தனியார் துறை நிறுவனங்களில் கடமையாற்றும் ஊழியர்கள் தனிமைப்படுத்தப்படும் சந்தர்ப்பத்தில் அவர்களுக்கு அக்காலப்பகுதிக்கும் சம்பளத்தை வழங்க வேண்டும் என தொழில் ஆணையாளர் ஜெனரல் பிரபாத் சந்திரகீர்த்தி தெரிவித்துள்ளார். 

இதேவேளை கொரோனா வைரஸ் பரவல் காரணமாக ஊழியர்களைப் பாதுகாப்பதற்குத் தனியார் நிறுவனங்களில் சுகாதாரக் குழுக்களை அமைக்குமாறும் தொழில் திணைக்களம் வேண்டுகோள் விடுத்துள்ளது.

கடந்த வருடம் (2020) நடைபெற்ற க.பொ.த. உயர் தரப் பரீட்சை பெறுபேறுகள் நேற்று (04) வெளியிடப்பட்டன. 

இதில் புதிய பாடத்திட்டத்தின் கீழ் 178,337 மாணவர்களும் பழைய பாடத் திட்டத்தின் கீழ் 15,960 மாணவர்களும் மொத்தமாக 194,297 மாணவர்கள் பல்கலைக் கழகங்களுக்கு விண்ணப்பிக்க தகுதி பெற்றுள்ளனர். 

அந்தவகையில் தேசிய ரீதியில் முதலிடம் பெற்றோர் விபரங்களை இங்கு தருகிறோம். 

1) Arts- சமல்கா செவ்மினி (தெஹிவளை      

     Presbyterian மகளீர் கல்லூரி) 

2) Commerce - அமன்தி மதநாயக்க ( காலி 

     சங்கமித்தா மகளீர் பாடசாலை) 

3)Maths- தனராஜ் சுந்தர்பவன் (சாவகச்சேரி       இந்துக் கல்லூரி ) 

5) B- Tech: சுகிகா சந்தசரா ( ஹொரணை 

     தக்ஷிலா கல்லூரி) 

6) E- Tech: அவிஷ்க சானுக (ஹொரணை 

     தக்ஷிலா கல்லூரி) 

சாதாரண தர பரீட்சை ஆகஸ்ட் மாதத்திலும் உயர்தரப் பரீட்சை டிசம்பர் மாதத்திலும் நடாத்தும் புதிய நடைமுறை இந்த வருடம் அமுல்படுத்தப்படமாட்டாது என கல்வி அமைச்சின் செயலாளர் பேராசிரியர் கபில பெரேரா தெரிவித்துள்ளார்.

இது அடுத்த வருடமோ அல்லது 2023ம் ஆண்டிலிருந்துதான் நடைமுறைப்படுத்தப்படும் என அவர் மேலும் தெரிவித்தார். 

தரம் 10, 11 க்குரிய பாடத்திட்டத்திற்கான கால எல்லையை 1 வருடமும் 9 மாதங்களாக குறைத்து சாதாரண தர பரீட்சை ஆகஸ்ட் மாதத்திலும் உயர்தரப் பரீட்சை டிசம்பர் மாதத்திலும் நடத்த அமைச்சரவையில் தீர்மானம் மேற்கொள்ளப்பட்டுள்ளதாக அமைச்சரவை தீர்மானங்களை அறிவிக்கும் ஊடகவியலாளர் மாநாட்டில் இன்று அறிவிக்கப்பட்டமை குறிப்பிடத்தக்கது.

கடந்த வருடம் (2020) நடைபெற்ற உயர்தர பரீட்சையின் பெறுபேறுகள் தற்போது வெளியிடப்பட்டுள்ளன. 

இதனை பெற்றுக் கொள்ளும் வழிகள் இதோ... 

