பாடசாலைகளை மீள ஆரம்பிப்பது தொடர்பில் அண்மையில் மாகாண ஆளுநர்களுக்கான கூட்டம் நடைபெற்றது. அந்தக் கூட்டத்தின் போது, 

 

பாடசாலைகளை மீள ஆரம்பித்தால் மாணவர்களை பாடசாலைக்கு அனுப்பி வைப்பதற்கான விழிப்பூட்டல்களை செய்வதற்காக 

அந்தந்த மாவட்டத்தை பிரதிநிதித்துவப்படுத்தும் பாராளுமன்ற உறுப்பினர்கள் மற்றும் பிரதேசங்களை பிரதிநிதித்துவப்படுத்தும் உள்ளூராட்சி மன்ற உறுப்பினர்களின் ஒத்துழைப்பை கோருவது எனவும் தீர்மானிக்கப்பட்டது. 

 

அந்த வகையில் வடக்கு மாகாண கல்வி அமைச்சு மாகாணத்தில் உள்ள பாராளுமன்ற உறுப்பினர்கள் மற்றும் உள்ளூராட்சி மன்ற உறுப்பினர்களிடம் இது தொடர்பான ஒத்துழைப்பை கோரியுள்ளது. 

 

பாடசாலைகளை மீள ஆரம்பிக்கும் முதல் கட்டத்தின் கீழ் வடக்கு மாகாணத்தில் 680 பாடசாலைகள் எதிர்வரும் 21ஆம் திகதி ஆரம்பிக்கப்பட்ட உள்ளமை குறிப்பிடத்தக்கது.

 

08-10-2021 அன்று வெளியான அரச வர்த்தமானியை தமிழ், ஆங்கிலம், சிங்களம் ஆகிய மொழிகளில் இங்கு தருகிறோம். 

 

Official Government Gazette released on 08-10-2021 

 

இதில், பல முக்கிய அறிவித்தல்கள் காணப்படுகின்றன. கீழே உள்ள உரிய லிங்கை கிளிக் செய்து உரிய மொழியில் முழுமையாக பார்வையிடுக. 

 

Tamil 

 

ஆங்கிலத்தில் பார்வையிட கீழே உள்ள லிங்கை கிளிக் செய்க. 

English 

 

சிங்களத்தில் பார்வையிட கீழே உள்ள லிங்கை கிளிக் செய்க. 

Sinhala 

 

https://www.irumbuthirainews.com/2021/10/01-10-2021-official-government-gazette.html 

 

பெறுபேறு மீளாய்வு செய்தல் 

 

 

பெறுபேற்று மீளாய்வின்போது குறித்து விடைத்தாள் பரிசீலனைக் குழுவின் உறுப்பினர்கள் பலரால் முழுமையாக பரிசீலிக்கப்படும். விடைத்தாள் மீள் ஆய்வின் பெறுபேறாக புள்ளிகளில் அல்லது கிடைக்கப்பெற்ற தரங்களில் அதிகரித்தல் அல்லது குறைவடைதல் ஏற்பட இடமுண்டு என்பதை பரீட்சார்த்திகள் அறிந்திருக்க வேண்டும் என்பதை வலியுறுத்துகின்றேன். 

 

1. குறித்த பரீட்சையின் மீளாய்வு விண்ணப்பங்கள் நிகழ்நிலையில் மாத்திரம் கோரப்படும். 

 

2. விண்ணப்பங்கள் ஏற்றுக்கொள்ளப்படும் இறுதித் திகதி 2021-10-25 ஆகும். 

 

3. மீளாய்விற்காக விண்ணப்பிக்கும்போது பரீட்சை திணைக்களத்தின் உத்தியோகபூர்வ இணையத்தளத்தின் மூலமாகவோ அல்லது பரீட்சை திணைக்களத்தின் கையடக்கத்தொலைபேசி செயலி (Mobile App) மூலமாகவோ அல்லது www.onlineexams.gov.lk என்ற இணையதளத்தின் மூலமாக விண்ணப்பிக்கலாம். 

 

4. முறைமையினுல் பிரவேசிக்கும்போது தேசிய அடையாள அட்டை மற்றும் சாதாரண தர பரீட்சை சுட்டெண் என்பவற்றை பயன்படுத்த வேண்டும். 

5. படிவத்தை பூரணபடுத்துவதற்கு முன்பு தொழில்நுட்ப அறிவுறுத்தல்கள், பொது அறிவுறுத்தல்கள் என்பவற்றை வாசித்தல் மற்றும் வீடியோவை பார்த்தல் மூலம் சரியான முறையில் விண்ணப்பங்களை பூரணப்படுத்தல் அவசியமாகும். 

