பெண்கள் டுவிட்டரில் (twitter) எதைப்பற்றியெல்லாம் பதிவுகளை செய்கிறார்கள் என்பது குறித்த சுவாரசிய தகவல்கள் ஒரு ஆய்வில் தெரிய வந்துள்ளன. 

 இதற்காக 700 பெண்களிடம் ஒரு ஆய்வு நடத்தப்பட்டது. 2019 ஜனவரி முதல் இந்த ஆண்டு பிப்ரவரி மாதம் வரையில் 10 நகரங்களில் 

பெண்கள் வெளியிட்ட 5 லட்சத்து 22 ஆயிரத்து 992 பதிவுகளும் ஆராயப்பட்டன. 

இதில் பெண்கள் டுவிட்டரில் பல்வேறு விஷயங்கள் குறித்து பேசுவது தெரியவந்துள்ளது. பெண்களின் டுவிட்டர் பதிவுகள் 9 பொருளை பிரதானமாக கொண்டுள்ளன. 

அதாவது பெண்களின் டுவிட்டர் பதிவுகளில் 24.9% பேஷன், புத்தகங்கள், அழகு குறிப்புகள், பொழுதுபோக்கு அம்சங்கள், சாப்பாடு பற்றி அமைந்துள்ளன. 

நாட்டு நடப்புகள் பற்றி 20.8% பதிவுகள் அமைந்திருக்கின்றன. 

கொண்டாட்ட தருணங்கள் தொடர்பாக 14.5% பதிவுகள் செய்யப்படுகின்றன. 

சமூகம் தொடர்பாக 11.7% பதிவுகளும், 

சமூக மாற்றங்கள் குறித்து 8.7% பதிவுகளும் உள்ளன. 

டுவிட்டரை பொறுத்தமட்டில் அன்றாட உரையாடல்கள், கொண்டாட்ட தருணங்கள்தான் அதிகபட்ச லைக்குகளையும், பதில்களையும் பெறுகின்றன. 

நகரங்களில் சென்னை நகரத்தில்தான் கொண்டாட்ட தருணங்கள் பற்றி அதிகமாக பெண்களால் டுவிட்டர் பதிவுகள் வெளியிடப்படுகின்றன. 

சமூகம், சமூக மாற்றம் பற்றி பெங்களூரு பெண்கள் பதிவுகளை வெளியிடுகின்றனர். 

கவுகாத்தி பெண்கள் பேஷன் பற்றியும், விருப்பங்கள் குறித்தும், நாட்டு நடப்பு பற்றியும் பதிவுகளை வெளியிடுகிறார்கள் என ஆய்வு முடிவில் தகவல் வந்துள்ளது என ஆர்வளர்கள் தெரிவிக்கின்றனர்.

(Source: அரசாங்க தகவல் திணைக்களம்)

சப்ரகமுவ மாகாணத்தில் பாடசாலை மாணவர்களுக்கும் பாடசாலை கல்வியை நிறைவு செய்த மாணவர்களுக்கும் ஹிந்தி மொழியினை கற்று 

கொடுப்பதற்கும் தேவையான சகல வளங்களும் பெற்று கொடுக்கப்படும் என இலங்கைக்கான இந்திய உதவி உயர்ஸ்தானிகர் ராகேஷ் நடராஜ் தெரிவித்தார். 

 கடந்ந 4ம் திகதி சப்ரகமுவ மாகாண சபை கட்டடத்தொகுதியில் வைத்து சப்ரகமுவ மாகாண ஆளுநர் டிக்கிரி கொப்பேகடுவவை சந்தித்து கலந்துரையாடிய போதே அவர் இவ்வாறு தெரிவித்தார். 

இதன்போது கருத்து தெரிவித்த சப்ரகமுவ மாகாண ஆளுநர், 

சப்ரகமுவ மாகாணத்தின் பாடசாலை மாணவர்களுக்கு ஹிந்தி மொழி கற்று கொடுப்பதற்கான சகல நடவடிக்கைகளும் தற்போதும் முன்னெடுக்கப்பட்டு வருகின்றன. இதற்கு தேவையான சகல வளங்களும் சப்ரகமுவ மாகாண சபையின் மூலம் பெற்று கொடுக்கப்பட்டுள்ளது என்றார்.

அண்மையில் நடைபெற்ற பாகிஸ்தான் செனட் சபை தோ்தலில், ஆளும் தெஹ்ரீக்-இ-இன்சாஃப் கட்சியின் வேட்பாளரும், நிதியமைச்சருமான அப்துல் ஹஃபீஸ் ஷேக்கை, பாகிஸ்தான் ஜனநாயக இயக்க வேட்பாளரும் முன்னாள் பிரதமருமான யூசுஃப் ரஸா கிலானி தோல்வியடையச் செய்தார். 

