அரச ஊழியர்கள் 05 வருடங்களுக்கு உள்நாட்டிலோ வெளிநாட்டிலலோ சம்பளமற்ற விடுமுறை பெறுவது தொடர்பான சுற்றறிக்கை பாடசாலை ஆசிரியர்கள், சுகாதாரத் துறையினர் மற்றும் தொழில்நுட்ப சேவை நிபுணர்கள் என்பவர்களுக்கு பொருந்தாது என பொதுநிர்வாக அமைச்சின் செயலாளர் M.M.P.K. மாயாதுன்னே தெரிவித்துள்ளார். 

இது தொடர்பான சுற்றறிக்கை தற்போது தயாரிக்கப்பட்டு வருவதாகவும் அவர் தெரிவித்தார். 

இந்த விடுமுறையானது ஏனைய அரச நிறுவனங்களில் உள்ள மேலதிக ஊழியர்களை விடுவிப்பதற்காக அறிமுகப்படுத்தபட்டதாகும். மாறாக நாட்டுக்கு தேவையான அத்தியாவசிய சேவையில் உள்ளவர்களுக்கு இந்த விடுமுறை பொருந்தாது எனவும் அவர் தெரிவித்தார்.

Related:

2001ல் இன்று போல் ஒரு நாள் அதாவது செப்டம்பர் 11ஆம் தேதி அமெரிக்க இரட்டைக் கோபுர தாக்குதல் நடந்தது. 

இந்த கோர தாக்குதலின் 21 வருட நினைவு நாள் இன்று. இந்த தாக்குதல்களுக்கு அல்கொய்தா அமைப்பு உரிமை கோரியதாக தெரிவிக்கப்படுகிறது. 

அன்றைய தினம் அமெரிக்கா மீது நடத்தப்பட்ட தாக்குதல்களுக்கு மொத்தம் 04 பயணிகள் விமானம் கடத்தப்பட்டது. அதில் இரண்டு விமானங்கள் அமெரிக்காவின் நியூயார்க் நகரில் அமைந்திருந்த உலக வர்த்தக மைய இரட்டை கோபுரங்கள் மீது மோதியதில் சுமார் 110 அடுக்குமாடிகள் கீழே விழுந்து தரைமட்டமாகின. அதன் புகை மண்டலம் பல கிலோமீட்டருக்கு பரவியது. 

மற்றுமொரு விமானம் அமெரிக்க பாதுகாப்பு தலைமையகமான பெண்டகன் மீது தாக்குதல் நடத்தியது. 

பிளைட் 93 என்ற மற்றுமொரு விமானம் அமெரிக்க பென்சில்வேனியாவில் உள்ள வயல் பகுதி ஒன்றில் விழுந்து நொறுங்கியது. அந்த விமானத்தில் இருந்த பயணிகள் குறித்த தாக்குதல்தாரர்களை எதிர்த்து போராடியதில் விமானம் உரிய இலக்கை அடைய தவறி வயல் பகுதியில் விழுந்து நொறுங்கியதாக தெரிவிக்கப்படுகிறது. 

இந்த தாக்குதல்களில் மொத்தமாக சுமார் 3000 பேர வரை கொல்லப்பட்டனர். அமெரிக்க வரலாற்றிலேயே மறக்க முடியாத ஒரு நாளாக இது பதிவானது. 

அல்கொய்தாவின் தலைவர் ஒசாமா பின்லேடன் ஆப்கானிஸ்தானில் மறைந்துள்ளதாக கூறி ஆப்கான் மீது அமெரிக்கா படையெடுத்தது. அங்கு பல வருடங்கள் யுத்தம் நடந்தது. பின்னர் ஒசாமா பின்லேடன் அமெரிக்க படைகளால் பாகிஸ்தானில் வைத்து கொல்லப்பட்டார். 

ஆப்கானை விட்டு அண்மையில் அமெரிக்க வெளியேறியது. இருந்தாலும் ஆப்கானில் அமெரிக்கா சந்தித்த இழப்புகளை ஒப்பீடு செய்த பாதுகாப்பு நிபுணர்கள் அமெரிக்கா ஆப்கானிஸ்தானில் தோல்வியை சந்தித்ததாகவே பொதுவாக கருத்து வெளியிட்டனர். 

இதேபோன்று ஈராக்கில் ரசாயன ஆயுதங்கள் இருப்பதாக ஈராக் மீது அமெரிக்கா படையெடுத்திருந்தது. பின்னர் சதாம் உசேன் தூக்கிலிடப்பட்டார். ஆனால் அங்கு எவ்வித ரசாயன ஆயுதங்களும் கைப்பற்றப்பட்டதாக அதிகாரபூர்வ அறிவிப்புகள் வெளியாகவில்லை.

