தரம் 5 புலமைப்பரிசில் பரீட்சையில் (2020) மாணவர்களின் அடைவுகள் பல்வேறு அடிப்படையில் ஒப்பீடு செய்து பரீட்சைத் திணைக்களத்தால் வெளியிடப்பட்ட அறிக்கையை இங்கு தருகிறோம். 

பல்வேறு அடிப்படையில் பெறுபேறுகள் பகுப்பாய்வு செய்யப்பட்டு, ஒப்பீடு செய்யப்பட்டு புள்ளிவிபர ரீதியாக இதில் தரப்பட்டுள்ளது. 

குறித்த அறிக்கையை முழுமையாகப் பார்வையிட கீழுள்ள லிங்கை கிளிக் செய்க.

அமெரிக்க புலனாய்வு அமைப்புகளிற்கு ஜனாதிபதி ஜோ பைடன் அதிரடி உத்தரவை பிறப்பித்துள்ளார். 

அதாவது கொரோனா வைரஸ் எப்படி உருவானது? வுஹான் ஆய்வுகூடத்திற்கும் இதற்கும் சம்பந்தம் உள்ளதா? என்று கண்டறிந்து அறிக்கை சமர்ப்பிக்குமாறு புலனாய்வு அமைப்புகளுக்கு உத்தரவிட்டுள்ளார். அதுவும் 90 நாட்களுக்குள் 

அறிக்கை சமர்ப்பிக்குமாறு கூறியுள்ளார். இதற்காக தங்களுடைய முயற்சிகளை இரட்டிபாக்கி பணியாற்றுங்கள்," என்று அவர் கேட்டுக் கொண்டுள்ளதாகவும் செய்திகள் தெரிவிக்கின்றன. 

இது தொடர்பாக ஜனாதிபதி ஜோ பைடன் புதன்கிழமை வெளியிட்டுள்ள செய்திக்குறிப்பில், அதிபராக பதவி ஏற்றவுடனேயே இதுதொடர்பாக அறிக்கை கோரியிருந்ததாக கூறப்பட்டுள்ளது. அந்த அறிக்கை தற்போது அவருக்கு அளிக்கப்பட்டதன் பின்னணியிலேயே தற்போது கூடுதலாக விரிவான அறிக்கையை 90 நாட்களுக்குள் அதிபர் கோரியுள்ளார். 

தற்போது வழங்கப்பட்டுள்ள அறிக்கைகளில், சில புலனாய்வு அமைப்புகள் வைரஸானது விலங்கிடம் இருந்து பரவியது என்ற 

நிலைப்பாட்டிலும் இன்னும் சில புலனாய்வு அமைப்புகள் வைரஸானது ஆய்வு கூடத்தில் இருந்து பரவியிருக்கலாம் என்ற நிலைப்பாட்டிலும் உள்ளன. ஆனால் இரண்டிற்கும் உறுதியான ஆதாரங்கள் முன்வைக்கப்படவில்லை. 

எனவேதான் தற்போது மீண்டும் விரிவான விசாரணை ஒன்றுக்கு அதுவும் 90 நாட்களுக்குள் அறிக்கை வேண்டும் என்று ஜனாதிபதி உத்தரவிட்டுள்ளார். 

இந்த விசாரணைகளில் வைரஸிற்கும் ஆய்வுகூடத்திற்கும் தொடர்பு உள்ளது என்று நிரூபிக்கப்பட்டால் அமெரிக்கா - சீனா உறவு மேலும் மோசமடையும் என எதிர்பார்க்கப்படுகிறது.

தடுப்பூசி வரலாற்றிலேயே சீனா புதிய சாதனை ஒன்றை நிகழ்த்தியுள்ளது. 

அதாவது நேற்றைய தினம் (26) 20 மில்லியன் மக்களுக்கு தடுப்பூசி வழங்கப்பட்டதாக தெரிவிக்கப்படுகின்றது. தடுப்பூசி வரலாற்றில் ஒரே நாளில் செலுத்தப்பட்ட அதி கூடிய தடுப்பூசி எண்ணிக்கை இதுவாகும். 

