அரச நிறுவனங்களில் உள்ள உத்தியோகத்தர்கள் மற்றும் அவர்களின் குடும்ப அங்கத்தவர்களின் தரவுகளை "ஈ-கிராம உத்தியோகத்தர்" முறைமையில் சேர்த்தல். 

 

கிராம உத்தியோகத்தர்கள் ஊடாக பொதுமக்களுக்கு வழங்கப்படும் சேவையுடன் தொடர்புடைய அன்றாட கடமை நடவடிக்கைகளுக்கு தேவைப்படும் தகவல்களை சேகரித்து வைத்தல் மற்றும் பரிசீலனை பார்த்தல் ஆகிய நடவடிக்கைகளுக்கு அவசியப்படும் தரவுகள் முறைமை மற்றும் மென்பொருள் "ஈ- கிராம உத்தியோகத்தர் (e-GN) நிகழ்ச்சித்திட்டத்தினால் நடைமுறைப்படுத்தப்பட்டு வருகின்றது. 

 

இது தொடர்பான சகல விதமான ஆலோசனைகள் மற்றும் வழிகாட்டல்கள் என்பவற்றை சகல மாவட்ட மற்றும் பிரதேச செயலாளர்களுக்கும் கிராம உத்தியோகத்தர்களுக்கும் உள்நாட்டலுவல்கள் ராஜாங்க அமைச்சினால் வழங்கப்பட்டுள்ளது. 

 

இதுதொடர்பாக வெளியிடப்பட்ட சுற்றுநிறுபம் அதை எவ்வாறு மேற்கொள்ளப்பட வேண்டும் என்ற வழிகாட்டல் மற்றும் விண்ணப்பம் என்பவற்றை கீழே காணலாம்.

 

 

மாவனல்லை வலயத்தில் உள்ள சகல பாடசாலைகளும் நாளை (9) மூடப்படும் என அதிபர், ஆசிரியர் தொழிற்சங்கங்களின் முன்னணி இன்று அதிரடி அறிவிப்பை வெளியிட்டுள்ளது. 

 

இன்று இடம்பெற்ற ஊடகவியலாளர் சந்திப்பின் போதே குறித்த தொழிற்சங்க முன்னணி இதனை அறிவித்துள்ளது. 

 

இது தொடர்பில் இலங்கை ஆசிரியர் சேவை சங்கத்தின் பொதுச் செயலாளர் மஹிந்த ஜெயசிங்க தெரிவிக்கையில், 

 

மாவனல்லை பிரதேச சபையின் உப தலைவர் மெடேரிகம பாடசாலைக்கு கடந்த 3 ஆம் திகதி அத்துமீறி நுழைந்து ஆசிரியர்களுக்கும் பெற்றோர்களுக்கும் அச்சுறுத்தல் விடுத்து பேயாட்டம் ஆடினார். தற்போது இதற்கு இந்த ஜனாதிபதியின் போலீஸ் சரத் வீரசேகரவின் போலீஸ் எவ்வாறு நடவடிக்கை மேற்கொள்கிறது? 

 

நாம் நேற்று ஆயிரக்கணக்கானோர் ஒன்று திரண்டு மெடேரிகம பாடசாலையிலிருந்து போலீஸ் நிலையம் வரை பாதயாத்திரையாக சென்றோம். குறித்த நபர் கைது செய்யப்பட வேண்டும் என்று அந்த இடத்தில் வைத்து நாம் தொடர்ச்சியாக அழுத்தம் கொடுத்த பொழுது போலீஸ் ASP அதிகாரியும் SSP அதிகாரியும் எம்மிடம் தொலைபேசியில் தெரிவித்தார்கள் குறித்த நபரை இன்று நீதிமன்றத்தில் ஆஜர் படுத்துவதாக.... 

 

ஆனால் இன்று ஜோசப் சகோதரரும் நானும் குறித்த பொலிஸ் நிலைய பொறுப்பதிகாரி (OIC) யிடம் இது தொடர்பில் வினவியபோது... குறித்த விடயம் நீதிமன்றத்திற்கு செல்லும் அளவுக்கு பாரதூரமான விடயம் அல்ல எனவும் எனவே இதை இணக்க குழுவிற்கு (சமத்த மண்டல) சமர்ப்பிக்க உள்ளதாகவும் எம்மிடம் தெரிவித்தார். 