அப்பாவி மக்களை கொள்ளும் எந்த ஒரு செயலும் மன்னிக்க முடியாத பயங்கரவாத தாக்குதலாகும். இது யார் செய்தாலும் மன்னிக்க முடியாத குற்றமாகும்.

தரம் 01 முதல் 11 வரை அத்தியாவசிய கற்றல் உள்ளடக்கங்களை நடைமுறைப்படுத்தல் தொடர்பாக கல்வியமைச்சு சகல மாகாணங்களுக்கும் அறிவித்தல் வழங்கியுள்ளது. அதனை கீழே காணலாம். 

Public Administration Circular: 14/ 2022(1). 

Topic: Granting Leave with no pay to be spent in or out of the Island to public officers without causing any prejudice to the seniority and pension. 

 

To view and download Circulars in Tamil, English and Sinhala languages are given below.

அரச ஊழியர்களுக்கு உள்நாட்டில் அல்லது வெளிநாட்டிலோ தொழில் புரிவதற்காக சம்பளமற்ற விடுமுறை 5 வருடங்களுக்கு வழங்குவது தொடர்பாக பொது நிர்வாக அமைச்சால் ஏற்கனவே 22-6-2022 திகதியிடப்பட்டு வெளியிடப்பட்ட 14/2022 இலக்கம் கொண்ட சுற்றறிக்கைக்கு மேலதிகமாக, திருத்தங்கள் செய்யப்பட்ட 14/ 2022(1) இலக்கம் கொண்ட சுற்றறிக்கையே இதுவாகும். 

இரண்டாம் எலிசபெத் மகாராணியின் மறைவை தொடர்ந்து ஐக்கிய ராஜ்யத்தின் அரசராக நேற்றைய தினம் மூன்றாம் சார்ள்ஸ் பிரகடனம் செய்யப்பட்டார். 

இந்த நிகழ்வு லண்டனில் உள்ள புனித ஜேம்ஸ் மாளிகையில் நேற்று(10) காலை நடைபெற்றது. 

கடந்த 07 தசாப்தங்களுக்கு மேலாக இத்தகைய ஒரு நிகழ்வு நடைபெறவில்லை. காரணம் அவ்வளவு காலப்பகுதி ராணியின் ஆட்சி நடைபெற்றது. இது மாத்திரமன்றி வரலாற்றிலேயே முதன்முறையாக இந்த நிகழ்வுகள் தொலைக்காட்சிகளிலும் ஒளிபரப்பப்பட்டன. 

ஆக்ட் ஒஃப் செட்டில்மன்ட் 1701 சட்டத்தின் விதிகளின்படி சார்ள்ஸ் மன்னர் அவருடைய தாயின் மறைவுக்குப் பிறகு தாமாக அரசர் ஆகிவிட்டார். இருந்தாலும் இன்று நடைபெற்றது சம்பிரதாய அறிவிப்பு மாத்திரமே. 

இந்நிகழ்வில் ப்ரைவி கவுன்சிலை சேர்ந்த 200 பேர் அளவில் கலந்து கொண்டனர். ப்ரைவி கவுன்சில் என்பது இன்னாள் மற்றும் முன்னாள் அரசியல்வாதிகளை உள்ளடக்கிய அரசருக்கு முறைப்படி ஆலோசனை வழங்கும் குழுவாகும். இதில் சுமார் 700 பேர் உறுப்பினர்களாக இருந்தாலும் சுமார் 200 பேர் மட்டுமே அழைக்கப்பட்டிருந்தனர். 

மேலும் இன்றைய இந்த நிகழ்வு இரண்டு பாகங்களாக பிரிக்கப்பட்டிருந்தன. 

முதலாவது பாகத்தில் மகாராணி இறந்த விடயம் அறிவிக்கப்பட்டதுடன் புதிய மன்னரின் பெயரும் அறிவிக்கப்பட்டது. 

இரண்டாம் பாகத்தில் புதிய மன்னர் மூன்றாம் சார்ள்ஸின் உரை இடம்பெற்றது. 

அந்த உரையில், தமது அன்புக்குரிய தாயின் சேவை மிகுந்த வாழ்க்கையை பற்றி குறிப்பிட்டதுடன் அவரது காலடித்தடத்தை பின்பற்றுவதற்கும் உறுதிமொழி அளித்தார் சார்ள்ஸ். 

நம் அனைவருக்கும் ஏற்பட்டுள்ள ஈடு செய்ய முடியாத இந்த இழப்பை குறித்து ஒட்டுமொத்த உலகமும் என் மீது அனுதாபம் கொள்கிறது. காலம் அர்ப்பணிப்பு மற்றும் பக்தியில் என்னுடைய தாயின் ஆட்சி காலம் வேறு எதற்கு நிகரில்லாதது. துயருற்றிருக்கும் இந்த நேரத்திலும் அப்படிப்பட்ட நம்பிக்கை அளிக்கும் வாழ்க்கைக்கு நாம் நன்றி கூறுகிறோம். 

