கொரோனா தொடர்பான பாதிப்புகளை அதிகம் சந்தித்த நாடாக இன்றும் ஐக்கிய அமெரிக்கா இருந்து வருகிறது. 

 அங்கு 33 வினாடிகளுக்கு ஒரு கொரோனா மரணம் நிகழ்வதாக தெரிவிக்கப்படுகிறது. இன்றைய தினம் (22) வரை அங்கு 327,172 மொத்த மரணங்கள் நிகழ்ந்துள்ளன. இதுவரை 

ஒரு கோடியே 84 லட்சத்து 94 ஆயிரத்து 339 பேருக்கு தொற்று உறுதியாகியுள்ளது. 

இதேவேளை வருட இறுதி விடுமுறையில் பயணங்களை தவிர்க்குமாறு சுகாதாரத் தரப்பினர் அறிவித்தும் கடந்த வார இறுதி நாட்களில் சுமார் 32 லட்சம் பேர் அமெரிக்க விமான நிலையங்களுக்கு சென்றுள்ளதாகவும் தெரிவிக்கப்படுகிறது.

21-12-2020 அன்று நடைபெற்ற அமைச்சரவைக் கூட்டத்தின் போது மேற்கொள்ளப்பட்ட தீர்மானங்களை (Cabinet Decisions) இங்கு தருகிறோம். 

இதில், 

பல முக்கிய தீர்மானங்கள் அடங்கியுள்ளன. 

இதன் முழு வடிவத்தைப் பெற கீழுள்ள லிங்கை கிளிக் செய்க.

அண்மையில் பட்டதாரி நியமனம் பெற்று பயிற்சியில் ஈடுபட்டுள்ளவர்கள் நேற்று (21) கண்டி, மாத்தளை மற்றும் காலி ஆகிய பிரதேசங்களில் எதிர்ப்புப் போராட்டத்தில் ஈடுபட்டனர். 

தமது தொழில்களை பயிற்சிக்கு சேர்த்துக் கொள்ளப்பட்ட நாள் முதலே நிரந்தரமாக்கி தரும்படி கோரியே அவர்கள் இவ்வாறு ஆர்ப்பாட்டத்தில் ஈடுபட்டுள்ளனர்.

மேல் மாகாணம் மற்றும் தனிமைப்படுத்தப்பட்ட பிரதேசங்களை தவிர்ந்த ஏனைய பிரதேச பாடசாலைகள் அடுத்த வருடம் ஜனவரி 11ஆம் திகதியே ஆரம்பமாகும் என கல்வி அமைச்சு வெளியிட்ட ஊடக அறிக்கையில் தெரிவிக்கப்பட்டுள்ளது. 

அன்றைய தினமே தரம் 1 முதல் 5 வரையான வகுப்புகளும் ஆரம்பமாகும் என தெரிவிக்கப்பட்டுள்ளது. 

அதேவேளை குறித்த பிரதேசங்களில் பாலர் பாடசாலைகள் மற்றும் குழந்தை பராமரிப்பு நிலையங்கள் (Day Care Centres) மீள ஆரம்பிப்பதற்கான அனுமதி ஜன. 11 முதலே வழங்கப்பட்டுள்ளது. 

 மேலும் மூன்றாம் தவணை விடுமுறை 24ஆம் திகதி முதல் ஆரம்பமாகும் எனவும் தெரிவிக்கப்பட்டுள்ளது. (நாளை 23 பாடசாலை நடைபெறும்) 

இது தொடர்பில் கல்வி அமைச்சு வெளியிட்டுள்ள ஊடக அறிக்கையை கீழே தருகிறோம்.

ஊடக ஒழுங்குமுறை தொடர்பாக தான் தெரிவித்த கருத்து முற்றிலும் மாறுபட்ட விதத்தில் பரப்பப்பட்டு வருவதாக வெகுஜன ஊடக அமைச்சர் கெஹெலிய ரம்புக்வெல்ல அறிக்கை ஒன்றை வெளியிட்டு தெரிவித்துள்ளார். 

அதில் அவர் மேலும் தெரிவித்ததாவது, 

வெளிநாட்டு டிஜிட்டல் நடவடிக்கையாளர்களை பதிவு செய்வதாகவே கூறப்பட்டது. மாறாக இங்குள்ள சமூக ஊடக மற்றும் டிஜிட்டல் பாவனையாளர்களை பதிவு செய்வதாக கூறப் படவில்லை. 

இந்த Digital  பன்னாட்டு நிறுவனங்கள் உள்ளூர் வணிகங்களை 

பெரிதும் பாதிப்பதாகவும் நடுத்தர நிறுவனங்களை நேரடியாக பாதிப்பதாகவும் அமைகிறது. அதேவேளை இந்த வெளிநாட்டு டிஜிட்டல் தளங்கள் மூலம் நாட்டை விட்டு பெருந்தொகையான பணம் வெளியேறுவதற்கு வழிவகுக்கிறது என்றும் அவர் மேலும் தெரிவித்துள்ளார்.

