இலங்கையுடன் இரண்டு டெஸ்ட் போட்டிகளில் விளையாட நேற்றைய தினம் இங்கிலாந்து கிரிக்கெட் அணி நாட்டிற்கு வருகை தந்தது. 

அதில் சகல துறை ஆட்டக்காரரான மொயீன் அலிக்கு கொரோனா தொற்று உறுதியானதாக அந்நாட்டு கிரிக்கெட் சபை அறிவித்துள்ளது. இதேவேளை 

கொரோனா உறுதிப்படுத்தப்பட்ட மொயின் அலி காலியில் அமைந்துள்ள தனிமைப்படுத்தல் நிலையத்திற்கு 10 நாட்களுக்கு அனுப்பி வைக்கப்பட்டுள்ளதாக தெரிவிக்கப்பட்டுள்ளது. 

இங்கிலாந்து அணி நாளை மறுதினம் தமது பயிற்சிகளை ஆரம்பிக்க உள்ளமை குறிப்பிடத்தக்கது.

கல்வியியல் கல்லூரி டிப்ளோமாதாரிகளின் ஆசிரியர் நியமன தாமதத்தை கண்டித்து இலங்கை ஆசிரியர் சேவை சங்கத்தின் ஏற்பாட்டில் டிப்ளோமாதாரிகளின் பங்களிப்போடு இன்று கல்வி அமைச்சின் முன்னால் ஆர்ப்பாட்டம் நடைபெற்றது. 

இதன் காரணமாக ஜனவரி 18 

குறித்த நியமனங்கள் வழங்குவதாக கல்வியமைச்சு எழுத்து மூலம் ஆர்ப்பாட்டக்காரர்களுக்கு உறுதிமொழியை வழங்கி உள்ளது. 

ஏற்கெனவே குறித்த நியமனங்கள் டிசம்பர் 31, ஜனவரி 11, ஜனவரி 15 என்ற தினங்களில் வழங்குவதாக கல்வியமைச்சு கூறியிருந்தமை குறிப்பிடத்தக்கது.

மேல் மாகாணத்தில் தனிமைப்படுத்தப்பட்டுள்ள பிரதேசங்களை தவிர்ந்த ஏனைய பிரதேசங்களில் தரம் 11 ஆம் வகுப்புக்கான பாடசாலைகள் எதிர்வரும் 25 ஆம் திகதி ஆரம்பிக்கப்படுவதாக கல்வி அமைச்சர் பேராசிரியர் ஜீ.எல். பீரிஸ் தெரிவித்துள்ளார். 

கொழும்பில் இன்று நடைபெற்ற செய்தியாளர் சந்திப்பில் அமைச்சர் இதனை தெரிவித்தார். 

 எதிர்வரும் மார்ச் மாதத்தில் 

கல்வி பொது தராதர சாதாரண தர பரீட்சை நடைபெற இருப்பதனால் இந்த தீர்மானத்தை மேற்கொண்டதாக அமைச்சர் மேலும் குறிப்பிட்டார். 

 இதேவேளை 2021 கல்வியாண்டுக்கான கற்றல் நடவடிக்கைகள் ஜனவரி மாதம் 11ஆம் திகதி ஆரம்பமாகவுள்ளதாக கல்வி அமைச்சின் செயலாளர் பேராசிரியர் கபில பெரேரா தெரிவித்துள்ளார்.. 

மேல் மாகாணம் மற்றும் தனிமைப்படுத்தப்பட்டிருக்கும் பிரதேசங்களிலுள்ள பாடசாலைகள் தவிர்த்த, ஏனைய சகல பாடசாலைகளும் இவ்வாறு திறக்கப்படவுள்ளன. இந்த பாடசாலைகளின் அதிபர்களுக்கு பாடசாலை நடத்துவது பற்றி விசேட ஆலோசனை வழங்கப்பட்டுள்ளதாக கல்வி அமைச்சின் செயலாளர் குறிப்பிட்டார்.

(அரசாங்க தகவல் திணைக்களம் )

க.பொ.த. உயர்தர பரீட்சையின் 12 பாடங்கள் தொடர்பான செய்முறை பரீட்சை நாளை (5) இடம்பெறவுள்ளதாக பரீட்சைகள் ஆணையாளர் சனத் பூஜித தெரிவித்துள்ளார். 