என்னுடைய ஆழமான மரபு மற்றும் எனக்கு வழங்கப்பட்டுள்ள முக்கியத்துவம் மிக்க கடமைகள் மற்றும் பொறுப்புகள் குறித்து நான் மிகவும் விழிப்புணர்வுடன் இருக்கிறேன். மேலும் என் அன்புக்குரிய மனைவியின் தொடர்ச்சியான ஆதரவு எனக்கு மிகுந்த ஊக்கமளிக்கிறது என்றும் தனது உரையில் தெரிவித்தார.

நிகழ்வின் இறுதியாக, பிரகடனங்களுக்கு மன்னர் ஒப்புதல் அளித்தார். அதில் முதலாவது மகாராணியின் இறுதிச்சடங்கு நடக்கும் நாளை பொது விடுமுறையாக அறிவித்ததாகும். 

எனவே புதிய மன்னர் 3ம் சார்ள்ஸின் முதலாவது உத்தரவாக பார்க்கப்படுகிறது.

Related:

இங்கிலாந்து மகாராணி இரண்டாம் எலிசபெத்தின் மறைவை தொடர்ந்து புதிய மன்னராக மூன்றாம் சார்ல்ஸ் அறிவிக்கப்பட்டுள்ள நிலையில் இங்கிலாந்தின் தேசிய கீதம், கடவுச்சீட்டு, நாணயம் உட்பட பல விடயங்களில் பல முக்கிய அதிரடி மாற்றங்கள் மேற்கொள்ளப்பட உள்ளன. 

அதாவது 1952 இல் இங்கிலாந்து ராணியாக இரண்டாம் எலிசபெத் பதவியேற்றது முதல் பிரிட்டனின் தேசிய கீதத்தில் "காட் சேவ் தி குயின் (God save the Queen)" என்ற வரிகள் பாடப்பட்டு வந்தன. 

தற்போது மன்னராக சார்ல்ஸ் நியமிக்கப்பட்டுள்ளதால் அந்த வரிகள் "காட் சேவ் தி கிங் (God save the king) என்று மாற்றம் பெறுகிறது.

அதேபோன்று மன்னர் சார்ல்சை முன்னிறுத்தி அந்நாட்டு நாணயம், கடவுச்சீட்டு, அஞ்சல் தலை உள்ளிட்ட பலவற்றிலும் மாற்றங்கள் செய்யப்பட உள்ளதாகவும் தெரிவிக்கப்படுகிறது.

அண்மையில் வெளியிடப்பட்ட 2021 ஆம் வருடத்திற்குரிய உயர்தர பரீட்சை பெறுபேறுகளுக்கு எந்த விதத்திலும் பாதிப்புகள் ஏற்படவில்லை என பரீட்சைகள் திணைக்களம் தெரிவித்துள்ளது. 

பரீட்சைகள் திணைக்களத்தின் உத்தியோகபூர்வ இணையதளத்தை காலி பிரதேசத்தில் வசிக்கும் பாடசாலை மாணவர் ஒருவர் ஹேக் செய்து பெறுபேறுகளை மாற்றியதாக வெளியான தகவல்களில் உண்மை இல்லை எனவும் அந்த மாணவர் பரீட்சை திணைக்களத்தில் வெளியிடப்பட்ட முடிவுகளை பெற்று தனது இணையதளத்தின் மூலம் வழங்க முயற்சிகளை மேற்கொண்டுள்ளார் எனவும் திணைக்களம் மேலும் தெரிவித்துள்ளது. 

நாட்டின் பல்வேறு பகுதிகளைச் சேர்ந்த சுமார் 5000 உறுப்பினர்களைக் கொண்ட டெலிகிராம்(Telegram) குழுவில் இணைந்துள்ள இந்த குறித்த மாணவன் அங்கு பகிரப்பட்ட ஹேக்கிங் குறித்த நுட்ப முறைகளை எடுத்து அந்த வழிமுறைகளை பின்பற்றி பரீட்சை திணைக்களத்தின் இணையதளத்தை ஹேக் செய்து அதிலிருந்து சுமார் 270,000 பேரின் பெறுபேறுகளை எடுத்து அது போன்று வேறொரு இணைய தளத்தில் காட்சிப்படுத்தியுள்ளதாக குறித்த மாணவன் குற்றப்புலனாய்வு திணைக்களத்தினால் கைது செய்யப்பட்டதாக அண்மையில் செய்திகள் வெளியாகின. 

காலியில் உள்ள முன்னணி பாடசாலை ஒன்றில் தகவல் தொழில்நுட்பம் கற்கும் குறித்த மாணவர் இந்த வேலையை செய்துள்ளதாகவும் விசாரணையில் தெரிய வந்துள்ளது. 

