்டிருப்பதாக இலங்கை வெளிநாட்டு வேலை வாய்ப்பு பணியகம் இன்று வெளியிட்டுள்ள ஊடக அறிக்கையில் தெரிவிக்கப்பட்டுள்ளது. 

இந்த வைத்திய அறிக்கையை சமர்ப்பிக்க வேண்டும் என்று இலங்கை உள்ளிட்ட மேலும் சில நாடுகளுக்கு 

அறிவிக்கப்பட்டிருந்தது. சில நாடுகளில் கொரோனா பரிசோதனையை மேற்கொள்வதில் உள்ள தொழில்நுட்ப சிரமங்களினால் இதனை இரத்து செய்திருப்பதாக அந்த அறிக்கையில் மேலும் தெரிவிக்கப்பட்டுள்ளது.

(அ.த.தி.)

நீர் இணைப்பு கட்டணத்தை குறைக்க அமைச்சரவைக் கூட்டத்தில் தீர்மானிக்கப்பட்டுள்ளது. ரூ. 8000 இலிருந்து ரூ. 2500 வரை குறையவுள்ளது.

இது தொடர்பான அமைச்சரவை தீர்மானம் இதோ... இலங்கை மக்கள் தொகையில் 41 வீதத்தை உள்ளடக்கி 2.4 மில்லியன் குடி நீர் விநியோகத்திற்கான இணைப்புக்கள் தற்பொழுது தேசிய நீர்வழங்கல் மற்றும் வடிகால் அமைப்பு சபையினால் வழங்கப்பட்டுள்ளதுடன் பொதுவாக 110,000 வீட்டு நீர் விநியோக வசதிகள் வருடந்தோறும் வழங்கப்படுகின்றன.
இருப்பினும், தற்பொழுது உள்ள குழாய் கட்டமைப்பு மூலம் உள்ளடக்கப்படாத வீதி / பிரதேசத்தை உள்ளடக்கும் வகையில் நீர்க்குழாய் விநியோக வசதி விரிவுபடுத்தப்பட வேண்டும். இந்த நீர் இணைப்பு தொடர்புகளை பெற்றுக் கொள்வதற்கு வாடிக்கையாளர்கள் 20,000 ரூபா வரையிலான ஆரம்பக் கொடுப்பனவை செலுத்த வேண்டியுள்ளதுடன் மற்றும் வீதி புனரமைப்புக்கான கட்டணத்தையும் செலுத்த வேண்டியுள்ளமை போன்ற விடயங்களின் அடிப்படையில் மேலதிகமான கட்டணத்தை செலுத்த வேண்டியிருந்த போதிலும் அந்த பிரதேச நுகர்வோருக்கு வீட்டு குடிநீர் இணைப்பு தொடர்புகளை வழங்குவதற்கு முடியாமல் உள்ளது.
 இதில் உள்ள இடையூறுகளை


நீக்குவதற்காக தேவையான நடவடிக்கைகளை மேற்கொண்டு 2020ஆம் ஆண்டில் முதல் காலண்டு 2 இற்குள் புதிதாக 150,000 வீடுகளுக்கான நீர் விநியோக இணைப்புத் தொடர்புகளை வழங்கும் வேலைத்திட்டத்தை நடைமுறைப்படுத்துவதற்காக நகர , நீர்வழங்கல் மற்றும் வீடமைப்பு அமைச்சர் என்ற ரீதியில் கௌரவ பிரதமர் அவர்கள் சமர்ப்பித்த ஆவணத்திற்கு அமைச்சரவை அங்கீகாரம் வழங்கியுள்ளது.
அ.த.தி.

விளையாட்டு திறமைகளை விருத்தி செய்து சர்வதேச அரங்கில் வெற்றிகளை தனதாக்கி கொள்வதற்காக சிறுவர்களை ஊக்குவிக்கும் நோக்குடன் இலங்கையின் முதலாவது விளையாட்டு பல்கலைகழகம் 

ஹோமாகம, தியகம மஹிந்த ராஜபக்ச மைதான வளாகத்தில் நிர்மாணிப்பதற்கான அனைத்து நடவடிக்கைகளும் தயார் நிலையில் உள்ளதாக கல்வி, விளையாட்டு மற்றும் இளைஞர் விவகார அமைச்சர் டலஸ் அழகப்பெரும தெரிவித்தார். 

பிரதமர் மஹிந்த ராஜபக்ச அவர்களின் எண்ணக்கருவின் பிரகாரம் விளையாட்டு அமைச்சின் ஊடாக நவீனமயப்படுத்தப்பட்ட அம்பாறை, செனரத் சோமரத்ன விளையாட்டு அரங்கத்தை மாணவர்களிடம் கையளிக்கும் நிகழ்வில் கலந்து கொண்டு உரையாற்றுகையிலேயே நேற்று (04) கல்வி அமைச்சர் மேற்கண்டவாறு தெரிவித்துள்ளமை  குறிப்பிடத்தக்கது.

Examination Department 

G.C.E.(A/L) Examinations - 2019 (New Syllabus) - Marking Schemes 

Subject: Biology 

Languages: English. Tamil & Sinhala 

Note: This document has been prepared for the use of Marking Examiners.Some changes would be made according to the views presented at the Chief Examiners' Meeting.The marking scheme which were used in the evaluation panels after upgrading at the instructional meeting have been uploaded to the website of Department of Examinations and can be downloaded now for using them to support the teaching learning process after considering the request that was made to make them available for other teachers as well. 

Click the link below for English medium scheme 

English medium

Click the link below for Tamil medium scheme 

Tamil medium

Click the link below for Sinhala medium scheme

Sinhala medium

Examination Department 

G.C.E.(A/L) Examinations - 2019 (New Syllabus) - Marking Schemes 

Subject: Agricultural Science 

 Languages: Tamil & Sinhala. 