இதற்கான அனுமதி அட்டைகள் 

இதுவரை கிடைக்காத மாணவர்கள் பரீட்சை திணைக்களத்தின் இணையத்தளத்தின் ஊடாக ஒரு பிரதியை பெற்றுக் கொள்ளலாம் என அவர் மேலும் தெரிவித்தார்.

ஏற்கனவே உலகில் குறைந்த அளவு பிறப்பு வீதத்தைக் கொண்ட தென்கொரியாவில் கடந்த வருடம் (2020) பிறப்புக்களின் எண்ணிக்கையை விட இறப்புக்களின் எண்ணிக்கை அதிகரித்திருந்தது கண்டறியப்பட்டுள்ளது. 

அதாவது கடந்த வருடம் 

275,800 பிறப்புக்களும் 307,764 இறப்புகளும் அங்கு நிகழ்ந்துள்ளன. எனவே 

இந்நிலைமை காரணமாக நாட்டில் குறைவடையும் இளைஞர் தொகையால் தொழிலாளர் பற்றாக்குறைக்கு வழி ஏற்படுவதுடன் நாட்டின் பொருளாதாரத்திலும் நேரடி பாதிப்பை ஏற்படுத்தும் எனவும் சுட்டிக்காட்டப்பட்டுள்ளது.

இவ்வருடம் நடைபெற்ற உயர்தர பரீட்சையின் பெறுபேறுகள் எதிர்வரும் மார்ச் மாத இறுதி அல்லது ஏப்ரல் மாத ஆரம்பத்தில் வெளியிடப்படும் என கல்வி அமைச்சர் ஜி. எல். பீரிஸ் தெரிவித்துள்ளார். 

இன்று நடைபெற்ற ஊடகவியலாளர் சந்திப்பிலேயே அவர் இவ்வாறு தெரிவித்தார். 

அதேவேளை எதிர்வரும் மார்ச் 

மாதம் நடைபெறும் சாதாரண தரப் பரீட்சையின் பெறுபேறுகள் ஜூன் மாத இறுதியில் வெளியிட முயற்சிப்பதாகவும் அவர் மேலும் தெரிவித்தார்.

உக்ரேனில் இருந்து நான்காவது சுற்றுலாப்பயணிகள் இன்றைய தினம் மத்தள சர்வதேச விமான நிலையத்தை வந்தடைந்ததாக தெரிவிக்கப்பட்டுள்ளது. 

இன்று இவ்வாறு வருகை தந்தது 97 பேர் என்பது குறிப்பிடத்தக்கது. 

இதேவேளை ஏற்கனவே வந்த 

குழு இன்றைய தினம் செல்லவிருந்த பொலன்னறுவை மற்றும் நாளைய தினம் செல்லவிருந்த சிகிரியா பயணம் என்பன ரத்து செய்யப்பட்டுள்ளதாகவும் தெரிவிக்கப்பட்டுள்ளது.

2015, 2016 மற்றும் 2017 ஆம் ஆண்டுகளில் ஏதேனுமொரு வருடத்தில் க.பொ.த உயர்தர பரீட்சையில் ஏதேனும் ஒரு பிரிவில் சித்தியடைந்த மாணவிகளிடமிருந்து (திருமணமாகாதவர்) சுகாதார அமைச்சின் 'சுகாதார சேவைகள் அதிகாரி' வெற்றிடங்களுக்கான பாடநெறியின் பயிற்சிக்கு ஆட்சேர்ப்பதற்காக விண்ணப்பங்கள் கோரப்படவுள்ளன. இணைய வழி மூலமாக 

இதற்கு விண்ணப்பிக்கலாம். விண்ணப்ப முடிவுத் திகதி: 01-02-2021. 

இது தொடர்பான மேலதிக தகவல்களை 2021.01.08 ஆம் திகதி வெளிவரும் வர்த்தமானி மற்றும் www.health.gov.lk என்ற இணையதளத்தினூடாக பெற்றுக்கொள்ள முடியும்.

அக்குரணை பிரதேசத்தைச் சேர்ந்த நபர் ஒருவரின் சடலம் கடந்த 15 நாட்களாக கண்டி தேசிய வைத்தியசாலையின் பிரேத அறையில் வைக்கப்பட்டுள்ளதால் தாம் பல்வேறு அசௌகரியங்களுக்கு முகம் கொடுத்துள்ளதாக கண்டி தேசிய வைத்தியசாலையின் சட்ட வைத்திய அலுவலகத்தின் மருத்துவர்கள் மற்றும் அதன் ஊழியர்கள் தெரிவித்துள்ளதாக தனியார் தொலைக்காட்சி செய்தி வெளியிட்டுள்ளது. 

