கிழக்கு மாகாணத்திற்குரிய வருடாந்த ஆசிரியர் இடமாற்றம் இம்மாதம் 19ஆம் திகதி முதல் நடைமுறைப்படுத்தப்படும் என அறிவிக்கப்பட்டிருந்தாலும் அது தற்போது அடுத்த மாதம் (மே மாதம்) 17ஆம் திகதி வரை பிற்போடப்பட்டுள்ளதாக தெரிவிக்கப்பட்டுள்ளது. 

இது தொடர்பில் மாகாண கல்விப் பணிப்பாளர் எம் டி அப்துல் நிசாம் தெரிவிக்கையில், 

தமிழ் பாடசாலைகளில் இருந்து முஸ்லிம் பாடசாலைகளுக்கு இடமாற்றம் கிடைத்த ஆசிரியர்கள் தற்போது நோன்பு கால விடுமுறை என்பதனால் முஸ்லிம் பாடசாலைகளில் கடமையேற்க முடியாத சூழ்நிலை காணப்படுகிறது. அதேபோல் தமிழ் பாடசாலைகளுக்கு இடமாற்றம் கிடைத்த ஆசிரியர்களுக்கு அவர்களது நோன்பு கால விடுமுறையை அனுபவிக்க முடியாமல் போய்விடும். எனவே இந்த நிலைமைகளை கருத்திற்கொண்டே எதிர்வரும் மே 17ஆம் திகதி முதல் இந்த இடமாற்றங்களை அமல்படுத்த தீர்மானிக்கப்பட்டுள்ளது என்றார்.

16-04-2021 அன்று வெளியான அரச வர்த்தமானியை தமிழ், ஆங்கிலம், சிங்களம் ஆகிய மொழிகளில் இங்கு தருகிறோம். 

Official gazette released on 16-04-2021 (In three languages) 

இதில், 

பல முக்கிய அறிவித்தல்கள் காணப்படுகின்றன. கீழே உள்ள உரிய லிங்கை கிளிக் செய்து உரிய மொழியில் முழுமையாகப் பார்வையிடுக. 

தமிழில் பார்வையிட கீழுள்ள லிங்கை கிளிக் செய்க. 

Click the link below for Tami Gazette. 

ஆங்கிலத்தில் பார்வையிட கீழுள்ள லிங்கை கிளிக் செய்க. 

Click the link below for English Gazette. 

சிங்களத்தில் பார்வையிட கீழுள்ள லிங்கை கிளிக் செய்க. 

Click the link below for Sinhala Gazette.

நாட்டிலுள்ள தேசிய பாடசாலைகளின் எண்ணிக்கையை ஆயிரத்து 170 ஆக அதிகரிப்பதற்கு அரசாங்கம் தீர்மானித்துள்ளது.  

நாடு பூராகவும் தற்போது 373 தேசிய பாடசாலைகள் உள்ளன. இதன் பிரகாரம் புதிதாக 797 தேசிய பாடசாலைகள் அமைக்கப்படவுள்ளன. 

இதன் முதல் வேலைத்திட்டம் எதிர்வரும் 29ம் திகதி சியம்பலாண்டுவ மத்திய மகாவித்தியாலயத்தில் நடைபெறவுள்ளது. இதன்போது முதல் கட்டத்தில் 125 பாடசாலைகள், 

தேசிய பாடசாலைக் கட்டமைப்பில் இணைத்துக் கொள்ளப்படவுள்ளன. 

இந்த வருடம் நிறைவடைவதற்கு முன்னர் தேசிய பாடசாலைகளின் கட்டமைப்பை விரிவுபடுத்துவதற்கு அரசாங்கம் எதிர்பார்த்துள்ளது. 

தேசிய பாடசாலைகளாக தரமுயர்த்தப்படும் சகல பாடசாலைகளுக்கும் 'இணையத்தளம்', 'ஸ்மாட்' வகுப்பறை உள்ளிட்ட வசதிகள் ஏற்படுத்தப்படுமென்று அரசாங்கம் தெரிவித்துள்ளது.

(Source: அரசாங்க தகவல் திணைக்களம்)

தமிழ் சிங்களப் பாடசாலைகள் இரண்டாம் தவணைக்காக நாளை ஆரம்பிக்கப்பட உள்ள நிலையில் கல்வி அமைச்சு விசேட அறிக்கை ஒன்றை வெளியிட்டுள்ளது. 

அதில், கல்வி அமைச்சால் மார்ச் மாதம் வெளியிடப்பட்ட சுற்றறிக்கையை முறையாக பின்பற்றும்படியும் சுகாதாரத் தரப்பின் ஆலோசனைகளை கண்டிப்பாக பின்பற்றுமாறும் கூறப்பட்டுள்ளது. 

உலகம் பூராவும் கொரோனா 3வது அலைக்கான அச்சுறுத்தல் இருக்கும் நிலையிலும் நாட்டில் 

கொரோனா அச்சுறுத்தல் இன்னும் குறையாத நிலையையும் கருத்தில் கொண்டு செயற்படுமாறும் தெரிவிக்கப்பட்டுள்ளது. 