கொழும்பு, புதுக்கடை உயர்நீதிமன்ற வளாகத்தில் கடந்த 15 ஆம் திகதி ஏற்பட்ட தீயிற்கு காரணம் மின்சார கசிவு இல்லை என மின்சார சபை அறிவித்ததாக குற்றப்புலனாய்வுத் திணைக்களம் தெரிவித்துள்ளது. 

குறித்த சம்பவம் தொடர்பில் நீதிமன்ற வளாகத்தின் பணியாளர்கள் 

உட்பட மேலும் பலரிடம் வாக்குமூலம் பெறப்பட்டுள்ளது. 

இதேவேளை குறித்த சம்பவம் தொடர்பில் அரச இரசாயன பகுப்பாய்வாளரின் அறிக்கை இன்னும் கிடைக்கப் பெறவில்லை என குற்றப்புலனாய்வுத் திணைக்களத்தின் உயர் அதிகாரி ஒருவர் தெரிவித்துள்ளமை குறிப்பிடத்தக்கது.

Closing date: 31-12-2020. 

See the details below.

Vacancies in the University of Sri Jayewardanapura.

Closing date: 05-01-2021.

See the details below.

Vacancies in the Bureau of the Commissioner General of Rehabilitation. 

Closing date: 15-01-2021. 

See the details below.

கொரோனா தொற்றுள்ள கர்ப்பிணிகளுக்கு பிறக்கும் குழந்தைகள் அதற்கு எதிரான நோய் எதிர்ப்பு சக்தியை உடலில் கொண்டிருப்பதாக தெரியவந்துள்ளது. 

இது தொடர்பில் சிங்கப்பூரில் 

நடத்தப்பட்ட ஆய்விலேயே இவ்விடயம் வெளியாகியுள்ளது. 

தாயிடமிருந்து பிள்ளைக்கு வைரஸ் கடத்தப்படுவதற்கு இதுவரை எவ்வித ஆதாரமும் இல்லை என தெரிவிக்கப்படுகிறது.

இலங்கை நீதிமன்றங்களில் சுமார் 8 லட்சம் வழக்குகள் நிலுவையில் உள்ளதாகவும் இவற்றை விசாரணைக்கு எடுக்க மேலும் 15 வருடங்கள் தேவைப்படும் எனவும் நீதி அமைச்சின் செயலாளர் எம். எம். பீ. கே. மாயாதுன்னே தெரிவித்துள்ளார். 

எனவே இந்த விசாரணைகளை துரிதப்படுத்துவதற்காக 

நீதிமன்றங்கள் மற்றும் நீதவான்களின் எண்ணிக்கையை இரண்டு மடங்காக அதிகரிக்க வேண்டிய நிலை ஏற்பட்டுள்ளதாகவும் தெரிவித்தார். 

இதேவேளை சிறைச்சாலை நெருக்கடிகளை தவிர்க்கும் வகையில் சுமார் 8 ஆயிரம் கைதிகளுக்கு புனர்வாழ்வு அளிக்க எதிர்பார்த்துள்ளதாக தெரிவிக்கப்பட்டுள்ளது.

இந்த வருடத்தின் இதுவரையான காலப்பகுதியில் மாத்திரம் போலீசாருக்கு எதிராக 2400 முறைப்பாடுகள் கிடைத்துள்ளதாக தேசிய பொலிஸ் ஆணைக்குழு தெரிவித்துள்ளது. 

இதில் 51 வீதமான முறைப்பாடுகளுக்கு தீர்வு பெற்று கொடுக்கப்பட்டுள்ளதாக இந்த ஆணைக்குழுவின் தலைவர் முன்னாள் பொலிஸ் மா அதிபர் சந்திரா பெர்னாண்டோ தெரிவித்துள்ளார். 

கிடைக்கப்பெற்ற முறைப்பாடுகளில் பெரும்பாலானவை போலீசார் அதிகார துஷ்பிரயோகத்தில் ஈடுபட்டமை மற்றும் உரிய நடவடிக்கைகளை எடுக்காமை தொடர்பானது என அவர் தெரிவித்தார்.

மேல் மாகாணத்திலிருந்து வெளியேறுபவர்களுக்கு Rapid Antigen பரிசோதனை நேற்றைய தினத்தை போன்று இன்றும் நடைபெற்றது. 

கொழும்பு-புத்தளம் வீதியில் கொச்சிக்கடை பிரதேசத்திலும், ஹைலெவல் வீதியில் சாலாவ பிரதேசத்திலும் கொழும்பு - கண்டி வீதியில் நிட்டம்புவ பிரதேசத்திலுமாக மூன்று இடங்களில் இந்த பரிசோதனை மேற்கொள்ளப்படுகிறது. 

இன்று எழுமாறாக 750 பேரில் செய்த பரிசோதனைகளில் 

ஒருவருக்கு கொரோனா வைரஸ் தொற்றுக்கு உள்ளாகி இருந்தமை இனங்காணப்பட்டுள்ளதாக இராணுவ தளபதி தெரிவித்துள்ளார். 

இதேவேளை நேற்று முதல் நாள் செய்யப்பட்ட 451 பரிசோதனைகளில் 5 பேருக்கு கொரோனா இருப்பது உறுதி செய்யப்பட்டுள்ளது குறிப்பிடத்தக்கது.