 

நாம் எந்த வகையிலும் இதை ஏற்றுக் கொள்ள தயாரில்லை. ஏனென்றால் நேற்று உயர் அதிகாரி SSP எம்மிடம் உறுதியாகவே தெரிவித்தார் இன்று நீதிமன்றத்தில் ஆஜர் படுத்துவதாக... அப்படியானால் SSP யினதும் ASP யினதும் OIC யினதும் சட்டம் 3 சட்டமா? நாம் கேட்பது அதைத்தான். நாம் நேற்றும் சொன்னோம்... இது வீரசேகரவின் போலீஸ் அல்ல.. இது மாவனல்லை பியதிஸ்ஸவின் போலீஸ் அல்ல... இது ராஜபக்சவின் போலீஸ் அல்ல... இது இந்த நாட்டு மக்களின் போலீஸ் என்று. இது இலங்கை போலீஸ். 

 

எனவே இந்த போலிஸ் செயற்பட வேண்டும் சட்ட புத்தகத்தின் அடிப்படையில்தான். அல்லாமல் ஒவ்வொரு அரசியல்வாதிகளின் தேவைக்கு அல்ல. எனவே நாம் தீர்மானித்து இருக்கிறோம்.. நாளைய தினம் மாவனெல்லை வலய சகல பாடசாலைகளினதும் அதிபர்கள், ஆசிரியர்கள் சேவைக்கு சமூகமளிக்காமல் இருக்க தீர்மானித்துள்ளோம். 

 

நாளை காலை மீண்டும் மாவனல்லை நகருக்கு நாம் வருவோம். நாம் மீண்டும் வருவோம். எனவே இந்த நாட்டு அதிபர்கள் மற்றும் ஆசிரியர்களுடன் விளையாட வேண்டாம் என்று நாம் நேற்றும் சொன்னோம். நாம் நினைத்திருந்தால் இன்று முதல் நாட்டிலுள்ள சகல பாடசாலைகளையும் மூடியிருக்க முடியும். ஆனால் இந்த நாட்டு பிள்ளைகள் தொடர்பில் பொறுப்பு எமக்கு இருப்பதினால் அந்த தீர்மானத்தை எடுக்கவில்லை. ஆனால் எமது இயலாமை காரணமாகத்தான் அந்த தீர்மானத்தை எடுக்கவில்லை என்று அரசாங்கம் நினைத்தால் அரசாங்கம் தவறும் இடம் அதுவாகத்தான் இருக்கும் என்று தெரிவித்தார்.

கொரோனா காரணமாக கடந்த வருடம் மார்ச் மாதம் முதல் பாடசாலைகள் மூடப்பட்டு இடைக்கிடையே திறக்கப்பட்டாலும் அவை சரியாக வெற்றியளிக்கவில்லை. இந்நிலையில் கொரோனா 3வது அலைக்குப் பின்னர் பாடசாலைகள் 04 கட்டங்களாக திறக்க சுகாதார அமைச்சு பரிந்துரை செய்த நிலையில் அதன் முதற்கட்டம் கடந்த ஒக்டோபர் 21ஆம் திகதி ஆரம்பமானது. 

 

இந்நிலையில் பாடசாலைகள் மீண்டும் கட்டங்கட்டமாக ஆரம்பிக்கப்படுகின்ற நிலையில் மாணவர்கள் இழந்த கல்வியை எவ்வாறு நிவர்த்தி செய்வது என்பது தொடர்பான பல்வேறு பரிந்துரைகளை கல்வி அமைச்சுக்கு தேசிய கல்வி நிறுவகம் முன்வைத்துள்ளது. 

 

தவறவிடப்பட்ட பாடவிதானம் தொடர்பான ஆய்வு தேசிய கல்வி நிறுவனத்தால் மேற்கொள்ளப்பட்டது. அதன் விவரங்கள் பின்வருமாறு: 

எனவே மாணவர்கள் அடுத்த தரத்திற்கு செல்வதற்கு முன்னர் தவறவிடப்பட்ட பாட அலகுகளை பூர்த்தி செய்வதற்காக 20 வாரங்கள் கொண்ட செயல் திட்டம் தேசிய கல்வி நிறுவகத்தால் அறிமுகப்படுத்தப்பட்டுள்ளது. எனவே மூன்றாம் தவணையானது 20 வாரங்களை கொண்டதாக அமையும். 

 

https://www.irumbuthirainews.com/2021/10/20.html 

 

அந்தவகையில் அடுத்த வருடம் ஏப்ரல் விடுமுறைக்குப் பின்னர் மே மாதமளவில் முதலாம் தவணை ஆரம்பமாகும். எனவே மே முதல் டிசம்பர் வரை 8 மாதங்களைக் கொண்டதாக அடுத்த வருடத்தின் கல்வியாண்டு அமையும். 