இந்த நிகழ்வு, பிரதமா் இம்ரான் கானுக்கு (Imran Khan) பெரும் பின்னடைவை ஏற்படுத்தியது. இதனால் பிரதமா் பதவி விலக வேண்டும் என்று எதிர்க்கட்சிகள் நெருக்கடி கொடுக்கத் தொடங்கின. 

இதன்காரணமாக தனது அரசு மீது நம்பிக்கை வாக்கெடுப்பு கோர இருப்பதாக தொலைக்காட்சி வழியாக 

நாட்டு மக்களுக்கு உரையாற்றியபோது இம்ரான் கான் அறிவித்திருந்தார். 

 அதன்படி, நேற்று காலை பாகிஸ்தானின் தேசிய அவை கூடியது. இதன்போது நம்பிக்கை வாக்கெடுப்பை புறக்கணித்து எதிர்க்கட்சி கூட்டணிகள் வெளிநடப்பு செய்தன. 342 உறுப்பினர்களைக் கொண்ட தேசிய சபையில் 178 வாக்குகளை பெற்று தனது அரசுக்கு பெரும்பான்மை இருப்பதை இம்ரான் கான் வௌிப்படுத்தி வெற்றிபெற்றுள்ளார்.

Closing date: 15-03-2021. 

See the details below.

Closing date: 22-03-2021 

See the details below.

Closing date: 15-03-2021. 

See the details below.

Closing date: 15-03-2021. 

See the details below.

Closing date: 29-03-2021. 

See the details below.

Source: Sunday Observer.

Closing date: 20-03-2021. 

See the details below.

05-03-2021 அன்று வெளியான அரச வர்த்தமானியை தமிழ், ஆங்கிலம், சிங்களம் ஆகிய மொழிகளில் இங்கு தருகிறோம்.  

Official gazette released on 05-03-2021 (In three languages) 

இதில், 

பல முக்கிய அறிவித்தல்கள் காணப்படுகின்றன. கீழே உள்ள உரிய லிங்கை கிளிக் செய்து உரிய மொழியில் முழுமையாகப் பார்வையிடுக.  

தமிழில் பார்வையிட கீழுள்ள லிங்கை கிளிக் செய்க. 

Click the link below for Tami Gazette. 

ஆங்கிலத்தில் பார்வையிட கீழுள்ள லிங்கை கிளிக் செய்க. 

Click the link below for English Gazette. 

சிங்களத்தில் பார்வையிட கீழுள்ள லிங்கை கிளிக் செய்க. 

Click the link below for Sinhala Gazette.

பல்வேறு வகையான நீண்ட போராட்டத்திற்குப் பின் கொரோனா ஜனாஸாக்கள் இன்றைய தினம் (5) முதன் முறையாக நல்லடக்கம் செய்யப்பட்டுள்ளன. 

ஒன்பது பேரின் சடலங்கள் கிழக்கு மாகாணத்தின் ஓட்டமாவடி சூடுபத்தினசேனை பகுதியில் பலத்த பாதுகாப்புடன், சுகாதார அமைச்சினால் வெளியிடப்பட்ட வழிகாட்டுதலுக்கு அமைய அடக்கம் செய்யப்பட்டுள்ளன. 

அட்டாளைச்சேனை ஒருவர், காத்தான்குடி ஒருவர், அக்கரைப்பற்று ஒருவர், சாய்ந்தமருது மூன்று பேர், 

கோட்டைமுனை ஒருவர், ஏறாவூர் இரண்டு பேருமாக மொத்தம் ஒன்பது பேரின் ஜனாஸாக்களே இவ்வாறு அடக்கம் செய்யப்பட்டன. 

இதேவேளை சடலங்களை அடக்கம் செய்யும் போது, மத அனுஸ்டானங்களை மேற்கொள்ளவும், அனுமதி வழங்கப்பட்டதாக தெரிவிக்கப்பட்டுள்ளது. 

இந்நிலையில் தங்களால்தான் அடக்குவதற்கான அனுமதி கிடைத்தது என பல தரப்பும் விசேடமாக 20ற்கு வாக்களித்த முஸ்லிம் பாராளுமன்ற உறுப்பினர்கள் சிலர்  உரிமை கொண்டாட ஆரம்பித்துள்ளமையை காணக்கூடியதாக இருக்கிறது. 

 ஆனால் கொரோனா தொற்றினால் உயிரிழக்கும் முஸ்லிம்களின் சடலங்களை அடக்கம் செய்ய அனுமதிக்ககோரி கடந்தகாலங்களில் போராட்டங்கள் முன்னெடுக்கபட்டன. பல்வேறு நாடுகள் உட்பட சர்வதேச அமைப்புகளும் தொடர்ந்தும் அழுத்தம் கொடுத்தன. ஜெனிவா வாக்கெடுப்பு நடக்கவிருக்கும் நிலையிலேயே இந்த அறிவிப்பு வெளியாகியது குறிப்பிடத்தக்கது. 