Note: This document has been prepared for the use of Marking Examiners.Some changes would be made according to the views presented at the Chief Examiners' Meeting.The marking scheme which were used in the evaluation panels after upgrading at the instructional meeting have been uploaded to the website of Department of Examinations and can be downloaded now for using them to support the teaching learning process after considering the request that was made to make them available for other teachers as well. 

Click the link below for Tamil medium scheme 

Tamil medium

Click the link below for Sinhala medium scheme

Sinhala Medium

28-02-2020 அன்று வெளியான அரச வர்த்தமானியை தமிழ், சிங்களம் ஆகிய மொழிகளில் இங்கு தருகிறோம். 

இதில், 

அரச பதவி வெற்றிடங்கள், 

தடை தாண்டல் பரீட்சை, 

உட்பட பல அறிவித்தல்கள் காணப்படுகின்றன. 

கீழுள்ள லிங்கை கிளிக் செய்து உரிய மொழியை (தமிழ், சிங்களம்) கிளிக் செய்து இதன் முழு வடிவத்தைப் பார்வையிடுக.

Gazette

புதிதாக தெரிவு செய்யப்பட்டுள்ள பட்டதாரிகள் 45,585 பேருக்கான நியமனக் கடிதங்கள் செயலாளர் / அரச பொது நிர்வாக, உள்நாட்டலுவல்கள், மாகாண சபை மற்றும் உள்ளூராட்சி அமைச்சினால் வழங்கப்பட்டுள்ளது. 

இந்த நியமனங்களைப் பெற்றுக்கொள்ளும் பட்டதாரிகள் 

தமது பிரதேச செயலாளரிடம் நியமனக் கடிதத்தை பெற்றுக்கொண்டதாக அறிக்கையிடுவதுடன், பிரதேச செயலாளரினால் தமது பிரதேச செயலாளர் பிரிவுக்குட்பட்ட கிராம சேவை நிலையம் அல்லது நகர கஷ்டப் பிரதேச நிலையங்களுக்கு அனுப்பி வைக்கப்படுவர். நியமனம் பெறும் பட்டதாரிகள் ஒரு வருடகால பயிற்சிக்குட்படுத்தப்படுவதுடன், முதல் குழுவிற்கு தெரிவு செய்யப்பட்ட பிரதேசங்களில் இரண்டு மாதகால தலைமைத்துவ பயிற்சிகள் ஆரம்பிக்கப்படும். 

இரண்டாம் குழுவினர் குறித்த சேவை நிலையத்தில் தமது கடமை தொடர்பாகவும் சேவை நிலையம் தொடர்பாகவும் இரண்டு மாதகாலம் ஆய்வு செய்து அந்நிலையத்தை முன்னேற்றுவதற்கான செயற்திட்ட அறிக்கையொன்றை தயாரிக்க வேண்டும். முதல் குழுவின் தலைமைத்துவப் பயிற்சி நிறைவடைந்த பின்னர் அவர்கள் தமது சேவை நிலையத்திற்கு இணைக்கப்படுவதுடன், இரண்டு மாதகாலம் சேவை நிலையம் மற்றும் வழங்கப்பட்ட கடமைகள் தொடர்பாக ஆய்வு செய்து செயற்திட்ட அறிக்கையொன்றை தயாரிக்க வேண்டும். செயற்திட்ட அறிக்கையை நிறைவு செய்த இரண்டாம் குழுவினர் இரண்டு மாதகால தலைமைத்துவ பயிற்சியினை பெறுவதோடு, இவ் இரண்டு குழுக்களும் பின்னர் குறித்த சேவையில் தொழில் பயிற்சிக்கு உட்படுத்தப்படுவர். 

2021 மார்ச் 01ஆம் திகதி தொடக்கம் அனைத்து பயிலுநர்களுக்கும் குறித்த சேவை நிலையத்தில் நிரந்தர நியமனம் வழங்கப்படும். நியமனம் பெறும் அனைத்து பட்டதாரி பயிலுநர்களும் தமது சேவை நிலையத்திற்கு அருகில் உள்ள இலங்கை வங்கி, மக்கள் வங்கி, தேசிய சேமிப்பு வங்கி அல்லது கிராமிய அபிவிருத்தி வங்கி கிளையொன்றில் வங்கிக் கணக்கொன்றை ஆரம்பிக்க வேண்டியதுடன், அதுபற்றிய விபரத்தை பிரதேச செயலாளருக்கு வழங்க வேண்டும். அதனடிப்படையில் பயிற்சி காலத்தில் மாதாந்தம் ரூபா 20,000 கொடுப்பனவு அக்கணக்கில் வரவு வைக்கப்படும். 

பயிற்சி காலத்தின் முதல் இரண்டு மாதத்திற்குள் தயாரிக்கப்படும் செயற்திட்ட அறிக்கைக்கேற்ப கிராமிய மற்றும் குறைந்த வசதியுடைய குறித்த சேவை நிலையத்தை அபிவிருத்தி செய்வதற்காக முன்வைக்கப்படும் ஆலோசனைகள் தொடர்பாக 2020 வரவு செலவுத் திட்டத்தில் நிதி ஒதுக்கீடுகள் செய்வதற்கு எதிர்பார்க்கப்படுவதனால், அனைத்து பயலுநர்களும் சேவை நிலையத்தில் தற்போது சேவையில் ஈடுபட்டுள்ளவர்கள் மற்றும் அண்மித்த பிரதேச மக்களின் கருத்துக்களை கேட்டறிந்து தமது சேவை நடவடிக்கைகளில் ஈடுபட வேண்டும் என ஜனாதிபதி ஊடக பிரிவு தெரிவித்துள்ளது.

(அ.த.தி.)