 

நிறைவு செய்யப்படாத பாட விதானங்களை நிறைவு செய்வதற்காக மார்ச் 31 வரை ஒவ்வொரு தரத்திற்கும் ஒதுக்கப்பட வேண்டிய பாடவேளைகள் தொடர்பான விபரங்களைக் கீழே காணலாம்.

 

குறிப்பு: 20 வாரங்கள் கொண்ட வேலைத்திட்டம் உயர் தரத்திற்கு பொருந்தாது.

கொரோனா பரவல் காரணமாக 2020 மற்றும் 2021இல் மாணவர்கள் இழந்த கல்வியை அவர்களுக்கு வழங்குவதற்காக புதிய வேலைத் திட்டம் முன்னெடுக்கப்படவுள்ளதாக தேசிய கல்வி நிறுவகத்தின் பணிப்பாளர் சுனில் ஜயந்த நவரத்ன தெரிவித்துள்ளார். 

 

இது தொடர்பில் அவர் மேலும் தெரிவிக்கையில், 

இந்த புதிய வேலைத் திட்டத்திற்காக நவம்பர் மாதம் முதல் அடுத்த வருடம் மார்ச் மாதம் வரை ஒதுக்கப்பட்டுள்ளது. சில வேளை அது ஏப்ரல் வரை நீடிக்கப்படலாம். இழந்த கல்வியை வழங்குவதற்கும் பரீட்சைகளை நடத்துவதற்குமே இந்த காலப்பகுதி தேவைப்படுகிறது. இதன்போது பாடப்பரப்பில் உள்ள அத்தியாவசியமான பாகங்கள் மீது அதிக கவனம் செலுத்தப்படும் என அவர் மேலும் தெரிவித்தார்.

Vacancies (Uva - Wellassa University) 

 

Posts: 

 

1. Assistant Registrar (Legal & Documentation) 

2. Curator (Landscape) Grade- 111 

3. Programmer Cum System Analyst Grade-11 

4. Project Manager 

 

Closing Date: 16-11-2021. 

 

https://www.irumbuthirainews.com/search/label/Vacancy?&max-results=7&m=1
 

Vacancies (National Medicines Regulatory Authority) 

 

Posts: 

1. Director (Human Resources) 

2. Internal Auditor. 

 

Closing Date: 13-11-2021.

 Source: Sunday Observer.

https://www.irumbuthirainews.com/search/label/Vacancy?&max-results=7&m=1 

 

 

பின்வரும் இணைந்த சேவைகளின் வருடாந்த இடமாற்ற பெயர்ப் பட்டியலை அரச சேவைகள், மாகாண சபை மற்றும் உள்ளூராட்சி அமைச்சு வெளியிட்டுள்ளது. 

 

அரசாங்க மொழி பெயர்ப்பாளர் சேவை 

இலங்கை தகவல் மற்றும் தொடர்பாடல் தொழில்நுட்ப சேவை 

அபிவிருத்தி உத்தியோகத்தர்கள் சேவை 

இலங்கை அரச நூலகர் சேவை 

முகாமைத்துவ சேவை உத்தியோகத்தர்கள் சேவை 

இணைந்த சாரதிகள் சேவை 

அலுவலக பணியாளர் சேவை 

 

 

Government Translators' Service 

 

Sri Lanka Information and Communication Technology - Class III 

 

Management Service Officers’ Service 

 

Office Employees’ Service 

திறந்த பல்கலைக்கழகத்தினால் நடத்தப்படும் பட்டப்பின் கல்வி டிப்ளோமா (Postgraduate Diploma in Education - PGDE) தெரிவு பரீட்சையின் பெறுபேறுகள் வெளியிடப்பட்டுள்ளன. 

 

https://ou.ac.lk/exam-result/ 

Vacancies (State Bank of India) 

 

Posts: 

System Support Officer. 

Security Cum Liaison Officer. 

Subordinate Staff on Contract Basis 

 

Closing date: 10-11-2021. 

 

கொவிட் - 19 தொற்றுப் பரவல் நிலைமையின் கீழ் சுகாதார பாதுகாப்புடன் பாடசாலைகளை மீள ஆரம்பித்தல் தொடர்பான முழுமையான வழிகாட்டல் கையேட்டை கல்வியமைச்சு வெளியிட்டுள்ளது.

பாடசாலை ஆரம்பம் -: 

2021 ஒக்டோபர் 21ஆந் திகதியிலிருந்து 4 கட்டங்களாக ஆரம்பிக்கப்படுகிறது.

