Irumbuthirai News

மக்ரோன் ஒழிக! கன்னத்தில் அறை வாங்கிய ஜனாதிபதி:

irumbuthirai June 09, 2021

பிரான்சின் தென்கிழக்கு பகுதிக்கு உத்தியோகபூர்வ விஜயமொன்றை மேற்கொண்டிருந்த பிரான்ஸ் ஜனாதிபதி இமானுவல் மக்ரோனின் முகத்தில் நபர் ஒருவர் ஓங்கி அறைந்துள்ளார்.

இதனை சற்றும் எதிர்பாராத பாதுகாப்பு அதிகாரிகள் உடனே சுதாரித்துக்கொண்டு ஜனாதிபதியை பாதுகாப்பாக அழைத்துச் சென்றுள்ளனர்.

பச்சை நிறடீசேர்ட் அணிந்த அந்த நபர் "மக்ரோன் ஒழிக" என்று சத்தமிட்டு கொண்டு அறைந்துள்ளார். இது தொடர்பில் இருவரை போலீசார் கைது செய்துள்ளனர்.

இந்த சம்பவம் உலகம் பூராவும் அதிர்வலைகளை ஏற்படுத்தியுள்ளது.

மக்ரோன் ஒழிக! கன்னத்தில் அறை வாங்கிய ஜனாதிபதி:

Reviewed by irumbuthirai on June 09, 2021 Rating: 5

உதயமானது புதிய பல்கலைக்கழகம்! ஆகஸ்ட் 1 முதல் புதிய பெயர்!

irumbuthirai June 09, 2021

இலங்கையில் மற்றுமொரு புதிய பல்கலைக்கழகம் உதயமாகியுள்ளது. கல்வி அமைச்சர் ஜி எல் பீரிஸ் இன் கையொப்பத்துடன் இதற்கான அதிவிசேட வர்த்தமானி நேற்று வெளியிடப்பட்டுள்ளது.

அதாவது யாழ்ப்பாண பல்கலைக்கழகத்தின் வவுனியா வளாகம், ‘இலங்கை வவுனியா பல்கலைக்கழகம்’ என அதிவிசேட வர்த்தமானி அறிவித்தல் மூலம் பிரகடனப்படுத்தப்பட்டுள்ளது.

உள்நாட்டு மூலவள அடிப்படையினுள் விழுமியத்தை உருவாக்குதல் பற்றி மாணவர்களுக்குக் கல்வி புகட்டுவதன்மீது, இந்தப் பல்கலைக்கழகம் கூடுதலான அழுத்தத்தைக் கொண்டிருத்தல் வேண்டும் என்று அந்த வர்த்தமானியில் சுட்டிக்காட்டப்பட்டுள்ளது.

இதேவேளை யாழ்ப்பாண பல்கலைக்கழக வவுனியா வளாகம் என்ற தற்போதைய பெயர், எதிர்வரும்

யூலை மாதம் 31 ஆம் திகதியுடன் நீக்கப்பட்டு, ஓகஸ்ட் மாதம் 1ம் திகதி முதல், இலங்கை வவுனியா பல்கலைக்கழகம் என்ற பெயர் அமுலாகும் என வர்த்தமானியில் குறிப்பிப்படப்பட்டுள்ளது.

உதயமானது புதிய பல்கலைக்கழகம்! ஆகஸ்ட் 1 முதல் புதிய பெயர்!

Reviewed by irumbuthirai on June 09, 2021 Rating: 5

இன்று ஆரம்பமானது கர்ப்பிணிகளுக்கான தடுப்பூசி திட்டம்!

irumbuthirai June 09, 2021

கர்ப்பிணிகளுக்காக கொரோனா தடுப்பூசி வழங்கும் வேலைத்திட்டம் இன்று பிலியந்தலை சுகாதார வைத்திய அதிகாரி அலுவலகத்தில் ஆரம்பிக்கப்பட்டுள்ளது.