மேலும் ஏற்கனவே வழங்கப்பட்ட வழிகாட்டுதல்களின் படி ஒரு வகுப்பில் 15 மாணவர்களை விட குறைவாக இருப்பின் முழுமையாகவும் 16-30 வரையான மாணவர்கள் இருப்பின் இரு குழுக்களாகவும் 30ற்கு மேற்பட்ட மாணவர்கள் இருப்பின் 3 குழுக்களாகவும் வகுப்புக்களை நடாத்துமாறும் அந்த அறிக்கையில் அறிவுறுத்தப்பட்டுள்ளது.

யாழ்ப்பாண மாவட்டத்திலே கல்வி செயற்பாடுகள் தவிர்ந்த ஏனைய சகல விடயங்களுக்கும் விடுக்கப்பட்ட தற்காலிகத் தடை மேலும் ஒரு வாரத்திற்கு நீடிக்கப்பட்டுள்ளதாக யாழ். மாவட்ட அரசாங்க அதிபர் கே.மகேசன் தெரிவித்தார். 

அந்தவகையில் அரச மற்றும் தனியார் கல்வி நிறுவனங்கள் யாவும் சுகாதார தரப்பினரின் ஆலோசனையின் படி திங்கட்கிழமை (19) முதல் முழுமையாக செயற்பட நடவடிக்கை எடுக்கப்பட்டுள்ளதாக யாழ். மாவட்ட அரசாங்க அதிபர் கூறினார்.

வீட்டுத்தோட்ட பயிர்ச்சைகைகளுக்காக அரிய பழ தாவர கன்றுகளை இலவசமாக வழங்கும் வேலைத்திட்டத்தை பிரதி சபாநாயகர் ரஞ்சித் சியம்பலாபிட்டிய ஆரம்பித்துள்ளார். 

இவ்வாறான பழ கன்றுகளைப் பயிரிடும் போது அதற்குத் தேவையான ஆலோசனைகளை 

05 வருடங்கள் வரைக்கும் இலவசமாக வழங்குவதாகவும் அவர் கூறினார். 

 இலவசமாக வழங்கப்படுகின்ற இந்த பழ கன்றுகளின் உற்பத்தி குறித்து ஒவ்வொரு ஆறு மாதமும் கண்காணிக்கப்படும் என்றும் அவர் மேலும் தெரிவித்தார். 

 இது தொடர்பான மேலதிக தகவல்களை 071 375 62 13 என்ற இலக்கத்துடன் தொடர்புகொண்டு பெற்றுக்கொள்ள முடியும்.

(Source: அரசாங்க தகவல் திணைக்களம்)

ஊடகவியலாளரின் கேள்விக்கு பதில் அளித்த பொது பாதுகாப்பு அமைச்சர் ரியர் அட்மிரல் சரத் வீரசேகர, தடைசெய்யப்பட்ட இஸ்லாமிய அமைப்புகளின் சொத்துக்கள் பறிமுதல் செய்யப்படும் என்று தெரிவித்தார். 

இது தொடர்பில் அவர் மேலும் தெரிவிக்கையில், 

இதுவரை 11 தீவிரவாத அமைப்புகளை முற்றிலுமாக தடை செய்துள்ளோம். அதன் தலைவர்களை அழைத்து வந்து விசாரணைகளை நடத்துகிறோம். அவர்களின் சொத்துக்கள் மற்றும் வங்கிக் கணக்குகள் குறித்த விசாரணை அறிக்கைகளைப் பெற்றதும், அந்த அறிக்கையை சட்டமா அதிபரிடம் சமர்ப்பித்து, அவற்றை அரசுடைமையாக்க நடவடிக்கை எடுக்கப்படும். 

மேலும் அவற்றின் உறுப்பினர்கள் தீவிரவாதத்தையும் பயங்கரவாதத்தையும் பரப்பினால், அவர்கள் மீது சட்ட நடவடிக்கை எடுக்கப்படும் எனவும் அவர் தெரிவித்தார்.

புத்தாண்டு காலப்பகுதியான கடந்த நான்கு தினங்களில் அதிவேக நெடுஞ்சாலைகளில் 13 கோடி 50 இலட்சத்திற்கும் அதிகமான வருமானம் கிடைத்துள்ளது. 

 குறித்த காலப்பகுதியில் ஐந்து இலட்சத்து 15 ஆயிரத்திற்கும் அதிகமான வாகனங்கள் தெற்கு அதிவேக நெடுஞ்சாலையில் பயணித்திருக்கின்றன. எதிர்வரும் சில தினங்களிலும் 

அதிகளவான வருமானம் கிடைக்கும் என்றும் அதிவேக நெடுஞ்சாலை வழிநடத்தல் பிரிவு தெரிவித்துள்ளது. 

 கடந்த வருடத்துடன் ஒப்பிடும் போது இந்த வருடத்தில் தெற்கு அதிவேக நெடுஞ்சாலையில் அதிகளவான வாகனங்கள் பயணித்திருக்கின்றன.

