மேல் மாகாணத்தில் போக்குவரத்து நெரிசலை கட்டுப்படுத்தும் வகையில் நடைமுறைப்படுத்தப்பட்டுள்ள வீதி ஒழுங்கை சட்டம் இன்று (14) முதல் அமுல்படுத்துவதற்கு பொலிஸார் தீர்மானித்துள்ளனர். இதன்பிரகாரம் மேல்மாகாணத்திற்கான சிரேஷ்ட பிரதிப் பொலிஸ் மா அதிபர் (பொலிஸ் போக்குவரத்து) வழிகாட்டலின் கீழ் வீதி ஒழுங்கை சட்டம் இன்று 14 முதல் 16 ஆம் திகதி வரை கலை 06.00 மணிமுதல் 10.00 மணிவரையான காலப்பகுதியில் அமுலில் இருக்கும் என பொலிஸார் தெரிவித்துள்ளனர். 

குறித்த திட்டம் கீழ்குறிப்பிடப்படும் நான்கு வீதிகளுக்கும் அமுல்படுத்தப்படவுள்ளது. 

 • ஸ்ரீ ஜயவர்த்தன மாவத்த, பொல்துவ சந்தி முதல் ஹர்டன் பிளேஸ் வரை 

 • பேஸ்லைன் வீதி, கலணி பாலம் முதல் ஹை லெவல் வீதி வரை 

 • ஹை லெவல் வீதி, அனுலா கல்லூரி முதல் ஸ்ரீ சம்புதத்வ ஜயந்தி மாவத்த, தும்முள்ள சுற்றுவட்டாரம், தேஸ்டன் வீதி, மார்கஸ் பெர்னாண்டோ மாவத்த, நூலக சந்தி, ஆனந்த குமாரசாமி மாவத்த, மல்பரா சந்தி மற்றும் பித்தல சந்தி வரை 

 • காலி வீதி, வில்லியம் சந்தி முதல் காலிமுகத்திடல் சுற்றுவட்டாரம் மற்றும் என்எஸ்ஏ சுற்றுவட்டாரம் வரை 

 வீதி ஒழுங்கை சட்டத்தை பின்பற்றுமாறு சாரதிகளை பொலிஸார் கேட்டுக்கொண்டுள்ளனர்.

(அ.த.தி.)

அரசியலமைப்பின் 20ஆவது திருத்தம் தொடர்பில் ஆய்வு செய்வதற்கு கௌரவ பிரதமர் மஹிந்த ராஜபக்ஷ அவர்களினால் பாராளுமன்ற பிரதிநிதிகளை கொண்ட குழுவொன்று நியமிக்கப்பட்டுள்ளது. குழுவின் தலைவராக அமைச்சர் பேராசிரியர் ஜி.எல்.பீரிஸ் நியமிக்கப்பட்டுள்ளார். 

குழுவில் அங்கம் வகிக்கும் உறுப்பினர்களின் பெயர் விபரம் வருமாறு, 

1. கௌரவ அமைச்சர் ஜி.எல்.பீரிஸ் 

2. கௌரவ அமைச்சர் உதய பிரபாத் கம்மன்பில 

3. கௌரவ அமைச்சர் மொஹமட் அலி சப்ரி 

4. கௌரவ அமைச்சர் நிமல் சிறிபால டி சில்வா 

5. கௌரவ அமைச்சர் விமல் வீரவன்ச 

6. கௌரவ இராஜாங்க அமைச்சர் சுசில் பிரேமஜயந்த 

7. கௌரவ இராஜாங்க அமைச்சர் எஸ்.வியாழேந்திரன் 

8. கௌரவ பாராளுமன்ற உறுப்பினர் டிலான் பெரேரா 

9. கௌரவ பாராளுமன்ற உறுப்பினர் பிரேமநாத் சீ.தொலவத்த. 

செப்டம்பர் 15ஆம் திகதி இக்குழுவின் அறிக்கை கௌரவ பிரதமர் மஹிந்த ராஜபக்ஷ அவர்களிடம் கையளிக்கப்படவுள்ளது.