இலங்கைக்கு சீன அரசாங்கம் 300,000 கொரோனா தடுப்பூசிகளை வழங்கவுள்ளதாக கொழும்பிலுள்ள சீன தூதரகம் தெரிவித்துள்ளது. 

Sinopharm என்ற பெயரிலான கொரோனா தடுப்பூசியே இவ்வாறு நன்கொடையாக வழங்கப்படவுள்ளதாக தெரிவிக்கப்படுகின்றது. 

இதேவேளை இந்தியா நன்கொடையாக வழங்கும் தடுப்பூசிகள் 

நாளைய தினம் இலங்கையை வந்தடையவுள்ளமை குறிப்பிடத்தக்கது.

இலங்கையில் முதல் கொரோனா தொற்றாளர் இனங்காணப்பட்டு இன்றுடன் சரியாக ஒரு வருடம் பூர்த்தியாகியுள்ளது. கடந்த வருடம் ஜனவரி மாதம் 

27 ஆம் திகதி சீனப்பெண் ஒருவர் முதல் தொற்றாளராக இங்கு இனம் காணப்பட்டார். 

இதைத்தொடர்ந்து சுகாதாரத்துறை மக்களுக்கு விடுத்த அறிவிப்பில், பொதுமக்கள் யாரும் அச்சப்படத் தேவையில்லை உரிய நடவடிக்கைகள் முன்னெடுக்கப்படுகின்றன என தெரிவிக்கப்பட்டது. 

 இன்றைய தினம் சரியாக ஒரு வருடம் நிறைவடைந்த நிலையில், 59,922 தொற்றாளர்கள், 51,046 குணமடைந்தோர், 288 மரணங்கள் என்ற அடிப்படையில் கொரோனாவுக்கு எதிரான போராட்ட பாதையில் இலங்கை பயணித்துக் கொண்டிருக்கிறது.

பேஸ்புக் (Facebook) நிறுவனம் இலங்கையில் இரத்ததான வசதியை அறிமுகம் செய்துள்ளது. 

பேஸ்புக் இந்த வசதியை அறிமுகம் செய்யும் 29ஆவது நாடு இலங்கையாகும். இந்த வசதியின் கீழ் இலங்கையில் உள்ள 

24 இரத்த வங்கிகள் ஒன்றிணைக்கப்பட்டுள்ளதாக அறிவிக்கப்பட்டுள்ளது. 18-55 வயதுக்கு இடைப்பட்டவர்கள் தம்மை பதிவு செய்து இந்த சேவை மூலம் இரத்த தானத்தை வழங்கலாம் என தெரிவிக்கப்பட்டுள்ளது.

மாவட்டங்கள் மற்றும் மாகாணங்களுக்கிடையே போக்குவரத்தை குறைக்க இயன்றளவு நடவடிக்கைகளை மேற்கொள்ளுமாறு சகல சாதாரண தர மாணவர்கள் மற்றும் ஆசிரியர்களிடம் கல்வி அமைச்சு கோரிக்கை விடுத்துள்ளது. 

அந்த வகையில் கற்கும் பாடசாலை கொழும்பு மாவட்டத்தில் அமைந்திருந்தாலும் அருகிலுள்ள பாடசாலைகளுக்குச் சென்று தற்காலிகமாக தமது கல்வி நடவடிக்கைகளை மேற்கொள்வதற்கான சந்தர்ப்பத்தை வழங்க கல்வி அமைச்சு தீர்மானித்துள்ளது. 

கல்வி அமைச்சின் செயலாளர் பேராசிரியர் கபில பெரேரா இது தொடர்பாக தெரிவிக்கையில், 

ஆசிரியர்களும் மாணவர்களும் மாகாணங்களுக்கிடையே போக்குவரத்து மேற்கொள்ளாது தமக்கு அருகிலுள்ள பாடசாலைக்கு செல்வதற்கான சந்தர்ப்பத்தை வழங்க தீர்மானித்துள்ளோம். பாடசாலைகளை திறப்பதற்கு எடுக்கப்பட தீர்மானம் மிகவும் கடினமானதொன்றாகும். எனவே அதன் வெற்றியை தக்கவைத்துக் கொள்ள சகலரினதும் ஆதரவு தேவை என்றும் அவர் மேலும் தெரிவித்தார்.

