வருமானம் இல்லாத காரணத்தினால் தெஹிவலை மிருக காட்சிசாலை உட்பட சகல உயிரியல் பூங்காக்களும் பாரிய சிக்கலில் இருப்பதாக அமைச்சர் விமலவீர திஸாநாயக்க தெரிவித்துள்ளார். 

எனவே எதிர்வரும் திங்கட்கிழமை முதல் உயிரியல் பூங்காக்களை திறக்கவுள்ளதாகவும் தடுப்பூசி செலுத்திக் கொண்வர்களுக்கு மாத்திரமே பார்ப்பதற்கு உள் நுழைய முடியும் எனவும் அவர் மேலும் தெரிவித்துள்ளார்.

2022 ஆம் ஆண்டு முதலாம் தரத்திற்கு மாணவர்களை இணைத்துக் கொள்வதற்கான விண்ணப்ப முடிவுத் திகதி ஏற்கனவே அறிவித்ததன்படி இம்மாதம் 31 என இருந்தது.

அது தற்போது ஆகஸ்ட் 7 ஆம் திகதி வரை நீடிக்கப்பட்டுள்ளதாக கல்வி அமைச்சு அறிவித்துள்ளது.

இவ்வருடம் (2021) நடைபெறவுள்ள உயர்தர பரீட்சை மற்றும் புலமைப்பரிசில் பரீட்சை என்பவற்றுக்கான புதிய திகதிகள் மீண்டும் கல்வி அமைச்சரால் அறிவிக்கப்பட்டுள்ளன.  

அந்த வகையில் புலமைப் பரிசில் பரீட்சை நவம்பர் 14 ஆம் திகதியும் உயர்தர பரீட்சை நவம்பர் 15 ஆம் திகதி முதல் டிசம்பர் 15 ஆம் திகதி வரையும் நடைபெறவுள்ளதாக கல்வி அமைச்சர் பேராசிரியர் ஜி.எல்.பீரிஸ் அறிவித்துள்ளார்.

கொத்தலாவல பாதுகாப்பு பல்கலைக்கழக உத்தேச சட்டமூலம் நாட்டின் இலவச கல்விக்கும் அதன் இருப்புக்கும் பேரழிவை ஏற்படுத்தும். எனவே இந்த சட்ட மூலத்தை உடனடியாக மீள பெறுமாறு ஜனாதிபதியிடம் கோருவதாகவும் எதிர்க்கட்சித் தலைவர் சஜித் பிரேமதாச தெரிவித்துள்ளார். 

அரசாங்கம் தான்றோன்றித்தனமாக இந்த சட்டத்தை நிறைவேற்றிக்கொள்ள முயற்சித்தால் மகா சங்கத்தினர் பல்கலைக்கழக சமூகம், சிவில் அமைப்புகள், ஏனைய அரசியல் கட்சிகள் மற்றும் பொதுமக்களை ஒன்றுதிரட்டி அந்த முயற்சியை தோற்கடிக்க ஐக்கிய மக்கள் சக்தி திடசங்கற்பத்துடன் செயற்படும் எனவும் அவர் தெரிவித்தார்.

தெஹிவலை மிருகக்காட்சிசாலையில் இரு ஒரங்குட்டான் குரங்குகள் மற்றும் இரு சிம்பன்சி குரங்குகள் என நான்கு விலங்குகளுக்கு புதிதாக கொரோனா பாதிப்பு ஏற்பட்டுள்ளதாக இராஜாங்க அமைச்சர் விமலவீர திஸாநாயக்க தெரிவித்துள்ளார். 

இது தொடர்பில் தொடர்ந்து விசாரணைகள் முன்னெடுக்கப்பட்டு வருவதாகவும் அவர் தெரிவித்துள்ளார்.