தற்போது 2 லட்சத்து 76 ஆயிரம் கர்ப்பிணி தாய்மார்கள் நாடு முழுவதிலும் உள்ளனர். அவர்களுக்கான தடுப்பூசி படிப்படியாக வழங்கப்படும் என தெரிவிக்கப்பட்டுள்ளது.

இன்று ஆரம்பமானது கர்ப்பிணிகளுக்கான தடுப்பூசி திட்டம்!

Reviewed by irumbuthirai on June 09, 2021 Rating: 5

விசித்திரமான பயணத்தடை இது!

irumbuthirai June 09, 2021

நாட்டில் பயணத்தடை விதிக்கப்படுவதாக புதிய சொல்லொன்று பாவிக்கப்படுகிறது. இது முடக்கமும் அல்ல, இதுவொரு ஊரடங்கு சட்டமும் அல்ல. செல்வாக்குள்ளவர்கள் பயணம் செய்யக் கூடிய வகையில் தான் அந்த பயணத்தடை விதிக்கப்பட்டிருக்கிறது என நாடாளுமன்ற உறுப்பினர் சிறீதரன் சுட்டிக்காட்டியுள்ளார்.

நாடாளுமன்றில் நேற்றைய தினம் கருத்து தெரிவிக்கும் போதே அவர் இந்த விடயத்தை கூறியுள்ளார்.

ஒரு பக்கம் மண்சரிவு, மழை வெள்ளம். அதிலே மக்கள் இறந்திருக்கிறார்கள். பல்லாயிரக்கணக்கான மக்கள் இடம்பெயர்ந்திருக்கிறார்கள். இன்னொரு புறத்தில் நாட்டில் வாழும் மக்கள் முடக்கப்பட்டிருக்கிறார்கள். ஆனால் அவர்களுக்கான உணவு மற்றும் அவர்கள் வாழ்வதற்கான வசதிகள் எதுவும் செய்யப்படாத சூழல் நிலவுகிறது என அவர் மேலும் தெரிவித்தார்.

விசித்திரமான பயணத்தடை இது!

Reviewed by irumbuthirai on June 09, 2021 Rating: 5

ரணில் வருகின்றார்: ஐக்கிய மக்கள்சக்தி இரண்டாகும்:

irumbuthirai June 09, 2021

ரணில் விக்கிரமசிங்க எதிர்வரும் வாரம் நாடாளுமன்ற உறுப்பினராக பதவியேற்கவுள்ளதை தொடர்ந்து ஐக்கிய மக்கள் சக்தி இரண்டாக உடையும், ஐக்கிய மக்கள்சக்தியின் பல நாடாளுமன்ற உறுப்பினர்கள் அவரை சந்தித்துள்ளனர் என அமைச்சர் மகிந்தானந்த அளுத்கமகே தெரிவித்துள்ளார்.

அதைத் தொடர்ந்து ரணில் விக்கிரமசிங்கவே எதிர்கட்சி தலைவராக மாறுவார் எனவும் அமைச்சர் மேலும் தெரிவித்துள்ளார்.

ரணில் வருகின்றார்: ஐக்கிய மக்கள்சக்தி இரண்டாகும்:

Reviewed by irumbuthirai on June 09, 2021 Rating: 5

ஐ.நா பொதுச்சபை: தலைவரானார் அப்துல்லா ஷாஹிட்!

irumbuthirai June 09, 2021

76 ஆவது ஐ.நா பொதுச்சபையின் தலைவராக மாலைதீவுகளின் வௌியுறவுத்துறை அமைச்சர் அப்துல்லா ஷாஹிட், 143 வாக்குகளை பெற்று தெரிவு செய்யப்பட்டுள்ளார்.

193 உறுப்பினர்களை கொண்ட ஐ.நா பொதுச்சபையில் தலைவர் தெரிவுக்காக நடத்தப்பட்ட வாக்கெடுப்பிலேயே அவர் இவ்வாறு தெரிவு செய்யப்பட்டுள்ளார்.