 

6. ஒரு பாடத்திற்கான மீளாய்வு கட்டணம் 200 ரூபா ஆகும். Credit Card / Debit Card மூலம் அல்லது தபாற்கந்தோரில் பணத்தை செலுத்த வேண்டும். 

 

7. பணத்தைச் செலுத்திய பின்பு விண்ணப்ப படிவத்தினை PDF முறையில் பதிவிறக்கம் (Download) செய்ய முடிவதோடு விண்ணப்ப படிவத்தை தாங்கள் வைத்திருக்க வேண்டும். பணம் செலுத்திய பின்பு தங்களது கைத்தொலைபேசிக்கு எஸ்எம்எஸ் (SMS) மூலம் தகவல் கிடைக்கப் பெறும். 

 

8. மீளாய்வு செய்வதற்கான சகல பாடங்களையும் சரியாக பூரணப்படுத்துவது விண்ணப்பதாரரின் கடுமையாவதோடு பணம் செலுத்தப்படாத விண்ணப்ப படிவங்கள் எந்தவித அறிவித்தலும் இன்றி நிராகரிக்கப்படும். 

 

9. விண்ணப்பத்திற்காக செலுத்தப்பட்ட கட்டணமும் மீள அளிக்கப்படமாட்டாது. 

 

கவனிக்க வேண்டியது: 

* நாட்டிலுள்ள கொவிட் நிலைமை காரணமாக இம்முறை பாடசாலை பரீட்சார்த்திகளுக்கு அதிபர் உறுதிப்படுத்துதல் / கையெழுத்து அவசியமில்லை என்பதை அவதானிக்கவும். 

 

* இம்மீளாய்வு தற்போது வெளியாகியுள்ள பாடங்களுக்கு மாத்திரம் உரியதாகும். 

 

B. சனத் பூஜித. 

பரீட்சை ஆணையாளர் நாயகம். 

 

 

 

அறிவுறுத்தல்களை மும்மொழிகளிலும் பார்வையிட..

Tamil instructions 

English instruction 

 

வீடியோ வழிகாட்டலைப் பார்வையிட.. 

 

தொழிநுட்ப அறிவுறுத்தல்களைப் பார்வையிட..

Click here 

 

 

இலங்கையில் முதன் முறையாக ஆசிரியர்கள் மற்றும் அதிபர்களுக்கு கல்வி அமைச்சின் ஊடாக உத்தியோகபூர்வ அடையாள அட்டைகளை வழங்க நடவடிக்கை எடுக்கப்பட்டுள்ளதாக கல்வி அமைச்சர் தினேஷ் குணவர்தன தெரிவித்துள்ளார். 

 

ஆசிரியர் தினத்தை முன்னிட்டு கல்வி அமைச்சில் இன்று(6) இடம்பெற்ற உத்தியோகபூர்வ அடையாள அட்டை 

 

வழங்கும் நிகழ்வின் போதே அவர் இவ்வாறு தெரிவித்தார். 

 

இதுவரையில் அதிபர்கள் மற்றும் ஆசிரியர்களுக்கு கல்வி அமைச்சின் மூலமாக உத்தியோகபூர்வ அடையாள அட்டை வழங்கப்பட்டிருக்கவில்லை. தற்போது அதற்கான நடவடிக்கைகள் மேற்கொள்ளப்பட்டுள்ளன என அவர் மேலும் தெரிவித்தார்.

 

05-10-2021 அன்று நடைபெற்ற அமைச்சரவைக் கூட்டத்தின் போது எடுக்கப்பட்ட தீர்மானங்களை இங்கு தருகிறோம். 

இதில், 

பல முக்கிய தீர்மானங்கள் அடங்கியுள்ளன. 

 

Cabinet decisions 

 

முன்னைய அமைச்சரவை கூட்ட தீர்மானங்களைப் பார்வையிட...

https://www.irumbuthirainews.com/2021/09/27092021.html 

 

பரீட்சை திணைக்களத்தால் 2021 ஒக்டோபர் மாதம் நடத்தப்படும் பரீட்சைகளுக்கான நாட்காட்டியை இங்கு தருகிறோம். 

 

Examination calendar for the month of October, 2021 

 

 

பல்கலைக்கழக மாணவர்களுக்கு தடுப்பூசி வழங்குவதற்கான திகதிகளை பல்கலைக்கழக மானியங்கள் ஆணைக்குழு அறிவித்துள்ளது. 

 

அதாவது இம்மாதம் 7ஆம் மற்றும் 8ஆம் திகதிகளில் தமது வசிப்பிடத்திற்கு அருகில் உள்ள பல்கலைக்கழகங்களுக்கு சென்று அவர்கள் தடுப்பூசி செலுத்திக் கொள்ளலாம் என அறிவிக்கப்பட்டுள்ளது. 