குறித்த நபர் சென்ற மாதம் 

19ஆம் திகதி கண்டி வைத்தியசாலையில் உயிரிழந்ததாக தெரிவிக்கப்படுகிறது. 

 குறித்த உடலை அடையாளம் காட்டுவதற்கு இதுவரை அவரது வீட்டிலிருந்து யாரும் வரவில்லை என தெரிவிக்கப்படுகிறது. 

இதேவேளை கண்டி தேசிய வைத்தியசாலையின் சட்ட வைத்தியர்கள் தமது கடமைகளில் இருந்து நேற்றைய தினம் விலகி இருந்ததாகவும் தெரிவிக்கப்படுகின்றது.

ஆசியாவின் மிகப்பெரிய பணக்காரர் என்ற அந்தஸ்தை இழந்துள்ளார் இந்தியாவைச் சேர்ந்த முகேஷ் அம்பானி. இவர் இந்தியாவில் உள்ள ரிலையன்ஸ் குழுமத்தின் தலைவராவார். 

தற்போதுவரை இந்தப் பட்டியலில் 3வது இடத்தில் இருந்த 

சீனாவை சேர்ந்த தொழிலதிபரான ஷாங் ஷான்ஷான் (Zhong Shanshan) 1ம் இடத்திற்கு முன்னேறியதுடன் முகேஷ் அம்பானி 3ம் இடத்திற்கு தள்ளப்பட்டுள்ளார். இரண்டாமிடத்தில் சீனாவைச் சேர்ந்த அலிபாபா நிறுவனத் தலைவர் ஜாக் மா இருக்கின்றார். 

77.8 பில்லியன் டொலர் மொத்த சொத்துக்களை கொண்ட ஷான்ஷான் உலக பணக்காரர் பட்டியலில் 11 வது இடத்துக்கு முன்னேறியுள்ளார். 

இவர் மற்ற பணக்காரர்களை போலல்லாமல் இதழியல் துறை, காளான் வளர்ப்பு மற்றும் சுகாதாரத் துறை என்பவற்றிலேயே கவனம் செலுத்தி வந்தவர். 

கடந்த ஏப்ரலில் தனக்கு சொந்தமான தடுப்பூசி தயாரிப்பு நிறுவனத்தை சீன பங்குச் சந்தையில் இவர் பட்டியலிட்டார். 

மேலும் மூன்று மாதங்களுக்கு பிறகு இவரது தண்ணீர் போத்தல் நிறுவனத்தை பங்கு சந்தையில் பட்டியலிட்டார். இந்நிறுவனத்தின் பங்கு 155% ற்கு மேல் அதிகரித்தது. 

கொரோனா தடுப்பூசி தயாரிப்பு பணியில் இறங்கிய இவரது மற்றொரு நிறுவனத்தின் பங்கு விலை 2,000% க்கு மேல் அதிகரித்தது. 

அந்த வகையில் இவரது வளர்ச்சி வரலாற்றிலேயே குறுகிய காலத்தில் அதிக செல்வம் ஈட்டப்பட்ட நிகழ்வாக பார்க்கப்படுகிறது.

முஸ்லிம் சமய கலாசார திணைக்களத்தின் பணிப்பாளர் ஏ.பீ.எம். அஷ்ரப் தனது பதவியை ராஜினாமா செய்தமைக்கான காரணம் 

சிலரின் தலையீடே என தெரிய வருவதாக ஜப்னா முஸ்லிம் இணையத்தளம் செய்தி வெளியிட்டுள்ளது. 

இவர் தனது ராஜினாமா கடிதத்தை இம்மாதம் 1ம் திகதி புத்தசாசன மற்றும் சமய விவகார அமைச்சின் செயலாளரான பேராசிரியர் கபில குணவர்த்தனவிடம் கையளித்துள்ளதாக தெரிய வருகிறது.

 2019 டிசம்பர் முதல் குறித்த பதவிக்கு நியமிக்கப்பட்ட அவர், இலங்கை நிர்வாக சேவையின் சிரேஷ்ட அதிகாரி என்பது குறிப்பிடத்தக்கது.

Full Free Scholarship to Japan - 2021/22. (ASIA KAKEHASHI) 

Fully sponsored by ministry of education in Japan. 

Closing date: 20-01-2021. 

See the details below.

Closing date: 15-01-2021. 

See the details below.