(01) பரீட்சைத் திணைக்கள இணையத்தளத்தில் பார்வையிட கீழே உள்ள லிங்கை கிளிக் செய்க. (லிங்கை கிளிக் செய்து வருகின்ற பக்கத்தில் பரீட்சையையும் வருடத்தையும் தெரிவுசெய்து சுட்டெண்ணை உள்ளீடு செய்க)

(02) SMS முறையில் பார்வையிட... (EXAMS என Type செய்து சுட்டெண்ணையும் Type செய்து உரிய இலக்கத்திற்கு SMS செய்க)

கொரோனா தொற்று உறுதி செய்யப்பட்டும் இதுவரை சிகிச்சைக்காக அழைத்து செல்லப்படாதவர்ளுக்காக விஷேட தொலைபேசி இலக்கம் ஒன்று அறிமுகப்படுத்தப்பட்டுள்ளது. 

1906 என்ற விஷேட இலக்கத்திற்கு அழைத்து இது தொடர்பில் தெரிவிக்கலாம் என இராணுவ தளபதி ஜெனரல் ஷவேந்திர சில்வா அறிவித்துள்ளார்.

பிரஷஸ்த கவிஷ்யாத் என்ற 13 வயது மாணவன் சிரச தொலைக்காட்சியின் லக்ஷபதி நிகழ்சியில் 1 மில்லியன் (10 இலட்சம்) பரிசை வென்றுள்ளார். 

இவர் கொழும்பு ஆனந்த கல்லூரி மாணவனாவார்.

கொவிட் தொற்றை கருத்திற் கொண்டு நாட்டிலுள்ள சகல இந்து அறநெறிப் பாடசாலைகளையும் மறு அறிவித்தல் வரை மூடுமாறு புத்தசாசன மற்றும் சமய கலாசார விவகார அமைச்சு அறிவித்துள்ளது. 

குறித்த அமைச்சின் இந்து மத விவகாரங்களுக்குப் பொறுப்பான இணைப்பாளரான இராமச்சந்திர குருக்கள் பாபுஷர்மா இதனை உறுதிப்படுத்தினார்.

ஆயுர்வேத வைத்தியசாலைகளிலும் கொரோனா நோயாளர்களை அனுமதித்து சிகிச்சை அளிப்பதற்கு அனுமதி அளிக்கப்பட்டுள்ளது. 

இதற்கான அனுமதியை கொவிட் நோய்க் கட்டுப்பாட்டு அலுவல்கள் இராஜாங்க அமைச்சர் சுதர்ஷனி பெர்னாண்டோபுள்ளே வழங்கியுள்ளதாக இராஜாங்க அமைச்சர் சிசிர ஜயகொடி தெரிவித்துள்ளார்.

தற்போதுள்ள கொரோனா பரவல் நிலைமைகளில் மே 03 - 07 வரையான காலப்பகுதியில் பாடசாலைகளைத் திறப்பது உகந்ததல்ல எனத் தீர்மானிக்கப்பட்டதன் அடிப்படையில் மே 07ம் தேதி வரை பாடசாலைகளை தொடர்ந்து மூட தீர்மானித்ததாக கல்வி அமைச்சர் பேராசிரியர் ஜி. எல். பீரிஸ் தெரிவித்திருந்தார். 

ஆனால் நேற்றைய தினம் சுகாதார பணிப்பாளரினால் வெளியிடப்பட்ட புதிய வழிகாட்டல்களிலே பாடசாலைகள், முன்பள்ளிகள், மேலதிக வகுப்புகள் போன்ற அனைத்தும் மறு அறிவித்தல் வரை மூடப்படும் என தெரிவிக்கப்பட்டிருந்தது. 

இந்த இரண்டு மாறுபட்ட அறிவித்தல்களையும் நோக்கும்போது தற்போதைய நிலையில் மே 7ற்கு பிறகும் பாடசாலைகள் மீள ஆரம்பிக்கப்படும் என்பதில் சந்தேகமே நிலவுகிறது.

ஏப்ரல் மாதத்தில் கொரோனா தொற்றாளர்கள் திடீரென அதிகரித்ததை அடுத்து ஏப்ரல் 29 முதல் துருக்கி முதன்முறையாக முழுமையாக முடக்கப்பட்டுள்ளது. இந்த முடக்கம் மே 17 வரை தொடரும் எனவும் அறிவிக்கப்பட்டுள்ளது. 

அங்கு இதுவரை 4.7 மில்லியனுக்கும் அதிகமான தொற்றாளர்கள் பதிவாகியுள்ளதுடன் 39,000 ற்கும் மேற்பட்ட மரணங்கள் நிகழ்ந்துள்ளன. மரண வீதம் 0.8% ஆகும். 