 

கட்டம் 01: மொத்த மாணவர் தொகை 200க்கு குறைவான பாடசாலைகளின் ஆரம்ப பிரிவுகள். 

 

கட்டம் 02: மொத்த மாணவர் தொகை 200க்கு அதிகமான பாடசாலைகளின் ஆரம்ப பிரிவுகள் மற்றும் மாணவர் தொகை 100க்கு குறைவான பாடசாலைகளின் சகல வகுப்புகள்.

 

கட்டம் 03: சகல பாடசாலைகளினதும் தரம் 10,11,12,13 மற்றும் மாணவர் தொகை 200 க்கு குறைந்த பாடசாலைகளின் சகல வகுப்புகள்.

 

கட்டம் 04: ஏனைய தரங்களை ஆரம்பித்தல்.

 

 

கற்றல் கற்பித்தல் செயன்முறை மற்றும் வகுப்பறை முகாமைத்துவத்தின்போது கவனத்திற் கொள்ள வேண்டிய முக்கிய விடயமாக அமைவது மாணவர்களிடையே சமூக இடைவெளியைப் பேணுவது மற்றும் முகக்கவசம் அணிவது உள்ளிட்ட சுகாதாரப் பாதுகாப்பு நடைமுறைகளைக் கடைப்பிடித்தலாகும். 

 

 மட்டுப்படுத்தப்பட்ட மாணவர் தொகுதியினரோடு கூடிய வகுப்பை நடாத்துவதற்கு ஏற்றவாறு நேரசூசியை தயாரித்துக்கொள்ளல். 

 

 இடைவெளியோடு கூடியதாக மாணவர்களை வைத்துக்கொள்வதற்கு ஏதுவாக பாடசாலையிலுள்ள அனைத்து வகுப்பறைகளையும் கற்பித்தல் நடவடிக்கைகளுக்காகப் பயன்படுத்தல். 

 

 மேலும், பாடசாலையில் பொது இடங்களைத் தெரிவு செய்து (பிரதான மண்டபம்/மாநாட்டு மண்டபம்) பரிந்துரைக்கப்பட்ட இடைவெளி மற்றும் சுகாதாரப் பாதுகாப்பு முறைகளைப் பின்பற்றி தயாரிக்கப்பட்ட நேரசூசியின் அடிப்படையில் அதிகமான மாணவர் எண்ணிக்கைக்கு ஒரே தடவையில் கற்பித்தல் நடவடிக்கைகளை ஆரம்பித்தல். 

 

 வகுப்பறைகளை எப்போதும் நன்கு காற்றோட்டம் பெறும் வகையில் அமைத்துக் கொள்ளல் மற்றும் திறந்தவெளிகளில் கற்பிப்பதற்கு ஆசிரியர்களை ஈடுபடுத்தல்.

 

 மாணவர்கள் நேருக்கு நேர் முகம் நோக்கி இல்லாதவாறு வகுப்பறையில் அமரச் செய்வதற்கான முறையைத் திட்டமிடுதல்.  

பாடசாலை சிற்றுண்டிச்சாலை: 

மீள் அறிவித்தல்வரை பாடசாலைச் சிற்றுண்டிச்சாலைகளைத் மூடி வைத்திருத்தல். 

 

 

 பாடசாலை இடைவேளையானது, அனைத்து மாணவர்களுக்கும் ஒரே நேரத்தில் கிடைக்காத வகையில் மாணவர்களின் எண்ணிக்கைக்கு அமைவாக அதிபரின் விருப்பின் அடிப்படையில் மற்றும் பாடசாலைக்குப் பொருந்தும் வகையில் தயார் செய்து கொள்ளமுடியும். 

 

 உணவு உண்ணும்போது முகக் கவசத்தை கழற்றுவதால் உணவு இடைவேளைக்கான நேரத்தைக் குறைப்பதற்கு பொருத்தமான ஏற்பாடுகளை செய்தல். 

 

 எப்பொழுதும் வீட்டிலிருந்து கொண்டுவரப்படும் உணவை உண்பதற்கு ஊக்குவிப்பதோடு, பாடசாலைக்கு வரும் வழியில் உணவு வாங்குவதைத் தவிர்க்கும்படி அறிவுறுத்தல் வழங்கி, அதுதொடர்பாக மேற்பார்வை செய்யப்படல் வேண்டும். 

 

 பாடசாலை இடைவேளையின்போது, மாணவர்களுக்கிடையே இடைவெளியைப் பேணுதல், முகக் கவசம் அணிதல் மற்றும் ஒருவரையொருவர் ஸ்பரிசம் செய்யும் விதத்திலான ஆபத்தான விளையாட்டுக்களில் ஈடுபடுவதை தவிர்த்தல் வேண்டும். 