ஐ.நா பொதுச்சபை: தலைவரானார் அப்துல்லா ஷாஹிட்!

Reviewed by irumbuthirai on June 09, 2021 Rating: 5

தடுப்பூசி ஏற்றிய பின்னரும் கொரோனா தொற்று ஏற்பட்டால் என்ன நடக்கும்? ஆய்வில் வெளியான தகவல்!

irumbuthirai June 09, 2021

தடுப்பூசி ஏற்றிக் கொண்ட பின்னரும் கொரோனா தொற்று வந்தால் எத்தகைய பாதிப்பு ஏற்படும் என இந்தியாவின் பிரபல எய்ம்ஸ் வைத்தியசாலை ஆய்வு நடத்தியது.

2 டோஸ் தடுப்பூசி போட்டுக் கொண்டு கொரோனா வந்த 36 நோயாளிகளும், ஒரு டோஸ் போட்டு தொற்று பாதிப்புக்குள்ளான 27 பேரும் என 63 பேர் ஆய்வுக்கு உட்படுத்தப்பட்டனர்.

ஆய்வுக்கு உட்படுத்தப்பட்ட இவர்களில் யாருமே நீரிழிவு, உயர் இரத்த அழுத்த அழுத்தம் உள்ளிட்ட நோய் இல்லாதவர்கள்.

தொற்று ஏற்பட்டு மற்ற நோயாளிகளைப் போலவே ஆஸ்பத்திரியில் சேர்க்கும் நிலை இவர்களுக்கும் ஏற்பட்டுள்ளது. ஆனால் யாருக்கும் மரணம் நேரவில்லை.

எனவே தடுப்பூசி ஏற்றிக் கொண்ட பின்னரும் கொரோனா தொற்று வந்தால் உயிரிழப்பு நேராது என்று இந்த ஆய்விலிருந்து கண்டறியப்பட்டுள்ளது.

தடுப்பூசி ஏற்றிய பின்னரும் கொரோனா தொற்று ஏற்பட்டால் என்ன நடக்கும்? ஆய்வில் வெளியான தகவல்!

Reviewed by irumbuthirai on June 09, 2021 Rating: 5

07-06-2021 அன்று நடைபெற்ற அமைச்சரவைக் கூட்ட தீர்மானங்கள்

irumbuthirai June 08, 2021

07-06-2021 அன்று நடைபெற்ற அமைச்சரவைக் கூட்டத்தின் போது மேற்கொள்ளப்பட்ட தீர்மானங்களை (Cabinet Decisions) இங்கு தருகிறோம்.

இதில்,

பல முக்கிய தீர்மானங்கள் அடங்கியுள்ளன.

இதன் முழு வடிவத்தைப் பெற கீழுள்ள லிங்கை கிளிக் செய்க.

Cabinet decision

கடந்த வார அமைச்சரவை கூட்ட தீர்மானங்களுக்கு செல்ல கீழே உள்ள லிங்கை கிளிக் செய்க:

31-05-2021 அன்று நடைபெற்ற அமைச்சரவைக் கூட்ட தீர்மானங்கள்

Join our Telegram Channel:

https://t.me/irumbuthirainews

07-06-2021 அன்று நடைபெற்ற அமைச்சரவைக் கூட்ட தீர்மானங்கள்

Reviewed by irumbuthirai on June 08, 2021 Rating: 5

பொலிஸ் ஊடகப்பிரிவு விடுத்துள்ள எச்சரிக்கை!

irumbuthirai June 08, 2021

பலர் சமூக வலைத்தளங்களை பயன்படுத்தி உண்மைக்கு புறம்பான தகவல்களை பரப்பி வருவதாக குறிப்பிட்ட பொலிஸ் ஊடகப்பிரிவு இவ்வாறான செயல் பிடியாணை இன்றி கைது செய்யப்படக்கூடியதொரு குற்றமாகும் என தெரிவித்துள்ளது.

அறிக்கை ஒன்றை வெளியிட்டே பொலிஸ் ஊடகப் பிரிவு இவ்வாறு தெரிவித்துள்ளது.