 

இந்த நடவடிக்கைகள் நிறைவடைந்ததன் பின்னர் பல்கலைக்கழகங்கள் மீள திறப்பது தொடர்பான தீர்மானம் எடுக்கப்படும் என மேலும் தெரிவிக்கப்பட்டுள்ளது.

 

இம்மாதம் 6ஆம் திகதி ஆசிரியர் தினமாகும். எனவே நாடளாவிய ரீதியில் 312 வலயக்கல்வி காரியங்களுக்கு முன்பாக மாபெரும் ஆர்ப்பாட்டமொன்றை முன்னெடுக்க அதிபர் மற்றும் ஆசிரியர் தொழிற்சங்கங்கள் இணைந்து தீர்மானித்துள்ளதாக இலங்கை ஆசிரியர் சங்கத்தின் பொதுச் செயலாளர் ஜோசப் ஸ்டாலின் தெரிவித்துள்ளார். 

 

அதிபர் ஆசிரியர் சம்பள பிரச்சினைக்கு உடனடியாக தீர்வு பெற்று தருமாறு கோரியும் மாணவர்களின் கல்வி உரிமையை பாதுகாக்குமாறு கோரியும் இந்த ஆர்ப்பாட்டம் ஏற்பாடு செய்யப்பட்டுள்ளதாக அவர் மேலும் தெரிவித்தார்.

 

 

கொவிஷீல்ட் என்பது இங்கிலாந்தின் ஒக்ஸ்போர்ட் பல்கலைக்கழகமும் அஸ்ராசெனகா மருந்து நிறுவனமும் கூட்டாக உருவாக்கிய கொரோனா தடுப்பூசி ஆகும். இதனை இந்தியாவின் சீரம் நிறுவனம் தயாரித்து விநியோகித்து வருகிறது. 

 

இந்நிலையில் இது தொடர்பாக அவுஸ்ரேலியாவில் நடத்தப்பட்ட புதிய ஆய்வு ஒன்றில் இந்த தடுப்பூசி கொரோனா வைரசுக்கு எதிராக 

 

93 சதவீதம் போராடக்கூடியது என உறுதிப்படுத்தப்பட்டுள்ளது. இது மாத்திரமன்றி இந்த தடுப்பூசிக்கு அவுஸ்திரேலியா தற்போது ஒப்புதல் அளித்துள்ளது.

 

தவிர்க்க முடியாத காரணத்தினால் தென்மாகாண சிங்கள மற்றும் தமிழ் மொழி மூல பாடசாலைகளில் நிலவும் ஆசிரியர் வெற்றிடங்களை நிரப்புவதற்காக தகுதி வாய்ந்தவர்களிடம் விண்ணப்பம் கோரும் நடவடிக்கை தற்காலிகமாக இடை நிறுத்தப்பட்டுள்ளது. அந்த வகையில் இந்த ஆட்சேர்ப்பு தொடர்பான உரிய அறிவித்தல் எதிர்காலத்தில் வழங்கப்படும் என்று தென்மாகாண கல்வியமைச்சின் செயலாளர் அறிவித்தல் விடுத்துள்ளார்.

 

 

பாடசாலைகளை மீள ஆரம்பிப்பது தொடர்பாக மாகாண ஆளுநர்களுக்கும் கல்வி அமைச்சருக்கும் இடையில் நேற்றைய (2) தினம் பேச்சுவார்த்தை இடம்பெற்றுள்ளதாக கல்வி அமைச்சு வெளியிட்டுள்ள அறிக்கையில் தெரிவிக்கப்பட்டுள்ளது. 

 

அந்த பேச்சுவார்த்தையில் 200கும் குறைவான மாணவர்களைக் கொண்ட ஆரம்பப்பிரிவு பாடசாலைகள் மற்றும் 100க்கும் குறைந்த மாணவர்களைக் கொண்ட பாடசாலைகளை உள்ளடக்கி 3000 பாடசாலைகளின் கற்றல் செயற்பாடுகளை ஆரம்பிப்பதற்கு தீர்மானிக்கப்பட்டுள்ளதாக தெரிவிக்கப்பட்டுள்ளது. 

 

அதனடிப்படையில் மீள ஆரம்பித்தலுக்காக உட்கட்டமைப்பு வசதிகளை ஏற்படுத்திக் கொடுப்பது தொடர்பாகவும் குறித்த கலந்துரையாடலின் போது அவதானம் செலுத்தப்பட்டதாக அந்த அறிக்கையில் தெரிவிக்கப்பட்டுள்ளது.