சிறையிலிருக்கும் பாராளுமன்ற உறுப்பினர் பிள்ளையானுக்கு ஜனாதிபதி கோத்தாபய ராஜபக்ஷ அவர்களால் புதிய பதவி வழங்கப்பட்டுள்ளது.

அதாவது மட்டக்களப்பு மாவட்ட அபிவிருத்தி குழுவின் இணைத் தலைவர் என்ற பதவி வழங்கப்பட்டுள்ளது. 

தமிழ் மக்கள் விடுதலைப் புலிகள் கட்சியின் தலைவர் சிவநேசதுரை சந்திரகாந்தன் (பிள்ளையான்) கடந்த பொதுத் தேர்தலில் சிறையில் இருந்தவாறே போட்டியிட்டு பாராளுமன்றத்துக்கு தெரிவாகி இருந்தார். 

முன்னாள் பாராளுமன்ற உறுப்பினர் ஜோசப் பரராஜசிங்கம் கொலை தொடர்பில் குற்றஞ்சாட்டப்பட்டு கைது செய்யப்பட்ட பிள்ளையான் சிறையில் இருந்து வருகின்றமை குறிப்பிடத்தக்கது.

அரச தகவல் திணைக்களத்துக்கு உட்பட்டதாக செயற்படும் அரசாங்க உத்தியோகபூர்வ குறுஞ்செய்தி சேவையை (Official SMS News Alerts) பொது மக்களுக்கு மிக இலகுவான வகையில் நம்பிக்கை மற்றும் துரிதமான செய்தி வேவையாக முன்னெடுக்கும் நோக்கிலான குறுஞ்செய்தி சேவையை மீண்டும் ஆரம்பிப்பதற்கான ஒழுங்குகள் மேற்கொள்ளப்பட்டுள்ளன.  

அந்தவகையில் உத்தியோகபூர்வ குறுஞ்செய்தி சேவை (SMS) மீண்டும் நாளை ஆரம்பமாகவுள்ளது. 

இதற்கான வைபவம் வெகுஜன ஊடகத்துறை அமைச்சர் ஹெகலிய ரம்புக்வெல்ல அவர்களின் தலைமையில் அரசாங்க தகவல் திணைக்களத்தின் வளவில் நாளை செப்டெம்பர் மாதம் 22 ஆம் திகதி காலை 11.00 மணிக்கு ஆரம்பமாகும். 

உத்தியோகபூர்வ குறுஞ்செய்தி சேவை மொபிடெல் மற்றும் டயலொக் போன்ற கையடக்க தொலைபேசி வலைப்பின்னல் ஊடாக பெற்றுக்கொள்வதற்கான வசதிகள் செய்யப்பட்டுள்ளன. 

மொபிடெல் வலைப்பின்னலில் REG (space)என்று டைப் செய்து 2299 என்ற இலக்கத்திற்கும், டயலொக் வலைப்பின்னலில் info என்று டைப் செய்து 678 என்ற இலக்கத்திற்கும் எஸ்.எம்.எஸ் செய்வதன் மூலம் உங்களது கையடக்க தொலைபேசியில் உடனடியாக பெற்றுக்கொள்ள முடியும்.

(அ.த.தி.)

இலங்கை பொலீஸ் வரலாற்றில் பெண் பொலிஸ் அதிகாரி ஒருவர் முதன்முறையாக DIG தரத்திற்கு உயர்த்தப்பட உள்ளார். இதற்கான அனுமதியை தேசிய பொலிஸ் ஆணைக்குழு வழங்கியுள்ளது. 

ஆணைக்குழுவின் செயலாளர் நிஷாந்த வீரசிங்க தெரிவிக்கையில், 

SSP தரத்திலுள்ள 9 பெண் பொலிஸ் அதிகாரிகளின் பெயர்களைக் குறிப்பிட்டு அதில் ஒருவரை DIG ஆக அனுமதிக்கும்படி பதில் பொலிஸ் மா அதிபர் ஆணைக்குழுவிடம் கோரியிருந்தார். 

அந்த வகையில் சிறுவர் மற்றும் பெண்கள் பிரிவு சிரேஷ்ட பொலிஸ் அதிகாரி SSP Bimsani Jasinghaarachchi இதற்கு தெரிவு செய்யப்பட்டுள்ளார். 

Bimsani Jasinghaarachchi 1997 இல் பொலிசில் இணைந்து 2017 இல் SSP ஆக பதவியுயர்வு பெற்றவர். 

இலங்கை பொலிஸ் வரலாற்றில் இதுவரை பெண்கள் SSP வரையே உயர் பதவி வகித்துள்ளமை குறிப்பிடத்தக்கது.

