உ. தர பௌதீகவியல் பாட பரிந்துரையில் பாதரசம் பயன்படுத்தும் பிரயோக பரிசோதனையை அகற்றல் தொடர்பான கல்வியமைச்சின் 21/2021 இலக்கம் கொண்ட சுற்றறிக்கையை இங்கு தருகிறோம். 

 

இதன் பிரகாரம் குறித்த பாடத்திற்கான பரீட்சை 2023 முதல் நடைபெறும் என தெரிவிக்கப்பட்டுள்ளது. 

 

இலங்கை திறந்த பல்கலைக்கழக LLB தெரிவுப் பரீட்சையின் ஆங்கில பாடத்தை மீண்டும் நடாத்துவது தொடர்பான அறிவித்தலை பரீட்சைத் திணைக்களம் வெளியிட்டுள்ளது. இது மீண்டும் 05-02-2022 அன்று நடாத்த திட்டமிடப்பட்டுள்ளது. 

 

தேசிய கல்வியற் கல்லூரிகள், ஆசிரியர் கல்லூரிகள், ஆசிரிய மத்திய நிலையங்கள் மற்றும் தேசிய பாடசாலைகளில் பயிற்சி பெற்று 2022-01-03 ம் திகதி தொடக்கம் நிரந்தர நியமனம் பெற்ற கல்வி அமைச்சின் கீழ் நிலைப்படுத்தப்பட்ட பட்டதாரிகள்/ டிப்ளோமோதாரர்கள் தமது நிரந்தர நியமனக் கடிதத்தை 

பெற்றுக் கொள்வதற்காக கல்வியமைச்சிற்கு அழைக்கப்பட்டுள்ளனர். 

 

மேலும் தேசிய அடையாள அட்டை மற்றும் 2021-12-31 வரை பயிற்சி பெற்றதை உறுதிப்படுத்துவதற்காக தாபன பொறுப்பாளரின் கடிதம் என்பவற்றுடன் வருகை தரவேண்டும் என குறிப்பிடப்பட்டுள்ளது. 

 

 

G.C.E. A/L Examination – 2021(2022) 

Application for of Marking Examiners & Chief Marking Examiners 

 

உயர்தரப் பரீட்சை 2021 (2022) மற்றும் பிரதம பரீட்சகர்களுக்கான விண்ணப்ப படிவங்களை நிகழ்நிலையில் ஏற்றுக்கொள்வது தொடர்பான அறிவித்தலை இலங்கை பரீட்சைத் திணைக்களம் வெளியிட்டுள்ளது. 

 

 

Click the link below for video guidance: 

Marking Examiners 

Chief Examiners 

 

Technical instructions - Marking examiners 

Technical instructions - Chief examiners 

 

 

https://onlineexams.gov.lk/eic 

 

 

 

 

 

 

 

 

 

 

கொரோனா பரவல் காரணமாக கடந்த வருடம் நடைபெறவிருந்த சாதாரணதர, உயர்தரம் மற்றும் புலமைப் பரிசில் பரீட்சைகள் என்பன இந்த வருடத்திற்கு ஒத்திவைக்கப்பட்டுள்ளன. 

 

இந்நிலையில் இந்த பரீட்சைகள் மீண்டும் 

ஒத்தி வைக்கப்பட மாட்டாது எனவும் குறித்த திகதியில் சகல பரீட்சைகளும் நடைபெறும் எனவும் கல்வியமைச்சின் செயலாளர் பேராசிரியர் கபில பெரேரா தெரிவித்துள்ளார். 

 

குறித்த பரிட்சைகள் மேலும் தாமதமடைந்தால் பெரும்பாலான மாணவர்களுக்கு பாதிப்பு ஏற்படும் எனவும் அவர் மேலும் தெரிவித்தார்.

பரீட்சை திணைக்களத்தால் 2022 பெப்ரவரி மாதம் நடத்தப்படும் பரீட்சைகளுக்கான நாட்காட்டியை பரீட்சைத் திணைக்களம் வெளியிட்டுள்ளது. இலங்கை திறந்த பல்கலைக்கழகத்தின் சட்டமாணி பட்டடப்படிப்பிற்கான தெரிவுப் பரீட்சையின் 2ம் கட்டம் உட்பட 08 வகையான பரீட்சைகள் பெப்ரவரி மாதத்தில் நடாத்த திட்டமிடப்பட்டுள்ளன. 

 

 

அடுத்த வருடம் (2023) முதல் நடைபெறும் உயர்தரப் பரீட்சையில் 

கொரிய மொழியும் ஒரு பாடமாக இணைத்துக் கொள்ளப்பட்டுள்ளதாக வெளிவிவகார அமைச்சர் ஜி எல் பீரிஸ் தெரிவித்துள்ளார். 

 

தென்கொரியாவுக்கு விஜயம் செய்த அமைச்சர் அங்கு பிரதி பிரதமரும் கல்வி அமைச்சருமான யூ யூன் ஹையை தலைநகர் சியோலில் சந்தித்தவேளை இதனை தெரிவித்துள்ளார். 