இணைப்பாடவிதான செயற்பாடுகளை நடைமுறைப்படுத்துதல்: 

 ஒருவரை ஒருவர் தொடாத விதமாக மற்றும் பொருட்களை பரிமாற்றம் செய்யாத தூரத்தைப் பேணும் விதத்தில் விளையாட்டு மற்றும் இணைப்பாடவிதான செயற்பாடுகளை நடைமுறைப்படுத்துதல். இவ்வாறான செயற்பாடுகள் மாணவர்களின் உடல் மற்றும் உள அபிவிருத்திக்கு உறுதுணையாக இருக்கும். 

 

 ஏனைய பாடசாலை விளையாட்டுகள் மற்றும் இணைப்பாடவிதான செயற்பாடுகளை மேற்கொள்வது குறித்து எதிர்காலத்தில் அறிவிப்பதற்கு நடவடிக்கை எடுக்கப்படும்.

 

 

 நடந்து செல்லும் தூரம், துவிச்சக்கர வண்டியில் செல்லும் தூரம் அல்லது பெற்றோருடன் மோட்டார் சைக்கிலில் செல்லும் தூரத்தில் இருப்பின் நடந்து/ துவிச்சக்கர வண்டி மோட்டார் சைக்கிலில் பாடசாலைக்குச் செல்வது பாதுகாப்பானது. 

 

 தனிப்பட்ட வாகனத்தை பயன்படுத்துவதாயின் வாகன நெரிசல் ஏற்படாதவாறு பயன்படுத்துதல். 

 

 பொதுப் போக்குவரத்து அல்லது பாடசாலை பேரூந்து/ வேன் போக்குவரத்து சேவையினைப் பயன்படுத்துவதாயின், ஆசன எண்ணிக்கையில் மட்டும் பயணிக்கவும். 

 

 பொதுப் போக்குவரத்தைப் பயன்படுத்தும்போது, வாகனத்திற்குள் ஏறும்போது மற்றும் இறங்கிய பின்னர் கிருமி நீக்கித் திரவங்களைப் பயன்படுத்தி கைகளை சுத்தம் செய்துகொள்ளல். வாய், மூக்கு மற்றும் கண்களைத் தொடுவதைத் தவிர்த்தல். 

 

 வாகனத்தில் குளிரூட்டியை (Air Condition) பயன்படுத்தாது, ஜன்னல்களைத் திறந்து காற்றோட்டமாக வைத்திருங்கள். 

 

 வாகனத்திற்குள் முகக்கவசத்தைக் நீக்குதல் மற்றும் உணவு வகைகள் பரிமாற்றம் செய்வதைத் தவிர்க்கவும். 

 

 வாகனத்தில் ஏறிய பின்னர் உங்களுக்கு உரிய ஆசனத்தில் அமர்வதோடு, வாகனத்திற்குள் தேவையற்ற விதத்தில் நடமாடுவதைத் தவிர்த்தல். 

 

 

 

 பாடசாலை ஆரம்பிக்கப்படும் முதல் நாளில் மாணவர்களின் மனநிலையை மேம்படுத்தவும், கொவிட் 19 இன் சவால்களுக்கு வெற்றிகரமாக முகம் கொடுக்கும் வகையிலும் ஒரு அன்பான வரவேற்பினை அளித்தல். 

 

 மாணவர்கள் மீது விதிக்கப்பட்டுள்ள சுகாதாரப் பாதுகாப்பு அறிவுறுத்தல்கள் யாவும் சகல ஆசிரியர்களுக்கும் ஏனைய பணியாளர்களுக்கும் செல்லுபடியாகும் அதேவேளை, கைகளைக் கழுவுதல், உடல் வெப்பநிலையைப் பரிசோதித்தல், முகக் கவசம் அணிதல் ஆகியன அவர்களுக்கும் கட்டாயமானதாகும். 

 

 அதிபரின் அறிவுறுத்தலின் பேரில், பாடசாலை சுகாதார மேம்பாட்டு வேலைத்திட்டத்திற்குப் பொறுப்பான ஆசிரியரினால் நடைமுறைப்படுத்தப்படும் மேற்பார்வை வேலைத்திட்டத்திற்கு சகல ஆசிரியர்களும் முனைப்புடன் பங்குபற்றிப் பொறுப்பேற்க வேண்டும். 