குறித்த டெலிகிராம் குழுவிற்குள் நுட்பமான முறையில் இணைந்த குற்றப்புலனாய்வு திணைக்களத்தின் சைபர் குற்றப்புலனாய்வு பிரிவு இவர்களின் நடவடிக்கைகளை அவதானித்து விசாரணைகளை மேற்கொண்டதாகவும் தெரிவிக்கப்படுகிறது. 

இந்த அடிப்படையிலேயே குறித்த மாணவன் இம்மாதம் 7ம் தேதி புதன்கிழமை கைது செய்யப்பட்டுள்ளார் என்ற தகவல் அண்மையில் வெளிவந்தது. 

இந்த செய்தியை தொடர்ந்து, உயர்தர பெறுபேறுகள் மாற்றப்பட்டதா என்ற பல கருத்துக்கள் வெளிவந்த நிலையில் பரீட்சை திணைக்களம் தற்போது இந்த விடயத்தை தெரிவித்துள்ளது.

Public Administration Circular Letter: 02/2022. 

 

Circular Name: Replying to the Letters, E-Mails and Telephone Call Received from the Public. 

 

அரசாங்க நிறுவனங்களுக்கு பொதுமக்களிடமிருந்து வரும் கடிதங்கள், மின்னஞ்சல்கள் (E-mails) மற்றும் தொலைபேசி அழைப்புக்களுக்கு பதிலளித்தல் தொடர்பாக பொது நிர்வாக அமைச்சால் வெளியிடப்பட்ட 02/2022 இலக்கம் கொண்ட சுற்றறிக்கை கடிதத்தை மூன்று மொழிகளிலும் இங்கு தருகிறோம்.

 

09-09-2022 அன்று வெளியான அரச வர்த்தமானியை தமிழ், ஆங்கிலம், சிங்களம் ஆகிய மொழிகளில் இங்கு தருகிறோம். இதில் முக்கிய விடயங்கள் அடங்கியுள்ளன. 

 

குறிப்பு: தற்போதைய நிலையில் (10-09-2022: 01:40 AM) ஆங்கில  மொழி மூல வர்த்தமானி மாத்திரமே பதிவேற்றப்பட்டுள்ளது. ஆனால் தமிழ், சிங்களம் என்பவற்றுக்கான லிங்குகளையும் இங்கு தந்துள்ளோம். அரச அச்சக திணைக்களத்தால் பதிவேற்றம் செய்யப்பட்டதும் இந்த லிங்குகளில் சென்று பார்வையிடலாம். எனவே மீண்டும் மீண்டும் முயற்சி செய்து பாருங்கள்.

  

 தமிழில் பார்வையிட கீழே உள்ள லிங்கை கிளிக் செய்க. 

Tamil 

 

ஆங்கிலத்தில் பார்வையிட கீழே உள்ள லிங்கை கிளிக் செய்க. 

English 

 

சிங்களத்தில் பார்வையிட கீழே உள்ள லிங்கை கிளிக் செய்க. 

Sinhala 

 

 

https://www.irumbuthirainews.com/2022/09/02-09-2022-official-government-gazette.html 

 

The registration of non-motor categories has been added as a new feature to the National Fuel Pass system, such as generators, grass-cutters, and other equipment. 

வாகனம் அல்லாத ஏனைய விடயங்களுக்காக தேசிய எரிபொருள் அனுமதி அட்டையை National Fuel Pass) பெற்றுக் கொள்ளும் முறையை அறிமுகம் செய்துள்ளதாக இலங்கை தகவல் தொடர்பாடல் தொழில்நுட்ப முகவர் நிறுவனம் அறிவித்துள்ளது. 

இதன் கீழ் ஜெனரேட்டர், புல்வெட்டும் இயந்திரம் மற்றும் ஏனைய இயந்திரங்கள் உபகரணங்கள் இன்ப வெற்றியும் பதிவு செய்யலாம். 

02-09-2022 அன்று வெளியான அரச வர்த்தமானியை தமிழ், ஆங்கிலம், சிங்களம் ஆகிய மொழிகளில் இங்கு தருகிறோம். இதில் முக்கிய விடயங்கள் அடங்கியுள்ளன. 

 

தமிழில் பார்வையிட கீழே உள்ள லிங்கை கிளிக் செய்க. 

Tamil 

 

ஆங்கிலத்தில் பார்வையிட கீழே உள்ள லிங்கை கிளிக் செய்க. 

English 

 

சிங்களத்தில் பார்வையிட கீழே உள்ள லிங்கை கிளிக் செய்க. 

Sinhala 

 

 

https://www.irumbuthirainews.com/2022/08/26-08-2022-official-government-gazette.html