கடந்த ஆண்டு மாத்திரம் சுற்றுலாத்துறை 70 வீதம் வீழ்ச்சி கண்டுள்ளது. 

எவ்வாறாயினும் அங்குள்ள சிறந்த சுகாதார கட்டமைப்பு காரணமாக நிலைமை இன்னமும் கட்டுப்பாட்டுக்குள் இருப்பதாக தெரிவிக்கப்படுகிறது.

தற்போதைய கொரோனா பரவலுக்கு மத்தியில் அரச ஊழியர்களை சேவைக்கு அழைப்பது தொடர்பான சுற்றுநிருபம் பொது நிர்வாக, மாகாண சபைகள் மற்றும் உள்ளூராட்சி சபைகள் அமைச்சின் செயலாளர் ஜே.ஜே. ரத்தனசிறியினால் நேற்று வெளியிடப்பட்டுள்ளது. 

இதேவேளை ஏற்கனவே வெளியிடப்பட்ட 02/2021 இலக்கம் கொண்ட அரச சேவையை தடையின்றி நடந்து செல்லல் என்ற தலைப்பில் வெளியான சுற்றறிக்கை மறு அறிவித்தல் வரை தற்காலிகமாக இடைநிறுத்தபடுவதாகவும் தெரிவிக்கப்பட்டுள்ளது. 

ஊழியர் ஒருவருக்கு வாரத்துக்கு 02 நாட்கள் என்ற அடிப்படையில் மாதத்திற்கு உயர்ந்த பட்சமாக 08 நாட்கள் வேலைக்கு சமூகமளிக்காதிருக்கலாம். இதனை அவர்களது சொந்த லீவில் கழிக்கக் கூடாது எனவும் புதிய சுற்றறிக்கையில் குறிப்பிடப்பட்டுள்ளது. 

 வேலைக்கு வராத நாட்கள் வீட்டிலிருந்தே இணையம் மூலமாக வேலை செய்ய தயாராக இருக்க வேண்டும். 

தனிமைப்படுத்தல் சட்டத்தை மீறாத ஊழியர் ஒருவர் வேறு காரணங்களுக்காக தனிமைப்படுத்தப்பட்டிருந்தால் குறித்த காலத்தை சம்பளத்துடனான விடுமுறையாக கருத வேண்டும் எனவும் தெரிவிக்கப்பட்டுள்ளது. 

குறித்த சுற்றறிக்கையை கீழே காணலாம்.

உயிர்த்த ஞாயிறு தாக்குதல் தொடர்பில் தான் கைது செய்யப்படுவதை தடுக்குமாறு உத்தரவிடக் கோரி ஐக்கிய மக்கள் சக்தியின் பாராளுமன்ற உறுப்பினர் ஹரின் பெர்னாண்டோ உயர் நீதிமன்றத்தில் அடிப்படை உரிமை மனு தாக்கல் செய்துள்ளார்.

உயிர்த்த ஞாயிறு தாக்குதல் தொடர்பில் வாக்குமூலம் ஒன்றை வழங்க குற்றப் புலனாய்வுத் திணைக்களத்தில் ஆஜராகுமாறு ஹரின் பெர்னாண்டோ அழைப்பு விடுக்கப்பட்டிருந்த நிலையில் இந்த அடிப்படை உரிமை மனு தாக்கல் செய்யப்பட்டுள்ளது.

தற்போது பரவும் கொரோனா வைரஸ் நாட்டில் உள்ள கர்ப்பிணித் தாய்மார்களுக்கு கடுமையான தாக்கத்தை ஏற்படுத்தும் எனவும் விசேடமாக அவர்களின் நுரையீரலுக்கு கடுமையான தாக்கத்தை ஏற்படுத்தும் எனவும் விஷேட வைத்தியர் மயுரமான தெவொலகே தெரிவித்துள்ளார். 

தற்போதைய நிலையில் அதிகளவான கர்ப்பிணித் தாய்மார்கள் தொற்றுக்கு உள்ளாகி வருவதாகவும் அவர் மேலும் தெரிவித்தார்.