 

 மாணவர்களின் கல்வி நடவடிக்கைகள் மற்றும் உளநல ஆரோக்கியம் தொடர்பாகவும் கவனம் செலுத்தி, சமூக இடைவெளியைப் பேணி உளநல ஆரோக்கியத்தை மேம்படுத்தும் செயற்பாடுகளை முன்னெடுப்பது ஆசிரியர்களின் பொறுப்பாகும். 

 

 பாடசாலைகயில் இருக்கும் காலப்பகுதியில் முகக்கவசம் அணிந்திருப்பதுடன், மாணவர்களின் முகக் கவசம் தொடர்பாக கூடிய கவனம் செலுத்துதல். 

 

 விசேட தேவையுடைய மாணவர்களின் ஆரோக்கியத்தில் அதிக கவனம் செலுத்துதல். 

 

 கிருமிநீக்கி கரைசல்களை பயன்படுத்தும்போது அவற்றை பாதுகாப்பாக கையாளுவது பற்றி மாணவர்களை தெளிவூட்டுதல். 

 

 தொலைக்கல்வியோடு ஒப்படும்போது நேரடி பாடசாலைக் கல்வியூடாக நல்ல பெறுபெறுகளைப் பெற்றுக்கொள்ள முடியும் என்பதை பெற்றோருக்கு தெளிவூட்டுவது ஆசிரியர்களின் பொறுப்பாகும். 

 

 

 

 

மாணவர்களுக்கான அறிவுறுத்தல்கள்: 

 பாடசாலைக்குள் பிரவேசிக்கும் போது, சவர்க்காரம் இட்டுக் கைகளைக் கழுவுதல் மற்றும் பாதணிகளைக் கிருமித் தொற்றுநீக்கத்திற்கு உட்படுத்துதல்.

 

 சமூக இடைவெளியைப் பேணுதல். 

 

 புத்தகங்கள், பேனைகள் போன்றவற்றைப் பகிர்வதைத் தவிர்த்தல். 

 

 பாடசாலையில் இருக்கும்போது, முகக்கவசம் கட்டாயம் அணிதல் வேண்டும். மேலும் மேலதிக முகக்கவசம் ஒன்றை புத்தகப்பையில் வைத்திருத்தல். 

 

 உணவு அருந்தும் போது அல்லது வேறு எந்தச் சந்தர்ப்பத்திலும் தற்காலிகமாக முகக் கவசத்தைக் அகற்றி சுத்தமான பையொன்றில் வைத்தல் அல்லது அணிந்திருக்கும் சீருடையில் வைத்திருத்தல். 

 

 முகக்கவசங்களை ஒருபோதும் பொது இடங்களில் வைக்கக்கூடாது. 

 

 உணவு அருந்தும் போது அல்லது வேறு எந்தச் சந்தர்ப்பத்திலும் தற்காலிகமாக முகக் கவசத்தைக் அகற்றிய பின்னர் மீண்டும் அணிய முன்னர் கைகளை நன்கு சுத்தமாக்கிக் கொள்ளல். மேலும் பிறரின் முகக்கவசங்களை ஒருபோதும் அணியக்கூடாது. 

 

 வகுப்பறையிலிருந்து சென்று மீண்டும் வரும்போது அல்லது மேற்பரப்பு ஒன்றை தொட்ட பின்னர் கைகளை நன்கு கழுவிக்கொள்ளல் வேண்டும். 

 

 உணவு மற்றும் தண்ணீர் போத்தலை பகிரக்கூடாது 

 

 பாடசாலையினுள் அல்லது பாடசாலைக்கு வெளியே ஒன்றுகூடுவதை தவிர்த்தல் 

 

 பாடசாலை விட்டவுடன் உடனடியாக வீடு நோக்கி விரைதல் 

 

 பாடசாலைக்கு வரும்போது மற்றும் வீடுகளுக்குச் செல்லும்போது பயன்படுத்தும் தனிப்பட்ட அல்லது பொதுப் போக்குவரத்துச் சேவைகளில் சுகாதார அறிவுறுத்தல்களைக் கடைப்பிடித்தல். 

 

 தான் பயன்படுத்தும் போக்குவரத்து ஏற்பாடுகள் குறித்த தகவல்களை வகுப்பாசிரியருக்கு வழங்குதல் 

 

 தங்களுக்கு ஏதேனும் நோய், காய்ச்சல், சளி போன்ற நோய் அறிகுறிகள் காணப்படின், அந்நிலை குணமாகும் வரை பாடசாலைக்கு வருவதைத் தவிர்த்தல். 