 

இதன்போது தென்கொரியாவில் பணிபுரியும் 22,000 இலங்கையர்கள் தொடர்பில் கருத்து தெரிவித்த அமைச்சர் ஜி எல் பீரிஸ், கொரிய மொழி கற்கைகள் 

இலங்கையில் பிரபல்யம் அடைந்து வருவதை சுட்டிக்காட்டினார். பதிலளித்த பிரதிப் பிரதமர், இலங்கையின் தொழில்சார் கல்வி மற்றும் பயிற்சிகளுக்கு உதவி வழங்குவது தொடர்பில் கொரியா பரிசீலிக்கும் என தெரிவித்தார்.

பட்டதாரி பயிலுனர்களுக்கு நிரந்தர நியமனம் வழங்கும் நடவடிக்கைகள் முன்னெடுக்கப்பட்டு வருகின்றன. 

 

இதில் மத்திய மாகாணத்தில் 4545 பேருக்கு நிரந்தர நியமனம் வழங்கும் நிகழ்வு மாகாண ஆளுநர் லலித் யூ கமகேயின் தலைமையில் மத்திய மாகாண சபை கேட்போர் கூடத்தில் இடம்பெற்றது. 

குறித்த 4,545 பேரில் 2,616 பேர் பாடசாலைகளுக்கே நியமனம் பெற்றுள்ளமை குறிப்பிடத்தக்கது. 

 

இதேவேளை பட்டதாரி பயிலுனர்களுக்கு நிரந்தர நியமனம் வழங்குவது தொடர்பாக பொது நிர்வாக அமைச்சினால் வெளியிடப்பட்ட சுற்றறிக்கையில், பட்டதாரி பயிலுனர்களாக பாடசாலைகளில் பயிற்சி பெற்றவர்கள் பாடசாலைகளுக்கே நியமிக்கப்படுவார்கள் என தெரிவிக்கப்பட்டிருந்தமை குறிப்பிடத்தக்கது. 

 

https://www.irumbuthirainews.com/2022/01/blog-post_60.html?m=1 

பட்டதாரி பயிலுனர்களை நிரந்தர அடிப்படையில் நியமித்தல் தொடர்பான சுற்றறிக்கை கடிதம் அரச சேவைகள், மாகாண சபைகள் மற்றும் உள்ளூராட்சி அமைச்சினால் வெளியிடப்பட்டுள்ளது. 

 

அதாவது ஆட்சேர்ப்பு செய்யப்பட்ட 51,682 பட்டதாரிகள் ஏற்கனவே பல்வேறு அரசாங்க நிறுவனங்களில் பயிற்சி பெற்று வருகிறார்கள். அந்தப் பயிலுனர்களில் ஒரு வருட பயிற்சியை பூர்த்தி செய்த பட்டதாரி பயிலுனர்கள் 2022-1-3 ஆம் தேதி முதல் நடைமுறைக்கு வரும் வகையில் அபிவிருத்தி உத்தியோகத்தர்களாக 

இணைந்த சேவைக்கும் மாகாண அரச சேவையின் நிரந்தர சேவைக்கும் நியமிப்பதற்கும் ஒரு வருட பயிற்சியை பூர்த்தி செய்திராத பட்டதாரி பயிலுனர்களை 2022-04-01 ஆம் திகதி முதல் நடைமுறைக்கு வரும் வகையில் அபிவிருத்தி உத்தியோகத்தர் நிரந்தர சேவைக்கு நியமிக்கும் வரையில் 2022-01-03 ஆம் திகதி முதல் நிரந்தரமாக புதிய பயிற்சி நிலையங்களில் இணைப்பதற்கும் 2021-09-13 ஆம் திகதி நடைபெற்ற அமைச்சரவைக் கூட்டத்தில் தீர்மானிக்கப்பட்டிருந்தது. 

 

அதற்கமைய தற்போது நடவடிக்கைகள் முன்னெடுக்கப்படுகின்றன. ஒவ்வொருவருக்கும் இணைக்கப்பட்டுள்ள சேவை நிலையங்களை 2022-1-7 ஆம் திகதி முதல் 

இந்த அமைச்சின் MISCO மென்பொருளில் பிரவேசித்து அறிந்துகொள்ளலாம். 

 

சகல பயிலுனர்களும் அவர்கள் வதியும் மாவட்டத்தில் அல்லது மாகாணத்தினுள்ளேயே சேவையில் இணைக்கப்பட்டுள்ளனர். 

 

பாடசாலைகளில் பயிற்சி பெற்றவர்கள் தொடர்ந்தும் 

பாடசாலைகளிலேயே தற்காலிகமாக வைத்திருக்க நடவடிக்கை எடுக்கப்பட்டுள்ளது. 