(நிவ்ஸ்வய)

Covid - 19 தொற்று காரணமாக பல்வேறு நாடுகளில் தொழில்வாய்ப்புக்களை இழந்துள்ள இலங்கை பணியாளர்களுக்கு வேறு இடங்களில் தொழில்வாய்ப்பு வழங்கும் புதிய நடைமுறை ஒன்று அறிமுகப்படுத்தப்பட்டுள்ளது. 

செப்டெம்பர் 15 ஆம் திகதி தொடக்கம் இலங்கை வெளிநாட்டு வேலைவாய்ப்பு பணியகத்தினால் இது நடைமுறைப்படுத்தப்படுகின்றது. இது தொடர்பாக வெளிநாட்டு வேலைவாப்பு பணியத்தின் தலைவர் கமல் ரத்வத்தையினால் சுற்றறிக்கை மூலம் வெளிநாட்டு வேலைவாப்பு முகவர்களுக்கு அறிவிக்கப்பட்டுள்ளது. அதாவது தொழில் தொடர்பான உடன்படிக்கை கால எல்லை முடிந்த பின்னர் நாடு திரும்ப முடியாதுள்ள பணியாளர்களுக்கு தற்போதுள்ள நாட்டில் வேறு தொழில்வாப்புகளை பெறுவதற்கு தேவையான வசதிகளை பெற்றுக்கொடுப்பதற்கு இதன் மூலம் வழிவகை செய்யப்பட்டுள்ளது. 

இதற்கு தேவையான அனுமதி மற்றும் பாதுகாப்பு முத்திரையிடப்பட்ட கடவு சீட்டை பெற்றுக்கொடுப்பதற்கான நடைவடிக்கை பணியாளர்கள் இருக்கும் இலங்கை தூதரக அலுவலகத்தின் தொழிலாளர் சேமநால நிதியத்தின் மூலம் மேற்கொள்ள முடியும். 

தேவையான ஆவணங்களை நாட்டிலுள்ள தொழில் முகவர்கள் மூலம் பணியாளர்கள் தொழில் செய்ய எதிர்பார்த்துள்ள இடத்தின் வெளிநாட்டு பிரதிநிதிகளுக்கு அனுப்பி வைப்பதற்கு நடைவடிக்கை மேற்கொள்ளப்படும். இதன் மூலம் இந்த வசதிகளை பெற்றுக்கொள்ள முடியும்.

(அ.த.தி)

இலங்கை அடுத்த வருடம் மஞ்சள் உற்பத்தியில் தன்னிறைவு காணும் என்று விவசாய ஏற்றுமதி திணைக்களம் அறிவித்துள்ளது. 

1500 ஹெக்டெயர் நிலப்பரப்பில் தற்சமயம் மஞ்சள் பயிரிடப்பட்டிருக்கிறது இதனால் அடுத்த ஆண்டின் பெப்ரவரி மாதத்தில் 22,500 மெற்றிக்தொன் மஞ்சள் அறுவடையாக கிடைக்கும் என்று ஏற்றுமதி விவசாயத் திணைக்களத்தின் பணிப்பாளர் நாயகம் தெரிவித்துள்ளார்.

(அ.த.தி)

நாட்டிலுள்ள பொறியியல் பீடங்களுக்கு மேலதிகமாக 405 மாணவர்கள் இணைத்துக்கொள்ளப்படவுள்ளனர். 

உயர்கல்வி அமைச்சில் பல்கலைக்கழக மானிய ஆணைக் குழுவின் அதிகாரிகளுடன் கல்வி அமைச்சர் பேராசிரி ஜீ.எல். பீரிஸ் நடத்திய கலந்துரையாடலின் போது அமைச்சர் இதனை தெரிவித்தார். 

பேராதனை, யாழப்பாணம், ருஹூணு, மொரட்டுவை, தென்கிழக்கு ஆகிய பல்கலைக்கழகங்களுக்கு இந்த மாணவர்கள் இணைத்துக் கொள்ளப்படவுள்ளமை குறிப்பிடத்தக்கது.

எதிர்வரும் டிசெம்பர் மாதம் இடம்பெறவுள்ள 46ஆவது தேசிய விளையாட்டு விழாவில் சிறந்த திறமைகளை வெளிப்படுத்தும் வீர, வீராங்கனைகளுக்கு வெளிநாடு செல்வதற்கான புலமைப்பரிசில் வழங்கப்படும் என்று விளையாட்டுத்துறை அமைச்சர் நாமல் ராஜபக்ஷ தெரிவித்துள்ளார். 