இதேவேளை, கிளிநொச்சி – இரணைத்தீவு பகுதியிலும் சடலங்களை அடக்கம் செய்ய தீர்மானிக்கப்பட்டுள்ள நிலையில், அந்த மக்கள் அதற்கு தொடர்ச்சியாக தமது எதிர்ப்பினை வெளியிட்டு வருவதுடன் இன்று மூன்றாவது நாளாகவும் போராட்டம் மேற்கொள்ளப்பட்டது.

இம்முறை க.பொ.த. (சா/தர) பரீட்சையில் கொவிட் தொற்றுடன் பரீட்சை எழுதும் மாணவர் எண்ணிக்கை 55 ஆக அதிகரித்துள்ளது. 

இவர்களுக்கான சகல வசதிகளும் செய்து கொடுக்கப்பட்டுள்ளதாக பரீட்சைகள் ஆணையாளர் நாயகம் சனத் பூஜித்த தெரிவித்துள்ளார். 

இதேவேளை பரீட்சை மோசடிகளையும், குழறுபடிகளையும் தவிர்க்கும் வகையில் சகல பரீட்சை 

நிலையங்களையும் உள்ளடக்கும் வகையிலான விசேட மேற்பார்வை வேலைத்திட்டம் அமுலாவதாகவும் அவர் மேலும் தெரிவித்தார்.

விவசாய போதனாசிரியர்களுக்கான நியமனக்கடிதங்கள் வழங்கும் நிகழ்வு நேற்று மாலை 4.00 மணிக்கு ஆளுநர் செயலகத்தில் வடமாகாண ஆளுநர் திருமதி பி. எஸ். எம். சாள்ஸ் தலைமையில் இடம்பெற்றது. 

 இந்த நிகழ்வில் பிரதம செயலாளர், வடமாகாண விவசாய அமைச்சின் செயலாளர், விவசாயத்துறையின் மாகாணப் பணிப்பாளர், விவசாயத்துறை அதிகாரிகள் மற்றும் புதிதாக நியமனக்கடிதம் பெறுவோரும் கலந்துகொண்டனர். 

 இங்கு கருத்து தெரிவித்த ஆளுநர் அவர்கள், 'விவசாய அமைச்சில் காணப்படுகின்ற நீண்ட கால வெற்றிடம் இன்று நிரப்பப்படுகின்றது.' எனவும் யாழ் தவிர்ந்த ஏனைய நான்கு 

மாவட்டங்களிலும் விவசாயிகளும் விவசாய நிலங்களும் அதிகமாக உள்ளது எனவும் குறிப்பிட்டார். 

மேலும் இலங்கையில் உற்பத்தி செய்யும் பொருட்களை விட இறக்குமதி செய்யும் பொருட்களின் விலை குறைவாக உள்ளது என்பதை சுட்டிக்காட்டிய கௌரவ ஆளுநர் அவர்கள் அதற்கான காரணமாக விவசாயிகள் கடைப்பிடிக்கும் உற்பத்தி முறைகள் மற்றும் பயிற்செய்கை முறைகள் என்பவற்றை குறிப்பிட்டார். 

 மேலும் விவசாயிகளுக்கு உற்பத்தி செலவை குறைத்து விஞ்ஞான தொழில்நுட்ப உதவிகளுடன் விளைச்சலை அதிகரிக்கும் வழி முறைகளை அவர்களிற்கு கொண்டுசெல்ல வேண்டும் என்பதற்காகவே இம் முறை விவசாய போதனாசிரியர்களாக விவசாய பட்டதாரிகளை உள்வாங்கியுள்ளோம் எனவும் கூறினார். அத்துடன் விவசாய பட்டதாரிகள் பல்கலைக்கழகத்தில் பெற்றுக்கொண்ட அறிவை விவசாயிகளுக்கு சரியாக பரிமாற்றப்படவேண்டும் எனவும் குறிப்பிட்டார். 

மேலும் இந்த அறிவுப்பரிமாற்றத்தின் மாற்றம் அடுத்த வருட விவசாய உற்பத்திகளின் தரவுகளிலே தனித்துத் தெரியவேண்டும் எனவும் ' பழையன கழிதலும் புதிய புகுதலும் எனும் வசனத்திற்கு ஏற்ப புதிய விவசாய உற்பத்தி மற்றும் பயிற்செய்கை முறைகளை நடைமுறைப்படுத்தி விவசாயத்திலும் விவசாயிகளின் வாழ்விலும் ஒரு மாற்றத்தை ஏற்படுத்தவேண்டும் எனவும் குறிப்பிட்டார். மேலும் புதிதாக நியமனம் பெற்றவர்களுக்கு வாழ்த்துக்களை தெரிவித்தார்.

(Source: அரசாங்க தகவல் திணைக்களம்)