 

 தங்கள் வீட்டில் யாரேனும் தனிமைப்படுத்தப்பட்டிருந்தால் அல்லது கொவிட் 19 நோயாளியுடன் தொடர்புபட்டிருந்தால் சுகாதார அறிவுறுத்தல்களின் படி மீள அறிவிப்பு வரும்வரை பாடசாலைக்கு வராதிருத்தல். 

 

 பாடசாலையில் அல்லது அதற்கு வெளியில் தேவையற்றவிதத்தில் எப்பொருளையும் தொடுவதைத் தவிர்த்தல். 

 

 

 

 

 

பெற்றோர்களுக்கான அறிவுறுத்தல்கள்: 

 இருமல், சளி அல்லது காய்ச்சல் போன்ற நோய் அறிகுறிகள் இருப்பின் பிள்ளைகளை பாடசாலைக்கு அனுப்பாதிருத்தல். 

 

 வீட்டில் வேறு யாரேனும் தனிமைப்படுத்தப்பட்டிருந்தால் தங்கள் பி;ள்ளைகளை பாடசாலைக்கு அனுப்பாதிருத்தல். 

 

 வீட்டிலுள்ள ஒருவர் அல்லது பிள்ளைக்கு பீ.சீ.ஆர் (PCR) பரிசோதனை/ துரித பிறபொருளெதிரி சோதனை (Rapid Antigen Test) செய்யப்பட்டிருந்தால் அவ் அறிக்கையின்படி சுகாதார அறிவுறுத்தல்கள் கிடைக்கப்பெறும் வரை பிள்ளையைப் பாடசாலைக்கு அனுப்பாதிருத்தல். 

 

 தனிமைப்படுத்தப்பட்ட பிரதேசங்களில் இருந்து ஏனைய பிரதேசங்களில் உள்ள பாடசாலைக்குப் பிள்ளைகளை அனுப்பாதிருத்தல். 

 

 தங்கள் பிள்ளை பயன்படுத்தும் உபகரணங்கள் (பாடசாலைப் பை/ தண்ணீர்ப் போத்தல்/ சாப்பாட்டுப் பெட்டி/ புத்தகங்கள் போன்றன) சுத்தப்படுத்துதல் அல்லது வெயிலில் இட்டு உலர்த்துதல். 

 

 தினந்தோறும் பிள்ளையின் ஆடைகள் மற்றும் பாதணிகளைச் சுத்தம் செய்தல். 

 

 பாடசாலைக்குச் சென்று திரும்பியதும் பிள்ளையின் கைககளைக் கழுவுதல் மற்றும் பிள்ளையைச் சுத்தமாக இருக்கச் செய்தல். 

 

 பாடசாலை விட்டு வந்ததும் காலணிகளை வெளியே கழற்றிவிட்டு உள்ளே வருதல்  பாவித்த முகக் கவசங்களை எரித்தல் 

 

 வீட்டில் சமைத்த உணவுகளை மாத்திரம் பிள்ளைக்குக் கொடுப்பதோடு, எல்லாச் சந்தர்ப்பங்களிலும் பிள்ளை பயன்படுத்தும் பொருட்களை தனிப்பட்ட முறையில் பயன்படுத்துவதற்கு அறிவுறுத்தல்களை வழங்குதல். 

 

 பாடசாலை விட்டதும் பிள்ளையை வீட்டிற்கு வரும்படி அறிவுறுத்தல் வழங்குதல்/ அழைத்துக்கொண்டு வருதல். 

 

 பாடசாலைக்கு வரும்போது மற்றும் வீடுகளுக்குச் செல்லும்போது பயன்படுத்தும் தனிப்பட்ட அல்லது பொது போக்குவரத்துச் சேவைகளில் சுகாதார அறிவுறுத்தல்களைக் கடைப்பிடிப்பதற்கு அறிவுறுத்தல் வழங்குதல். 

 

 தங்கள் பிரதேசத்தில் சுகாதாரம் தொடர்பாக ஏதேனும் சிக்கல் இருந்தால் அது தொடர்பாக அதிபருக்கு அறிவிப்பதன் மூலம் பாடசாலைக்கு எற்படக்கூடிய பாதகமான விளைவுகளைக் குறைக்க உதவுதல். 

 

 

 

மாணவர்களுக்கான போக்குவரத்து சேவையை வழங்குபவர்களுக்கான அறிவுரைகள்: 

 இருவர் அமரும் ஆசனங்களில் எப்போதும் இருவரை மாத்திரம் அமரச்செய்தல் மேலும் ஆசனங்களின் எண்ணிக்கைக்கமைவாக மாத்திரம் மாணவர்களை அழைத்து வருதல். 