அரச ஊடக நிறுவனங்களில் ஒன்றான வரையறுக்கப்பட்ட சுயாதீன தொலைக்காட்சி அலைவரிசைக்குச் (Independent Television Network Ltd) சொந்தமான தொலைக்காட்சி மற்றும் வானொலி அலைவரிசைகளில் சில பதவிகளுக்கான விண்ணப்பங்கள் கோரப்பட்டுள்ளன. 

Vasantham TV, Vasantham FM அலைவரிசைக்கான சந்தைப்படுத்தல் முகாமையாளர் பதவி உட்பட வேறு அலைவரிசைக்கான பதவிகளும் காணப்படுகின்றன. 

விண்ணப்ப முடிவு திகதி: 28-07-2021.

முழுமையான விபரங்களை கீழே காணலாம்...

Vacancies (State Printing Corporation / அரச அச்சக கூட்டுத்தாபனம்) 

Closing date: 26-07-2021. 

See the details below.

Source: Sunday Observer.

Vacancies (National Water Supply & Drainage Board) 

தேசிய நீர்வழங்கல் வடிகாலமைப்பு சபையில் பதவி வெற்றிடங்கள். 

Closing date: 26-07-2021.

துமிந்த சில்வாவை தேசிய வீடமைப்பு அதிகாரசபையின் தலைவராக ஜனாதிபதி கோத்தபாய ராஜபக்ச நியமிக்கவுள்ளதாக தகவல்கள் வெளியாகி உள்ளன. 

ஜனாதிபதி செயலகத்தின் சிரேஸ்ட அதிகாரிகள் இந்த விடயத்தை உறுதி செய்துள்ளதாகவும் நம்பகமான தகவல்கள் தெரிவிக்கின்றன.

16-07-2021 அன்று வெளியான அரச வர்த்தமானியை தமிழ், சிங்களம், ஆங்கிலம் ஆகிய மொழிகளில் இங்கு தருகிறோம். 

Official Gazette released on 16-07-2021 (in three languages)

இதில், 

பல முக்கிய அறிவித்தல்கள் காணப்படுகின்றன. கீழே உள்ள உரிய லிங்கை கிளிக் செய்து உரிய மொழியில் முழுமையாக பார்வையிடுக. 

தமிழில் பார்வையிட கீழே உள்ள லிங்கை கிளிக் செய்க. 

ஆங்கிலத்தில் பார்வையிட கீழே உள்ள லிங்கை கிளிக் செய்க. 

சிங்களத்தில் பார்வையிட கீழே உள்ள லிங்கை கிளிக் செய்க.

இதற்கு முன்னர் வந்த வர்த்தமானிகளை பார்வையிட இந்த லிங்கை கிளிக் செய்க:

https://www.irumbuthirainews.com/search/label/Gazzette?&max-results=7&m=1 

ஐக்கிய தேசியக் கட்சித் தலைவர் ரணில் விக்கிரமசிங்கவுக்கும் ஐக்கிய மக்கள் சக்தி தலைவரும் எதிர்க் கட்சித் தலைவருமான சஜித் பிரேமதாசவிற்குமிடையில் விரைவில் சந்திப்பொன்று இடம்பெறவுள்ளதாக தமிழ் முற்போக்கு கூட்டணியின் பிரதித் தலைவர் பழனி திகாம்பரம் தெரிவித்துள்ளார். 

தனியார் வானொலி நிகழ்ச்சி ஒன்றின் போதே அவர் இவ்வாறு தெரிவித்துள்ளார். 

இதற்கான ஏற்பாடுகளை 

முன்னாள் சபாநாயகர் கரு ஜயசூரிய செய்து வருவதாகவும் அவர் மேலும் தெரிவித்தார். 

இந்த சந்திப்பு தொடர்பான செய்திகள் வெளியானவுடன் அரசியல் வட்டாரங்களில் பல வகையான கருத்துக்களும் பல எதிர்பார்ப்புகளும் நிலவி வருகின்றன.