 

சம்பளங்கள் மற்றும் கொடுப்பனவுகளை வழங்குவதற்கான நிதி ஒதுக்கப்பட்டுள்ளதாகவும் தெரிவிக்கப்பட்டுள்ளது. (மாதாந்த மொத்த சம்பளம் 41,000 ரூபா எனவும் அறிய முடிகிறது) 

 

 

ஆசிரியர்-அதிபர் சம்பள முரண்பாட்டை நீக்குவது தொடர்பாக 2021-8-30 மற்றும் 2022-1-3 ஆம் திகதிகளில் இடம்பெற்ற அமைச்சரவை கூட்டங்களின் போது மேற்கொள்ளப்பட்ட தீர்மானங்களின் பிரகாரம் இலங்கை அதிபர் சேவை, இலங்கை ஆசிரியர் ஆலோசகர் சேவை மற்றும் இலங்கை ஆசிரியர் சேவைக்கான புதிய சம்பள அளவு திட்டங்கள் தொடர்பான சுற்றறிக்கை வெளியிடப்பட்டுள்ளது. 

 

03/2016(1V) என்ற இலக்கம் கொண்ட இந்த அரசாங்க நிர்வாக சுற்றறிக்கையை பொது சேவைகள், மாகாண சபைகள் மற்றும் உள்ளூராட்சி அமைச்சு இன்றைய தினம் (5) வெளியிட்டுள்ளது. 

 

இந்த சுற்றறிக்கையின் ஏற்பாடுகள் 2022-1-1 ஆம் திகதி முதல் அமல்படுத்தப்படும். தேசிய சம்பள ஆணைக்குழு மற்றும் நிதி அமைச்சின் இணக்கப்பாட்டுடன் இந்த சுற்றறிக்கை வெளியிடப்படுவதாக அதில் தெரிவிக்கப்பட்டுள்ளது. 

 

கொரோனா பரவலைக் கருத்தில்கொண்டு பாடசாலைகளில் பல்வேறு கட்டுப்பாடுகள் நடைமுறைப்படுத்தப்பட்டு வருகின்றன. மாணவர்களும் குழுக்களாக பிரிக்கப்பட்டு பகுதியளவிலேயே பாடசாலைக்கு அழைக்கப்படுகின்றனர். 

இந்நிலையில் எதிர்வரும் திங்கட்கிழமை முதல் பாடசாலைகளை சாதாரண முறையில் நடத்திச் செல்ல சுகாதார சேவைகள் பணிப்பாளர் அசேல குணவர்தன அனுமதி வழங்கியுள்ளார். 

 

அந்தவகையில் திங்கட்கிழமை முதல் சகல மாணவர்களும் பாடசாலைக்கு அழைக்கப்படுவர். பகுதி அளவில் மாணவர்கள் அழைக்கப்படும் பொழுது மாணவர்களின் கல்வி நிலை பாரிய அளவில் பாதிக்கப்பட்டமை குறிப்பிடத்தக்கது. 

தென்னாபிரிக்காவில் கண்டுபிடிக்கப்பட்ட ஓமிக்ரோன் வைரஸ் திரிபானது தற்போது உலகம் பூராவும் பரவிக்கொண்டிருக்கிறது. 

 

இந்நிலையில் இந்த ஓமிக்ரோன் வைரஸ் திரிபை விட அதிக அளவில் பரவும் தன்மை கொண்ட வைரஸ் திரிபை 

பிரான்சில் ஆராய்ச்சியாளர்கள் கண்டுபிடித்துள்ளனர். 

 

மத்திய ஆபிரிக்க நாடான கேமரூனில் இருந்து வந்த பயணிக்கே முதன்முறையாக இந்த புதிய உருமாறிய திரிபு கண்டுபிடிக்கப்பட்டுள்ளது. மேலும் அவருடன் தொடர்பில் இருந்த 12 பேருக்கும் இதே திரிபு கண்டறியப்பட்டுள்ளது. 

 

இந்த புதிய திரிபுக்கு I.H.U. B.1.640.2 என பெயரிடப்பட்டுள்ளது. இது ஒருவரிடம் இருந்து 46 பேருக்கு பரவும் தன்மை கொண்டது எனவும் கண்டறியப்பட்டுள்ளது.

Official Government Gazette Released on 31-12-2021. 

 

31-12-2021 அன்று வெளியான அரச வர்த்தமானியை தமிழ், ஆங்கிலம், சிங்களம் ஆகிய மொழிகளில் இங்கு தருகிறோம். இதில் பல முக்கிய அறிவித்தல்கள் காணப்படுகின்றன. கீழே உள்ள உரிய லிங்கைக் கிளிக் செய்து உரிய மொழியில் முழுமையாகப் பார்வையிடுக. 

 

தமிழில் பார்வையிட கீழே உள்ள லிங்கை கிளிக் செய்க. 

Tamil 

 

ஆங்கிலத்தில் பார்வையிட கீழே உள்ள லிங்கை கிளிக் செய்க. 

English 

 

சிங்களத்தில் பார்வையிட கீழே உள்ள லிங்கை கிளிக் செய்க. 

Sinhala 

 

https://www.irumbuthirainews.com/2021/12/24-12-2021-official-government-gazette.html