 

 பாடசாலை வாகனங்களில் மாணவர்கள் ஏறும் போதும் இறங்கும்போதும் கைகளை சுத்தப்படுத்திக் கொள்வதற்காக தொற்றுநீக்கி திரவங்களை வைத்தல். 

 

 முற்றிலும் குளிரூட்டப்பட்ட வாகனமாயின் மாணவர்களை அழைத்து வரும் போது குளிரூட்டியை நிறுத்தி யன்னல்களை திறந்து காற்றோட்டம் கிடைக்கப்பெறச் செய்தல். 

 

 மாணவர்கள் வாகனத்தினுள் முகக்கவசங்களை அகற்றல், உணவுகளை பரிமாறல் போன்ற செயற்பாடுகளில் ஈடுபடாதிருக்க நடவடிக்கைகளை மேற்கொள்ளல். 

 

 தினமும் ஒரே மாணவர் குழுவினை அழைத்துவருதல். ஒரே பாடசாலை மாணவர்களை ஒரு வாகனத்தில் அழைத்துவருதல். 

 

 வாகனத்தில் தினமும் வருகை தரும் மாணவர்களின் தகவல்களைப் பேணிவருதல். 

 

 தினமும் வருகை தரும் மாணவர்களை பதிவு செய்யும் இடாப்பு ஒன்றை பேணுதல். 

 

 பாடசாலை மாணவர்கள் வரும் வாகனங்களில் வெளி ஆட்களை அழைத்துவராதிருத்தல். 

 

 காலையில் மாணவர்கள் வாகனத்தில் ஏறும் போது அவர்களுக்கு ஏதேனும் சுகவீன நிலைமை இருக்கின்றதா என கேட்டு உறுதிப்படுத்திக் கொள்ளல். 

 

 தனிமைப்படுத்தப்பட்ட பிரதேசங்களிலிருக்கும் மாணவர்களை அழைத்துவராதிருத்தல். 

 

 காலையில் மாணவர்கள் வாகனத்திலிருந்து இறங்கிச் சென்றதன் பின்னர் வெளி ஆட்களை வாகனங்களில் ஏற்றாதிருத்தல். 

 

 வாகன சாரதி மற்றும் நடாத்துனர் எப்போதும் முகக்கவசங்களை அணிந்திருத்தல். 

 

 தினமும் காலையில் மாணவர்கள் வாகனத்தில் ஏறும் முன்னரும் மாலையில் ஏறும் முன்னரும் அடிக்கடி தொடுகைக்கு உட்படும் இடங்களை முறையாக சுத்தப்படுத்தல். 

 

 அவசர நிலைமைகளின் போது அழைப்பதற்கான தொலைபேசி இலக்கங்களை வாகனங்களில் காட்சிப்படுத்தல். 

 

 கோரோனா நோய் தொற்றாளர்களுடன் தொடர்புடையவர்கள் மற்றும் தனிமைப்படுத்தப்பட்டிருக்கும் பிரதேசங்களிலிருப்பவர்களை பணியில் அமர்த்தாதிருத்தல். 

 

 இயன்றவரையில் ஒரே சாரதி மற்றும் நடாத்துனரைக் கொண்டு சேவையை வழங்குதல். 

 

 சரியான தகவல்களை வழங்காத பணியாளர்களை வேலைக்கமர்த்தாதிருத்தல். 

 

 தினமும் பணியாளர்களை மாற்றாதிருத்தல். 

 

 சாரதி அல்லது நடாத்துனர் சுகயீனமுற்றிருப்பின் அவர்களை பணிக்கமர்த்தாதிருத்தல். 

 

 சாரதி, நடாத்துனர் காலையில் வாகனத்தில் ஏறும் முன்னர் அவர்களது உடல் வெப்பநிலையை பரீட்சிப்பதற்கான நடைமுறையை உருவாக்கல். 

 

 சாரதி மற்றும் நடாத்துனர் வெற்றிலை மெல்லுவதற்காக முகக்கவசங்களை அகற்றாதிருப்பதற்கான அறிவுரைகளை வழங்க நடவடிக்கை எடுத்தல். 

 

 முச்சக்கர வண்டிகளில் சமூக இடைவெளி பேணத்தக்க முறையில் பரிந்துரைக்கப்பட்டுள்ள எண்ணிக்கையிலான மாணவர்களை மாத்திரம் அழைத்து வருதல். 

 

 சேவையில் ஈடுபடும் பாடசாலை போக்குவரத்துச் சேவை சாரதிகள் மற்றும் நடாத்துனர்கள் பூரணமாக தடுப்பூசியை பெற்றிருத்தல் வேண்டும்.