பிரதேச செயலக மட்டத்திலிருந்து நாடளாவிய ரீதியில் உள்ள சகல பாதுகாப்பு படைத் தலைமையகங்களுக்கும்  ஆட்சேர்ப்பு செய்யும் திட்டம் ஆரம்பிக்கப்பட்டுள்ளது. 

அதன்படி ஜனவரி - மார்ச் மாதம் வரையில் இந்த ஆட்சேர்ப்பு திட்டம் முன்னெடுக்கப்பட உள்ளதுடன், வர்த்தக மற்றும் பொதுச்சேவை பிரிவுகளில் 

காணப்படும் வெற்றிடங்களை நிரப்பவே மேற்படி திட்டம் ஆரம்பிக்கப்பட்டுள்ளது.   

 மேற்படி பிரிவுகளில் இணைந்துக்கொள்ள விரும்பும் தேக ஆரோக்கியமான ஆற்றல் மிக்க இளைஞர் பாதுகாப்பு படைத் தலைமையகங்களுடன் தொடர்புகொள்ள முடியும். 

 மேலும் ஆட்சேர்ப்பு பணிப்பகத்தினால் யாழ்ப்பாணம், கிளிநொச்சி, வன்னி, மத்திய, கிழக்கு பகுதிகளில் உள்ள பாதுகாப்பு படைத் தலைமையக மட்டங்களில் 2020 இல் ஆட்சேர்ப்பு பணிகளுக்கான தொடர் விழிப்புணர்வு திட்டங்கள் முன்னெடுக்கப்பட்டுவதுடன் மேற்படி ஒவ்வொரு பாதுகாப்பு படைத் தலைமையகங்களில் பிரிகேட் படைப் பிரிவு தளபதியின் தலைமையில் பிரிகேடியர் பொது பதவி நிலை அதிகாரியின் மேற்பார்வையின் கீழ் இந்த பணிகள் முன்னெடுக்கப்படுள்ளன. 

 அதன் பிரகாரம், பாதுகாப்பு பதவி நிலை பிரதானியும், இராணுவத் தளபதியுமான ஜெனரல் ஷவேந்திர சில்வாவின் வழிகாட்டலின் கீழ், இராணுவ ஆட்சேர்ப்பு பிரிவின் பணிப்பாளர் பிரிகேடியர் ஏ.ஏ.டி.என்.எஸ்.பி. துனுவில மற்றும் ஆட்சேர்ப்பு பிரிவின் பதவி நிலை அதிகாரி - 1 லெப்டினன் கேணல் எம்.எல்.டி.மொல்லிகொட ஆகியோரின் தலைமையில் ஆட்சேர்ப்பு பணிகள் இடம்பெற உள்ள நிலையில் ஒவ்வொரு கிராமத்தில் இருந்தும் குறைந்த பட்சம் மூன்று இளைஞர்கள் இராணுவத்திற்கு இணைத்துக்கொள்ளப்படவுள்ளனர். எனவே, இராணுவத்தில் இணைந்துகொள்ள விரும்புவோர் அருகிலுள்ள பாதுகாப்பு படைத் தலைமையகத்தினை தொடர்பு கொண்டு வயதெல்லை, கல்வித் தகைமை என்பவற்றை தெரியப்படுத்தி, சம்பள விவரம், சலுகைக் கொடுப்பனவுகள் மருத்துவ சலுகைகள் உள்ளிட்ட விடயங்கள் பற்றி அறிந்துகொள்ள முடியும். 

 அல்லது அருகிலுள்ள இராணுவ படைப் பிரிவிற்கு நேரடியாக சென்று அங்கு ஆட்சேர்ப்புக்கு பொறுப்பாக இருக்கும் அதிகாரிகளை சந்தித்து மேலதிக தகவல்களை அறிந்துகொள்ளவும் முடியும். 