இது போன்ற போலியான தகவல்கள் பொதுமக்கள் மத்தியில் தேவையற்ற அச்சத்தையும், கொரோனா பரவலை தடுப்பதற்கான வேலைத் திட்டங்களுக்கு இடையூறாகவும் அமைவதாக அந்த அறிக்கையில் மேலும் தெரிவிக்கப்பட்டுள்ளது.

பொலிஸ் ஊடகப்பிரிவு விடுத்துள்ள எச்சரிக்கை!

Reviewed by irumbuthirai on June 08, 2021 Rating: 5

தரம் 1 ற்கான அனுமதி: நீடிக்கப்பட்டது விண்ணப்ப முடிவு திகதி:

irumbuthirai June 08, 2021

2022 ம் வருடத்திற்காக தரம் - 01ற்கு மாணவர்களை அனுமதிப்பதற்கான விண்ணப்ப முடிவுத் திகதி இந்த மாதம் (ஜூன்) 30ஆம் திகதி ஏற்கனவே குறிப்பிடப்பட்டிருந்தது.

அந்த விண்ணப்ப முடிவுத் திகதி மேலும் ஒரு மாதத்தால் நீடிக்கப்படுவதாக கல்வியமைச்சின் செயலாளர் பேராசிரியர் கபில பெரேரா தெரிவித்துள்ளார்.

இன்று நடைபெற்ற ஊடகவியலாளர் சந்திப்பின் போதே அவர் இவ்வாறு தெரிவித்துள்ளார்.

தற்போது நிலவுகின்ற கொரோனா பரவல் மற்றும் பயணத் தடை காரணமாக பெற்றோர்களுக்கு இதில் உள்ள சிரமங்களை கருத்திற்கொண்டு இந்த தீர்மானம் எடுக்கப்பட்டதாக அவர் மேலும் தெரிவித்தார்.

தரம் 1 ற்கான அனுமதி: நீடிக்கப்பட்டது விண்ணப்ப முடிவு திகதி:

Reviewed by irumbuthirai on June 08, 2021 Rating: 5

அரசுடமையாக்கப்பட்ட பொருட்கள் மூலம் மக்களுக்கு சலுகை: அரசாங்கத்தின் புதிய முயற்சி:

irumbuthirai June 08, 2021

பொதுமக்களுக்கு தேவையான அத்தியாவசிய பொருட்களை குறைந்த விலையில் தடையின்றி வழங்க அரசாங்கம் புதுவகையான முயற்சியை மேற்கொண்டுள்ளது.

இதுதொடர்பாக அமைச்சரவை கூட்டத்தில் எடுக்கப்பட்ட தீர்மானத்தை கீழே தருகிறோம்.

தற்போது நிலவும் கொரோனா தொற்று நிலைமையால் பொதுமக்களுக்கு அத்தியாவசியப் பொருட்களை சலுகை விலையில் பற்றாக்குறையின்றி விநியோகிக்கும் பொறிமுறையொன்று தற்போது லங்கா சதொச (Lanka Sathosa) நிறுவனம் நடைமுறைப்படுத்தி வருகின்றது.
குறித்த பொறிமுறையை தொடர்ந்தும் மேற்கொண்டு செல்வதற்கு இயலுமான வகையில் இலங்கை துறைமுக அதிகாரசபை மற்றும் இலங்கை சுங்கத்தால் அரச உடமையாக்கப்பட்ட அத்தியாவசிய உணவுப் பொருட்களை லங்கா சதொச நிறுவனத்திற்கு பெற்றுக் கொடுப்பதற்குத் தேவையான நடவடிக்கைகளை மேற்கொள்வதற்காக வர்த்தக அமைச்சரும் துறைமுகங்கள் கப்பல்துறை அமைச்சர் அவர்களும் சமர்ப்பித்த கூட்டாக சமர்ப்பித்த யோசனைக்கு அமைச்சரவை அங்கீகாரம் வழங்கியுள்ளது.