இதேவேளை கடந்த செவ்வாய்க்கிழமை வரை 546 மில்லியனுக்கும் மேற்பட்ட சீன மக்களுக்கு தடுப்பூசிகள் வழங்கப்பட்டுள்ளதாக தெரிவிக்கப்பட்டுள்ளது.

ஜனாதிபதி கோட்டாபய ராஜபக்ஸவினால் அதிவிசேட வர்த்தமானி இன்று வௌியிடப்பட்டுள்ளது. 

அதாவது எவ்வித இடையூறுகளுமின்றி மக்களின் நாளாந்த வாழ்க்கையை முன்னெடுக்கும் நோக்கில் சில துறைகளை அத்தியாவசிய சேவையாக பிரகடனப்படுத்தியே இந்த விசேட வர்த்தமானி வெளியிடப்பட்டுள்ளது. 

துறைமுக அபிவிருத்தி அதிகார சபையின் பணிகள், 

 

சகல விதமான எரிபொருள் விநியோகம்,  

துறைமுகங்களில் உள்ள கப்பல்களுக்குரிய சேவை,  

பொது போக்குவரத்து சேவை, 

 

இலங்கை மத்திய வங்கி உள்ளிட்ட அரச வங்கிகள் மற்றும் காப்புறுதி சேவைகள்,  

உள்ளூராட்சி மன்றங்களினால் மேற்கொள்ளப்படும் கழிவுப் பொருள் முகாமைத்துவ சேவை, 

 

மாவட்ட செயலகம், பிரதேச செயலகம், கிராம சேவையாளர், சமுர்த்தி உத்தியோகத்தர் உட்பட இன்னும் பலரது சேவைகள்... 

 

இது தொடர்பான முழுமையான விவரங்கள் அடங்கிய தமிழ் மொழிமூல வர்த்தமானிக்கு கீழே உள்ள லிங்கை கிளிக் செய்க. 

ஆங்கில மொழிமூல வர்த்தமானிக்கு கீழே உள்ள லிங்கை கிளிக் செய்க 

சிங்கள மொழி மூல வர்த்தமானிக்கு கீழே உள்ள லிங்கை கிளிக் செய்க.

கொரோனா தொற்றின் காரணமாக வீடுகளிலேயே மரணிப்பவர்களின் எண்ணிக்கை நாளாந்தம் அதிகரித்துச் செல்வதாக தெரிவிக்கப்பட்டுள்ளது. 

கடந்த 06 தினங்களில் மாத்திரம் 54 பேர் இவ்வாறு மரணித்துள்ளனர். அதாவது இம்மாதம் 

20 தொடக்கம் 26 ஆம் தேதி வரையான காலப்பகுதியில் மாத்திரம் இந்த எண்ணிக்கை பதிவாகியுள்ளது. அதிலும் கடந்த இரு தினங்களில் (25 & 26) மாத்திரம் 22 பேர் வீடுகளில் மரணித்துள்ளதாக அறிவிக்கப்பட்டுள்ளது. 

இந்த நிலைமை அபாயகரமான நிலைமை என சுட்டிக்காட்டப்பட்டுள்ளது. இலங்கை மற்றுமொரு இந்தியாவாக மாறுமா என்ற அச்சத்தையும் தோற்றுவித்துள்ளது.

Aptitude Test (B.Sc Honours in Sports Science & Management / B. Sc Honours in Physical Education) 

Closing date: 10-06-2021. 

See the details below.

Applications called for online external degrees from Rajarata university of Sri Lanka. 

Closing date: 15-06-2021. 

Click the link below for Application forms and further information: 

See the paper advertisement below.