முல்லைத்தீவு கோப்பாப்புலவு வான்படை தனிமைப்படுத்தல் நிலையத்தில் தனிமைப்படுத்தப்பட்டிருந்த இலங்கை ஆசிரியர் சங்கத்தின் பொதுச் செயலாளர் ஜோசப் ஸ்டாலின் உட்பட 16 பேரும் நேற்று (16) மாலை விடுவிக்கப்பட்டுள்ளனர். 

கொத்தலாவல பாதுகாப்பு பல்கலைக்கழக சட்டமூலத்திற்கு எதிர்ப்பு தெரிவித்து கடந்த 8ஆம் திகதி போராட்டம் நடத்தியதன் காரணமாக கைது செய்யப்பட்டு பிணையில் விடுவிக்கப்பட்டதன் பின்னர் குறித்த தனிமைப்படுத்தல் நிலையத்துக்கு அனுப்பப்பட்டனர். 

இதனைத் தொடர்ந்து அதிபர் ஆசிரியர் சங்கங்கள் கூட்டாக சேர்ந்து இணைய வழி கற்பித்தல் புறக்கணிப்பு உட்பட 

பல்வேறு போராட்டங்களையும் பல இடங்களில் செய்து வந்தனர். இதனைத் தொடர்ந்து 8 நாட்களின் பின்னர் அவர்கள் நேற்று விடுவிக்கப்பட்டுள்ளனர். 

இதேவேளை கடந்த 7ஆம் திகதி பொறியியல் கூட்டுத்தாபனம் முன்பாக இடம்பெற்ற ஆர்ப்பாட்டத்தின் போது கைது செய்யப்பட்டு பின்னர் பள்ளேகள தனிமைப்படுத்தல் நிலையத்திற்கு அனுப்பப்பட்ட முன்னிலை சோசலிச கட்சியின் பிரச்சார செயலாளர் துமிந்த நாகமுவ உட்பட 6 பேரும் 

நேற்றைய தினம் விடுவிக்கப்பட்டுள்ளமை குறிப்பிடத்தக்கது. 

இதேவேளை இவ்வாறு ஆர்ப்பாட்டங்களில் ஈடுபட்டவர்களை கைது செய்து நீதிமன்றம் பிணை வழங்க இருந்த நிலையிலும் அவர்கள் போலீசாரால் பலவந்தமாக சட்டத்திற்கு முரணான விதத்தில் தனிமைப்படுத்தல் நிலையங்களுக்கு அனுப்பப்பட்டுள்ளனர் என தெரிவித்து அவர்கள் அனைவருக்கும் ஆட்கொணர்வு மனு உயர்நீதிமன்றத்தில் தாக்கல் செய்யப்பட்டிருந்த நிலையில் இவ்வாறு அனைவரும் விடுவிக்கப்பட்டுள்ளனர்.

சமூகத்தில் ஒழுக்கத்தை பேணுவதற்கு 18 வயதிற்கு மேற்பட்ட இளைஞர்களிற்கு இராணுவ முகாம்களில் தலைமைத்துவ பயிற்சியை வழங்க வேண்டும் என பொதுமக்கள் பாதுகாப்பு அமைச்சர் சரத் வீரசேகர தெரிவித்துள்ளார். 

இவ்வாறு பயிற்சி வழங்கப்படுவது இளைஞர்களை படைவீரர்களாக்கும் நடவடிக்கையில்லை. சமூகத்தில் ஒழுக்கத்தை பேணுவதற்கு அது உதவும். சந்தேகம் அல்லது 

அச்சமின்றி வாழவேண்டுமென்றால் சமூகத்தில் மோசடிக்காரர்கள் பாலியல் துஸ்பிரயோகங்களில் ஈடுபடுபவர்கள் இல்லாத நிலையேற்பட வேண்டும் என்று தெரிவித்த அவர், 18 வயதிற்கு மேற்பட்ட இளைஞர்களிற்கு இராணுவப் பயிற்சி தொடர்பான யோசனையை நாடாளுமன்றத்தில் முன்வைத்த வேளை தன்னை கடுமையாக விமர்சித்தனர் எனவும் தெரிவித்துள்ளார்.