தொடர்புகளுக்கு: 

தலைமையகம்- யாழ்ப்பாணம் - 011 4056102 / 076 5303715 

தலைமையகம் - வன்னி (வவுனியா) - 076 6907293 

தலைமையகம் – கிழக்கு (வெலிகந்த) - 027 2259128 /076 6907297 

தலைமையகம் – கிளிநொச்சி - 076 4514395 / 070 1918333 

தலைமையகம் – முல்லைத்தீவு - 071 2138268  

தலைமையகம்– மேற்கு (பனாகொடை) - 076 5303721 

தலைமையகம் - மத்திய (தியதலாவை) - 076 6907304 / 0765303719 

பணிப்பாளர் – ஆட்சேர்ப்பு பிரிவு (கொஹவலை) - 011 2815080 / 011 3137553

(Source : அரசாங்க தகவல் திணைக்களம்)

பாடசாலை மாணவர்களின் போக்குவரத்துக்கு பயன்படுத்தப்படும் சிசு செரிய பஸ்களில் எண்ணிக்கையை இன்று (25) முதல் அதிகரிக்க தீர்மானித்துள்ளதாக இலங்கை போக்குவரத்து சபையின் பொது முகாமையாளர் தாவன பண்டுக சுவர்ணஹங்க தெரிவித்துள்ளார். 

இதேவேளை யாதேனும் பஸ் தேவைப்பாடுகள் ஏற்படுமிடத்து 

அது தொடர்பாக எவ்வாறு செயற்பட வேண்டும் என்பது தொடர்பாக அதிபர்களுக்கு தெரியப்படுத்தியுள்ளதாகவும் அவர் மேலும் தெரிவித்தார். 

இதேவேளை பாடசாலை போக்குவரத்து சேவையில் ஈடுபடும் சாரதிகள் மற்றும் உதவியாளர்களை இன்று முதல் எழுமாற்றான ரபிட் ஆண்டின் பரிசோதனைக்கு உட்படுத்துவதாக பொலிஸார் தெரிவித்துள்ளனர்.

க.பொ.த. உயர்தரப் பரீட்சையின் முடிவுகள் மார்ச் மாதத்தின் இறுதிப் பகுதி அல்லது ஏப்பிரல் மாதத்தின் ஆரம்பப் பகுதியில் வெளியிடப்படும் என கல்வி அமைச்சர் பேராசிரியர் ஜி.எல்.பிரிஸ் தெரிவித்துள்ளார். 

இதன் பிரகாரம் மாணவர்களின் பல்கலைக்கழக அனுமதி 

குறுகிய காலத்திற்குள் மேற்கொள்ளப்படும் என அவர் குறிப்பிட்டார். இதேவேளை உயர்தர வகுப்புக்களை ஜூலை மாத்ததில் ஆரம்பிப்பதற்கும் திட்டமிடப்பட்டிருப்பதாக கல்வியமைச்சர் கூறினார். 

கடந்த டிசெம்பர் மாதம் நடைபெற வேண்டிய கல்விப் பொதுத் தாரதர பத்திர சாதாரண தரப் பரீட்சை மார்ச் மாதம் வரை பிற்போடப்பட்டிருக்கின்றது. எனினும், எந்தவொரு பாதிப்பும் மாணவர்களுக்கு ஏற்படாத வகையில் பரீட்சைப் பெறுபேறுகளை விரைவாக வெளியிட நடவடிக்கை எடுக்கப்பட்டுள்ளதாக அவர் கூறினார். 

(Source: அரசாங்க தகவல் திணைக்களம்)

அரசியல் கட்சிகளைப் பதிவு செய்வதற்கு புதிய விதிகளை தயாரிக்க தேர்தல்கள் ஆணைக்குழு தீர்மானித்துள்ளது. 

இந்த புதிய ஏற்பாடுகளை 

வர்த்தமானி மூலம் பிரசுரிக்க தேர்தல்கள் ஆணைக்குழு தீர்மானித்துள்ளமை குறிப்பிடத்தக்கது. 

அரசியல் கட்சிகளைப் பதிவு செய்வதற்கான பாராளுமன்ற சட்ட ஏற்பாடுகளுக்கு அமைவான விதிமுறைகள் இல்லாமையினாலேயே இந்நடவடிக்கை மேற்கொள்ளப்படவுள்ளது.