இங்கிலாந்தில் உள்ள பிரபலமான இஸ்லாமிய தொலைக்காட்சி சேவைகளில் ஒன்றான "இஸ்லாம் சனல் TV" நடத்திய இந்த வருடத்திற்கான (2021) "அல் குர்ஆன் கிராஅத் போட்டி" நிகழ்ச்சித் தொடரில் இலங்கையை பூர்வீகமாகக் கொண்ட 09 வயது மர்யம் ஜெஸீம் வெற்றிவாகை சூடப்பட்டார். 

குறித்த தொலைக்காட்சி இந்த போட்டியை 15 வருடங்களாக தொடராக நடாத்தி வரும் நிலையில் 

 "முதல் தடவையாக கலந்து கொண்ட மர்யம் ஜெஸீம் முதலிடத்தைப் பெற்று 2021 ஆம் ஆண்டின் ஐக்கிய இராஜ்ஜியத்தின் "அதி சிறந்த அல் குர்ஆன் காரியாவாக " மகுடம் சூட்டப்பட்டார். 

6-14 வயதுக்கு இடைப்பட்டவர்களிடையே இந்த போட்டி நடத்தப்பட்டது. 

இச் சிறப்பு மகுடத்தை அதி குறைந்த வயதில் வென்ற, இலங்கையை பூர்வீகமாகக் கொண்ட முதலாவது சிறுமி இவர் என்பதும் குறிப்பிடத்தக்கது.

தேங்காய் எண்ணெய் கொரோனாவைக் குணப்படுத்துமா என்பது தொடர்பில் புதிய ஆய்வு ஒன்று வெளியாகியுள்ளது. 

அதாவது தூய்மையான தேங்காய் எண்ணெயிலுள்ள சேர்மங்கள் கொரோனா அறிகுறி உள்ளவர்களின் உடலில் வைரஸின் அளவை 

60 – 90% வரை குறைக்க முடியும் என பிலிப்பைன்ஸின் அட்டெனியோ டி மணிலா பல்கலைக்கழகத்தின் இரசாயனவியல் பேராசிரியரும் பிலிப்பைன்ஸ் சங்கத்தின் ஒருங்கிணைந்த இரசாயனவியலாளர்கள் சங்கத்தின் தலைவருமான ஃபேபியன் டெரிட் கூறியுள்ளார். 

எனினும் லேசான அறிகுறிகளைக் உள்ள நோயாளிகளுக்கு மட்டுமே இதைச் செய்ய முடியும். 

கொரோனா சிகிச்சை நிலையம் மற்றும் பொது வைத்தியசாலையில் 57 நோயாளிகளிடம் மேற்கொண்ட ஆய்வில் இந்த விடயம் உறுதியாகியுள்ளது எனவும் அவர் தெரிவித்தார். 

இதேவேளை சுத்தமான தேங்காய் எண்ணெயை எவ்வாறு பாவிக்க வேண்டும் என்றும் கூறினார். அதாவது ஒரு நாளைக்கு மூன்று முறை உணவுக்குப் பின் 02 தேக்கரண்டி சுத்தமான எண்ணையை எடுக்க வேண்டும் என்றார். 

எவ்வாறாயினும் இந்த அளவு தற்போதைய நிலையில் பரிந்துரைக்கப்பட்டாலும் அது தொடர்பில் ஆராய்ச்சிகள் தொடர்வதாகவும் அவர் மேலும் தெரிவித்தார்.

ஊடகவியலாளர்களுக்கு கொரோனா தடுப்பூசி வழங்க ஊடகத்துறை அமைச்சும் தகவல் திணைக்களமும் நடவடிக்கை எடுத்து வருவதாக அரசாங்க தகவல் திணைக்கள பணிப்பாளர் மொஹான் சமரநாயக்க தெரிவித்தார். 

இந்த தடுப்பூசி மாவட்ட மட்டத்தில் வழங்கப்படும். கொழும்பு மற்றும் அதனைச் சூழவுள்ள பத்திரிகையாளர்களுக்கான தடுப்பூசிகள் ஸ்ரீ ஜயவர்தனபுர மருத்துவமனையில் ஏற்கனவே வழங்கப்பட்டதாவும் அவர் மேலும் தெரிவித்தார். 