(Source: அரசாங்க தகவல் திணைக்களம்)

சென்னையில் வசித்து வந்த நடிகர் விவேக், மாரடைப்பு காரணமாக நேற்று (16) காலை சென்னை வடபழனியில் அமைந்துள்ள தனியார் மருத்துவமனையொன்றில் அனுமதிக்கப்பட்டிருந்தார். 

அவருக்கு எக்மோ சிகிச்சையும் அளிக்கப்பட்டு வந்த நிலையில், சிகிச்சை பலனின்றி இன்று (17) அதிகாலை 4.35 மணியளவில் உயிரிழந்தார். இறக்கும்போது அவருக்கு வயது 59. 

• 1961ஆம் ஆண்டு கோவில்பட்டியில் பிறந்தார். 
• 1987ல் பாலச்சந்தர் இயக்கத்தில் 'மனதில் உறுதி வேண்டும்' என்ற திரைப்படத்தின் மூலம் அறிமுகமானார். 
• தலைமைச் செயலக ஊழியராகவும் 1986-92 வரை பணியாற்றியுள்ளார். 
• கதாநாயகனாக வெள்ளைப்பூக்கள், நான்தான் பாலா போன்ற படங்களில் நடித்துள்ளார். 
• நகைச்சுவையுடன் இணைத்து சமூகக் கருத்துக்களையும் சொல்லி சின்ன கலைவானர் என்ற பெயரையும் பெற்றார். 
• 2009 ல் பத்ம ஸ்ரீ விருதைப் பெற்றார். 
• சிறந்த நகைச்சுவை நடிகருக்காக மாநில அரசின் விருதை 5 தடவை பெற்றவர். 

• இதுவரை 220-க்கும் அதிகமான திரைப்படங்களில் நடித்துள்ளார். 
• இறுதியாக 2020ல் தாராளப் பிரபு என்ற படத்தில் நடித்திருந்தார். 
• இந்தியன் -2 திரைப்படத்தில் நடிக்கவும் ஒப்பந்தமாகியிருந்தார். 
• மாணவர்களைத் திரட்டி ஒரு கோடிக்கும் அதிகமான மரக்கன்றுகளை நட்டு சமூகப் பணியாற்றி வந்தார். 
• கொரோனா பாதுகாப்பு, பிளாஸ்டிக் இல்லா தமிழகம் போன்ற விழிப்புணர்வு குறும் படங்களிலும் நடித்து சமூகப் பணியாற்றினார். 

மக்களுக்கு விழிப்புணர்வை வழங்குவதற்காக மாரடைப்பு வருவதற்கு முன்னையநாள் தானே முன்வந்து கொரோனா தடுப்பூசியைப் போட்டுக் கொண்டார் என்பதும் குறிப்பிடத்தக்கது. 

சிறந்த ஒரு கலைஞரை சமூக சேவகரை திரையுலகம் இழந்து நிற்கிறது.

சர்வாதிகாரி போல செயற்படுவாரென எதிர்பார்த்தே மக்கள் ஜனாதிபதி கோத்தபாய ராஜபக்சவிற்கு வாக்களித்தனர். ஆனால் இன்று மக்கள் அவரை குற்றம்சாட்டுகின்றனர். அவர் ஹிட்லர் போல செயற்பட்டால் 

யாரும் குறைகூறமாட்டார்கள். ஆனால் ஜனாதிபதி அவ்வாறு செயற்பட விரும்பவில்லை. தற்போதைய நிலைமை மாறாவிட்டால் அது ஜனாதிபதி ஹிட்லராக மாறும் நிலையை உருவாக்கும் என இராஜாங்க அமைச்சர் திலும் அமுனுகம அண்மையில் தெரிவித்திருந்தார். 

இதற்கு பதிலளிக்கும் வகையில் தனது ட்விட்டரில் கருத்தொன்றை பதிவிட்ட இலங்கைக்கான ஜேர்மன் தூதுவர் ஹோல்ஹெர் சூபேர்ட், 

"ஹிட்லர் ஒருவர் இருந்தால் அது இலங்கைக்கு நன்மைபயக்கும் விடயம் என தெரிவிக்கப்படுவதை அறிந்தேன். இவ்வாறான கருத்தை தெரிவிப்பவர்களிற்கு நான் ஒரு விடயத்தை நினைவுபடுத்த விரும்புகின்றேன் – மில்லியன் கணக்கான இறப்புகளுக்கும் கற்பனைக்கு அப்பாற்றபட்ட மனித துயரங்களுக்கும் காரணமானவர் ஹிட்லர். எந்த அரசியல்வாதிக்கும் ஹிட்லர் நிச்சயமாக முன்மாதிரியில்லை" என அவர் தனது ட்விட்டரில் குறிப்பிட்டுள்ளார்.

Closing date: 30-04-2021. 

See the details below.

Closing date: 30-04-2021. 

See the details below.

Vacancy in the Mines Advisory Group (MAG). It is a British NGO. 

Post: Community Liaison Officer  

Deadline: 19-04-2021 04:00PM. 

See the details below.