தரம் 05 புலமைப்பரிசில் பரீட்சையின் பெறுபேறுகளுக்கமைய பாடசாலைகளுக்கு தரம் 6 ற்கு மாணவர்களை இணைத்துக் கொள்ளும் நடவடிக்கையில் மாற்றம் மேற்கொள்ளப்படவில்லை என்று கல்வி அமைச்சின் செயலாளர் கபில பெரேரா தெரிவித்துள்ளார். மேலும்,

மாணவர்களின் எண்ணிக்கையையோ பாடசாலை வகுப்பறையின் அளவையோ குறைப்பதற்கான எந்தத் தீர்மானமும் எடுக்கப்படவில்லை. பிள்ளைகளுக்கு அநீதி ஏற்பட இடமளிக்கப்பட மாட்டாது. புலமைப்பரிசில் பரீட்சையில் ஆகக்கூடுதலான புள்ளிகள் கடந்த 05 ஆண்டுகளில் 

பெற்றுக் கொள்ளப்பட்டிருந்தன. இருப்பினும் பாடசாலைகளுக்கு மாணவர்களை இணைத்துக் கொள்ளும் நடைமுறையில் எவ்வித மாற்றமும் மேற்கொள்ளப்படவில்லை. 

இது தொடர்பிலான மேலதிக விபரங்களை கல்வி அமைச்சின் உத்தியோகபூர்வ இணையத்தளத்தில் பார்வையிடலாம் எனவும் அவர் மேலும் தெரிவித்தார்.

2020 க.பொ.த. (சா/தர) பரீட்சை கடமைகளுக்காக விண்ணப்பங்கள் கோரப்பட்டுள்ளன. விடைத்தாள் பரீட்சகர்களுக்கான மற்றும் பிரதம பரீட்சகர்களுக்கான விண்ணப்பங்கள் கோரப்பட்டுள்ளன.

விண்ணப்ப முடிவு திகதி: 2021.02.03

விண்ணப்பத்தைப் பூர்த்தி செய்தல் தொடர்பான அறிவுறுத்தல்களைப் பார்வையிட கீழுள்ள லிங்கை கிளிக் செய்க. 

விண்ணப்பத்தைப் பூர்த்தி செய்வது தொடர்பான தொழினுட்ப விளக்கத்தைப் பார்வையிட கீழுள்ள லிங்கை கிளிக் செய்க. 

விடைத்தாள் பரீட்சகர்களுக்கான Online விண்ணப்பத்தைப் பெற கீழுள்ள லிங்கை கிளிக் செய்க.

பிரதம பரீட்சகர்களுக்கான விண்ணப்பத்தைப் பெற கீழுள்ள லிங்கை கிளிக் செய்க.

22-01-2021 அன்று வெளியான அரச வர்த்தமானியை ஆங்கிலம், சிங்களம் ஆகிய மொழிகளில் இங்கு தருகிறோம். 

Official gazette released on 22-01-2021 (In two languages) 

இதில், 

அரச பதவி வெற்றிடங்கள், தடைதாண்டல் பரீட்சை, போட்டிப் பரீட்சை, உட்பட பல முக்கிய அறிவித்தல்கள் காணப்படுகின்றன. 

கீழே உள்ள உரிய லிங்கை கிளிக் செய்து உரிய மொழியில் முழுமையாகப் பார்வையிடுக. 

ஆங்கிலத்தில் பார்வையிட கீழுள்ள லிங்கை கிளிக் செய்க. 

சிங்களத்தில் பார்வையிட கீழுள்ள லிங்கை கிளிக் செய்க.

கொரோனா தொற்று காரணமாக பாடசாலைகள் திறக்கப்படாமை, பல்வேறு பகுதிகளில் போக்குவரத்து கட்டுப்படுத்தப்பட்டுள்ளமை போன்ற காரணங்களை கருத்திற் கொண்டு கல்வியமைச்சு தீர்மானமொன்றை மேற்கொண்டுள்ளது. 

அதாவது 

கடந்த வருடம் (2020) தரம்-1இல் சேர்ந்த மாணவர்களுக்கு வழங்கப்பட்ட இலவச சீருடை வவுச்சருக்கான கால எல்லையை பெப்ரவரி 28ஆம் திகதி வரை நீடிப்பதாக அறிவிக்கப்பட்டுள்ளது.

G.C.E.(O/L) Examination – 2020 (2021 March ) Timetable 

Click the link below for Tamil medium time table 

Click the link below for English medium time table