திறமையான 10 வீர - வீராங்கனைகளை வெளிநாடுகளுக்கு அனுப்பும் நோக்குடன் போட்டிகளுக்கான செலவினத்தை குறைக்கவும் நடவடிக்கை எடுக்கப்பட்டுள்ளது. தேசிய விளையாட்டு விழாவில் 30 போட்டிகள் இடம்பெறவுள்ளமை குறிப்பிடத்தக்கது.

18-09-2020 அன்று வெளியான அரச வர்த்தமானியை தமிழ், ஆங்கிலம், சிங்களம் ஆகிய மொழிகளில் இங்கு தருகிறோம். Official gazette released on 18-09-2020 (In three languages) 

இதில், 

அரச பதவி வெற்றிடங்கள், 

போட்டிப் பரீட்சைகள் உட்பட இன்னும் பல முக்கிய அறிவித்தல்கள் காணப்படுகின்றன. 

கீழே உள்ள உரிய லிங்கை கிளிக் செய்து உரிய மொழியில் முழுமையாகப் பார்வையிடுக. 

தமிழில் பார்வையிட கீழுள்ள லிங்கை கிளிக் செய்க. Click the link below for Tami Gazette.

ஆங்கிலத்தில் பார்வையிட கீழுள்ள லிங்கை கிளிக் செய்க. Click the link below for English Gazette.

சிங்களத்தில் பார்வையிட கீழுள்ள லிங்கை கிளிக் செய்க. Click the link below for Sinhala Gazette.

Covid-19 தொற்றுக்கு மத்தியில் பாடசாலை விளையாட்டு நிகழ்வுகளை நடத்துவதற்கு கல்வி அமைச்சினால் விசேட ஆலோசனைகள் வெளியிடப்பட்டுள்ளன. சுகாதார அமைச்சு மற்றும் விளையாட்டுத்துறை அமைச்சுடன் ஒன்றிணைந்து இந்த ஆலோசனைகள் தயாரிக்கப்பட்டிருப்பதாக கல்வி அமைச்சு தெரிவித்துள்ளது. 

கொரோனா தொற்றுக்கு மத்தியில் எற்பட்டுள்ள அனர்த்த நிலையை கவனத்தில் கொண்டு 4 பிரிவுகளின் கீழ் இந்த ஆலோசனைகள் வகைப்படுத்தப்பட்டுள்ளன. அதாவது விளையாட்டு நடவடிக்கையின் போது கைகளை கழுவுதல் மற்றும் சுகாதார முறைப்படி உணவு உட்கொள்ளுதல் மற்றும் சமூக இடைவெளியை முன்னெடுத்தல் போன்ற அடிப்படை ஆலோசனைகளுக்கு மேலதிகமாக விளையாட்டு மைதானங்களில் பிரவேசிப்போருக்கு போதுமான சுகாதார பாதுகாப்பு முறைகளை கடைப்பிடித்தல் உள்ளிட்ட ஆலோசனைகள் இதன் மூலம் தெரிவிக்கப்பட்டுள்ளது. விளையாட்டு இடம்பெறும் சுற்றாடலில் உணவு விற்பனை மற்றும் உணவை விநியோகிக்கும் பணியாளர்களின் சகாதார பாதுகாப்பு விடயங்களை உரிய முறையில் முன்னெடுத்தல் உள்ளிட்;டன இந்த ஆலோசனைகளில் உள்ளடக்கப்பட்டுள்ளன. 

இது தொடர்பில் நாடு முழுவதிலும் உள்ள அதிபர்கள் மற்றும் பாடசாலை சமூகத்தினருக்கு தெளிவுபடுத்துவதற்கு தற்பொழுது அனைத்து மகாண கல்வி அதிகாரிகள் விளையாட்டு சங்கங்களின் முக்கியஸ்தர்களுக்கு தெளிவுபடுத்துவதற்கான நடவடிக்கை மேற்கொள்ளப்பட்டிருப்பதாக கல்வி அமைச்சு வெளியிட்டுள்ள அறிக்கையில் மேலும் தெரிவிக்கப்பட்டுள்ளது.

(அ.த.தி)

வேறு ஒரு வைத்தியரின் பதிவு இலக்கத்தை பயன்படுத்தி தயாரிக்கப்பட்ட உத்தியோகபூர்வ முத்திரையுடன் சுமார் ஒரு வருடமாக மருந்து விநியோகித்து வந்த பெண்ணை போலீசார் கைது செய்துள்ளதாக மெட்ரோ பத்திரிகை செய்தி வெளியிட்டுள்ளது. 

கம்பஹா மாவட்டத்தில் திக்வலை பிரதேசத்தில் 32 வயதான பெண்ணையே போலீசார் இவ்வாறு கைது செய்துள்ளனர். இவர் காய்ச்சல் சளி போன்ற நோய்களுக்காக சிகிச்சை அளித்து வந்துள்ளார். 