இதேவேளை ஊடகவியலாளர் ஒருவரின் கேள்விக்கு பதிலளித்த இணை அமைச்சரவை பேச்சாளர் அமைச்சர் ரமேஷ் பதிரன, ஊடகவியலாளர்களுக்காக தனியான ஒரு தனிமைப்படுத்தப்பட்ட நிலையத்தை நிறுவ பாதுகாப்பு அமைச்சுடன் கலந்தாலோசித்து நடவடிக்கை எடுக்கப்படும் என தெரிவித்தார்

அமெரிக்க இராஜாங்க திணைக்களத்தால் பாதுகாப்பு தொடர்பில் 4ம் நிலை தரத்தின் கீழ் இலங்கை தரப்படுத்தப்பட்டுள்ளமை பொதுவான விடயம் எனவும் நாட்டில் மற்றுமொரு பயங்கரவாத தாக்குதல் நடத்தப்படலாம் என பரவுகின்ற தகவல் முற்றிலும் உண்மைக்கு புறம்பானது எனவும் பாதுகாப்பு செயலாளர் ஓய்வுபெற்ற ஜெனரல் கமல் குணரத்ன தெரிவித்துள்ளார். 

தேசிய பாதுகாப்பு தொடர்பில் மக்கள் தேவையற்ற விதத்தில் அச்சம் கொள்ளத் தேவையில்லை. பாதுகாப்பு அமைச்சு, முப்படையினர் மற்றும் ஏனைய பாதுகாப்பு தரப்பினர் மூலம் நாட்டின் தேசிய பாதுகாப்பு உறுதி செய்யப்பட்டுள்ளது எனவும் அவர் மேலும் தெரிவித்தார்.

இலங்கைக்கு வரும் பயணிகள் விமான சேவை எதிர்வரும் ஜூன் 1ம் திகதி முதல் ஆரம்பிக்கப்படவுள்ளதாக அறிவிக்கப்பட்டுள்ளது. 

ஆனால் ஒரு விமானத்தில் ஆக கூடுதலாக 75 பயணிகளையே அழைத்து வரலாம். 

எவ்வாறாயினும், 14 நாட்கள் இந்தியாவில் தங்கியிருக்கும் பயணிகளுக்கு தொடர்ந்தும் பயணத்தடை அமுலில் இருக்கும். 

இதேவேளை இலங்கைக்கு வரும் வௌிநாட்டு சுற்றுலாப் பயணிகள், சுற்றுலா அதிகார சபைக்கு அறிவிக்க வேண்டும் என்பதோடு இலங்கை கடவுச் சீட்டினை கொண்டுள்ளவர்களும் இரட்டை பிரஜாவுரிமை உள்ளவர்களும் தாயகம் திரும்புவதற்கு அனுமதி பெற வேண்டிய அவசியமில்லை என சிவில் விமான சேவைகள் அதிகார சபை தெரிவித்துள்ளது.  

இலங்கையின் 48 ஆவது சட்டமா அதிபராக ஜனாதிபதி சட்டத்தரணி சஞ்சய் ராஜரத்னம் இன்று ஜனாதிபதி கோட்டாபய ராஜபக்ஷ முன்னிலையில் பதவிப்பிரமாணம் செய்து கொண்டுள்ளார். 

ஜனாதிபதி செயலகத்தில் இந்த நிகழ்வு நடைபெற்றது. 

இவர் சட்டமா அதிபர் திணைக்களத்தில் 34 ஆண்டுகளாக சேவையாற்றியுள்ளார் என்பது குறிப்பிடத்தக்கது. 

இவர் திருகோணமலையை பூர்வீகமாகக் கொண்ட முடிக்குரிய வழக்கறிஞரான D.ராஜரட்ணத்தின் பேரனும் சிரேஷ்ட சட்டத்தரணி சிவா ராஜரட்ணத்தின் புதல்வருமாவார்.