எனவே அந்த வகையில் அரசுடமையாக்கப்பட்ட பொருட்களை சதொச மூலம் இவ்வாறு குறைந்த விலையில் பெற்றுக் கொள்ளக்கூடிய வாய்ப்பு பொதுமக்களுக்கு கிடைத்திருக்கிறது.

அரசுடமையாக்கப்பட்ட பொருட்கள் மூலம் மக்களுக்கு சலுகை: அரசாங்கத்தின் புதிய முயற்சி:

Reviewed by irumbuthirai on June 08, 2021 Rating: 5

இணையவழிக் கல்விக்காக மலையேறும் மாணவர்கள்:

irumbuthirai June 08, 2021

நாட்டில் தற்போது காணப்படும் கொரோனா பரவல் காரணமாக பாடசாலைகள் கால வரையறையின்றி மூடப்பட்டுள்ளமையால் மாணவர்களின் கல்வி நடவடிக்கைகளுக்காக ஒருபக்கம் அரசாங்கம் மாணவர்களுக்கு வளவாளர்களைக் கொண்டு தொலைக்காட்சி ஊடாக பாடங்களை நடாத்துகின்றது.

இன்னொருபுறம் ஆசிரியர்களினால் அதிகளவில் இணையவழி ஊடாக கல்வி நடவடிக்கைகள் முன்னெடுக்கப்பட்டு வருகின்றன. முன்பள்ளி முதல் உயர்தரம் வரை சகல கற்பித்தல் நடவடிக்கைகளும் இணையவழி ஊடாகவும் நடைபெறுகின்றன.

இணையவழி மூலம் கற்பதில் மாணவர்கள் பெரும் சிரமங்களை

எதிர்நோக்கி வருவதாக அவ்வப்போது பல செய்திகள் வெளிவந்த வண்ணம் இருக்கின்றன.

அந்தவகையில் கேகாலை மாவட்டத்தில் தெஹியோவிட்ட பிரதேச செயலகத்திற்கு உட்பட்ட முருத்தெட்டுவ, யோகம உட்பட 06 கிராமங்களை சேர்ந்தவர்களுக்கு இணைய வசதியை பெற்றுக்கொள்ளக்கூடிய வலையமைப்பு வசதிகள் இன்மையால் தமது இருப்பிடத்திலிருந்து உயர்ந்த இறப்பர் மலைப்பிரதேசங்களுக்கு சென்று இணைய வழியில் கல்வியை தொடர்கின்றனர்.

இதற்காக இவர்கள் காட்டுவழியின் ஊடாகவே பயணிக்கவேண்டும். தற்பொழுது தொடர்ந்து மழை பெய்துவருவதால் மலை உச்சியில் கூடாரம் அமைத்து கல்வி கற்கும் நிலைக்கு தள்ளப்பட்டுள்ளனர். இதன் காரணமாக மாணவர்களும் பெற்றோர்களும் பல பிரச்சினைகளுக்கு முகங்கொடுப்பதாக தெரிவிக்கப்பட்டுள்ளது.

இணையவழிக் கல்விக்காக மலையேறும் மாணவர்கள்:

Reviewed by irumbuthirai on June 08, 2021 Rating: 5

தரம்: 5 புலமைப்பரிசில் பரீட்சை (ஆங்கிலம்)

irumbuthirai June 08, 2021

தரம் 5 புலமைப்பரிசில் பரீட்சைக்குரிய ஆங்கிலம் என்ற பாடத்தை இங்கு தருகிறோம்.

இதில்,

Meaning of words - 1,2.
Meaning of sentences
Read the poster
Picture description - 1,2,3,4
Let's learn "There is / There are"
what is it famous for?
Festivals
Present Tense & Past Tense
Foods
Sports
Let's Make Words
Read sentences
Check Spellings
What are they doing?
Who are we?
Let's Make Sentences போன்ற பாட உள்ளடக்கங்கள் காணப்படுகின்றன.