அதேவேளை சருமத்தை வெள்ளை நிறமாக மாற்றுதல் தொடர்பான சிகிச்சை தொடர்பில் இணையதளத்தில் இவரின் விளம்பரத்தைப் பார்த்து விட்டு புத்தளத்தை சேர்ந்த பெண் ஒருவர் அங்கு சென்று சிகிச்சை பெற்றுள்ளார். அப்பெண்ணுக்கு ஏற்றப்பட்ட ஊசி மருந்து ஒவ்வாமையை ஏற்படுத்த உடம்பில் கொப்புளங்கள் ஏற்பட்டுள்ளன. 

பின்னர் குறித்த வைத்தியர் மீது சந்தேகம் ஏற்பட்டதால் அது தொடர்பில் ஆராய்ந்த போது அவர் போலி வைத்தியர் என்பது தெரியவந்துள்ளது. அதனையடுத்து மீகஹவத்த பொலிஸ் நிலையத்தில் செய்த முறைப்பாட்டின் காரணமாக பொலிசாரினால் குறித்த இடம் சுற்றிவளைக்கப்பட்டு போலி பெண் வைத்தியர் கைது செய்யப்பட்டார். 

இவரிடமிருந்து போலி முத்திரைகள் ஆவணங்கள் என்பனவும் கைப்பற்றப்பட்டுள்ளன.

16-09-2020 அன்று நடைபெற்ற அமைச்சரவைக் கூட்டத்தின் போது மேற்கொள்ளப்பட்ட தீர்மானங்களை (Cabinet Decisions) இங்கு தருகிறோம். 

இதில், 

பல முக்கிய தீர்மானங்கள் அடங்கியுள்ளன. 

இதன் முழு வடிவத்தைப் பெற கீழுள்ள லிங்கை கிளிக் செய்க.

வெளிநாடுகளில் பட்டம் பெற்றவர்களை இங்கு அரச சேவையில் இணைத்துக்கொள்ள தீர்மானிக்கப்பட்டு இருப்பதாக அரச நிர்வாக அமைச்சின் செயலாளர் ஜே. ஜே. ரத்னசிறி தெரிவித்துள்ளார். 

இவ்வாறான பட்டதாரிகளை அரச சேவையில் இணைத்துக் கொள்ளுமாறு ஜனாதிபதி அதிகாரிகளுக்கு உத்தரவிட்டுள்ளார். அதன் அடிப்படையில் எதிர்வரும் காலங்களில் நேர்முகப் பரீட்சை நடாத்தப்பட்டு பின்தங்கிய பிரதேசங்களில் ஆங்கிலம், விஞ்ஞானம், கணிதம் மற்றும் கணினி தொழில்நுட்பம் ஆகிய பாடங்களை கற்பித்தல் மற்றும் தேவைப்படும் ஏனைய தொழில்களுக்கும் இணைத்துக் கொள்ளப்படுவார்கள் எனவும் செயலாளர் தெரிவித்தார். 

இதுவரை இவ்வாறான 4100 விண்ணப்பங்கள் கிடைக்கப் பெற்று இருப்பதாகவும் இந்த அடிப்படையில் வெளிநாடுகளில் கல்வி கற்றவர்களின் சேவையை உள்நாட்டில் பெரும் வாய்ப்பு இருப்பதாகவும் தெரிவித்துள்ளார்.

ஜனாதிபதி, ஜனாதிபதி செயலக அதிகாரிகள், பிரதமர், பிரதமரின் காரியாலய அதிகாரிகள் மற்றும் உயர்மட்ட அதிகாரிகளின் வேண்டுகோள் அல்லது கட்டளை என்ற பெயரில் கடிதத்தோடு வருகின்ற மாணவர்களின் அனுமதியை செய்ய வேண்டாம் என ஜனாதிபதி ஊடகப் பிரிவு அதிபர்களுக்கு கடும் எச்சரிக்கை விடுத்துள்ளது. 

சில வேளைகளில் அரச அதிகாரிகளும் இவ்வாறான கடிதங்களை அனுப்புவதாக தெரியவந்துள்ளது. மாணவர் அனுமதி தொடர்பாக உள்ள நியதிகள், நடைமுறைகள் மாத்திரமே பின்பற்றப்பட வேண்டும் மாறாக கடிதங்களுக்கு மாணவர் அனுமதி மேற்கொள்ளக்கூடாது 

இவ்வாறு நடக்கும் அதிபர்களுக்கு எதிராக கடும் நடவடிக்கை எடுக்கப்படும் என ஜனாதிபதி செயலாளர் அதிபர்களுக்கு அறிவித்துள்ளார்.

​00000